Откако објави дека се кандидира за претседател на САД, кампањата на Камала Харис успеала да собере 500 милиони долари во донации, сума што е без преседан во досегашната историја на САД.

Без никакви претходни најави или препирки, Монголија, која е клучна за новиот гасовод од Русија кон Кина, одлучи да го исклучи проектот од долгогодишниот план за работа, што може да значи запирање на целиот проект.

Изненадниот упад на Украина во Русија успеа да освои уште понеочекувани над 1.400 километри квадратни руска територија, и Американците стравуваат дека тоа е сериозен проблем.

Ни едната, ни другата страна во војната немаат доволно луѓе, опрема и муниција за да започнат некаква поголема офанзива против другиот, е последната проценка на аналитичарите на Пентагон.

Кандидат за градоначалник во Вајоминг ветува дека ако биде избран за прв човек на градот Шајен, ќе дозволи ЧатГПТ бот што тој го изработил да управува со тамошната локална власт.

Меѓу сите егзистенцијални проблеми со кои се справува Пакистан, пример е на раб од економски колапс и некои посебно уникатни за него, експлозија на популацијата на магариња, земјата се сврте кон чистење на својот парламент од глувци.

И повеќе шверц со бело робје и повеќе грабежи и повеќе насилство покажуваат последните официјални германски статистики според кои криминалот во земјата општо е највисоко ниво од 2012.

Кога Северен тек беше уништен во септември 2023, најблискиот советник на Зеленски, Микаило Подолјак тоа го прогласи за терористички напад испланиран од Русија и акт на агресија кон ЕУ, со цел да ја дестабилизира економската ситуација во Европа и да предизвика паника пред зимата.

Старбакс деновиве објави дека нашле нов ЦЕО по име Брајан Никол, кој го украдоа од ланецот на ресторани Чипотле, и тоа со понуда од 113 милиони долари, плус, до сега нечуена повластица во американскиот корпоративен свет, можност да работи од дома.

Од денешната млада и кревка генерација која знае беспоговорно да слуша авторитети, особено во врска со здравјето, најмалку се очекуваше да се фати за цигара. Нема место за паника, бидејќи оние кои пушеле многу повеќе од нив, создале патишта, железници, книги и филмови кои уште се користат и во кои уште се ужива. Дали пушењето можеби е првиот знак на независност на „снегулките“ од естаблишментот? 

Деновиве објавивме цена на еспресо во ресторан во Италија и штом го асоциравме со цените во Охрид, беше јасно дека ќе се добијат коментари од типот „Одете таму, ако не ви чини“. Еден дури тврдеше дека внесуваме раздор меѓу луѓето, хихи. Но, да видиме на што се должи ниската цена на еспресото во Италија. Главно на неколку работи: регулатива, традиција и култура. 

Украинците кои беа во првиот бран од инвазијата на Курск тврдат дека наишле на многу малку првичен отпор од руската армија, пишува британски Тајмс.

Учениците во почетните одделенија во просек губат по една третина од времето за учење затоа што наставниците своето време го користат за да им помогнат на децата кои не се подготвени за на училиште, пример, уште се во пелени.

САД ја блокираат Украина во користењето на британските проектили со долг домет на руска територија, иако Британија пред некое време објави дека е подготвена да се согласи за истото.

Најсилната европска економија оваа година одвои осум милијарди евра за Украина. Во буџетот за наредната година планира оваа ставка да биде преполовена на четири милијарди евра. Германскиот министер за финансии, Кристијан Линднер, објасни дека неговата земја претпочита идното финансирање на Украина да доаѓа од замрзнатите руски средства а не од федералниот буџет на Германија.

„Екстремофили“ се организми кои можат да преживеат, па дури и да напредуваат, во најсурови средини, вклучително во вжарените хидротермални отвори, мразот на Антарктикот и огромни притисоци на Земјината кора. Сега се откриени во многу подомаќински амбиент: микробрановите печки.

Најмалку една четвртина од луѓето кои имаат тешки повреди на мозокот и не можат физички да одговорат на команди се всушност свесни, обелоденува првата меѓународна студија од ваков вид. Иако овие луѓе не можат, на пример, да кренат палец за да потврдат нешто, тие постојано покажувале мозочна активност кога бивале замолени да замислат како се движат или вежбаат.

Воено Израел во Газа постигна сè што можеше, а продолжувањето со бомбардирање само ја зголемува опасноста за Палестинците без речиси никакви можности за дополнително слабеење на Хамас, ја пренесува Њујорк тајмс изјавата на висок американски функционер.

Откако Џо Бајден се откажа од претседателската трка на 21 јули, Камала Харис потрошила 57 милиони долари само на реклами на Гугл и Мета, споредено со околу 5,6 милиони потрошени од Трамп.

Дизни се обидува да се извади од тужба за смртта на една докторка која умира во нивен ресторан заради алергиска реакција, посегајќи по бескрупулозно апсурдни аргументи, имено, сопругот бил претплатник на Дизни+ стриминг сервисот.

Во мртвата трка кој ќе биде најголемото човечко дно што некогаш било ангажирано пред камерите на Би-би-си се вклучи поранешниот зоолог на Би-би-си Адам Бритон кој се снимал себе си како силува и измачува кучиња, за што доби 10 години затвор.

Носењето паметни часовници и слични уреди кои постојано го следат вашето здравје, со константните апдејти за твојата состојба во крајна линија знаат да ве направат многу поанксиозни околу сопственото здравје, што пак е штетно за истото.

Иако Харис имаше еден крајно симплифициран став за руската инвазија, далеку поголем проблем за Украина е што таа и Зеленски имаат прилично напнати односи, пишува британски Телеграф.

„Познатиот пропаганден аутлет на Балканот, кој директно е надгледуван од британската владина агенција која Ројтерс еднаш ја означи како „проширување на меката моќ на надворешната политика на Обединетото Кралство“, се чини дека е на работ на колапс по големиот раскол меѓу членовите на персоналот и лидерство“, пишува Грејзон на основа на протечени внатрешни меилови на БИРН.