Протечените мејлови прегледани откриваат „длабока криза“ што ја зафати Балканската истражувачка новинарска мрежа (БИРН) која е создадена и финансирана од Западот, криза која се заканува да ја распарчи организацијата.
Водечката пропагандна платформа која е во арсеналот на повеќе западни влади и фондации, се обиде да го преобликува немирниот регион во корист на европските и американските интереси, објавувајќи многу „производи“ во служба на оваа цел. Сега се чини дека целата империја на информациско војување е на несигурна почва.
Меиловите откриваат дека во БИРН избувнала внатрешна „криза“, во голема мера поврзана со регионалната директорка, Милка Домановиќ, која ги надгледува „портфолијата на регионалните проекти“. Повеќе анонимни вработени ја обвинуваат за широк спектар на тешки пропусти, вклучително и „занемарување на должностите“ и „несоодветно однесување“. Нејзината неспособност и погрешно менаџирање наводно ја навеле ЕУ да бара враќање на грант од 300.000 евра. Автентичноста на мејловите го потврдиле луѓе од БИРН.
Во заеднички меил Домановиќ се обвинува дека поттикнува тајни дискусии за перформансите на вработените, ги с'ска едни против други, ги резили оние што се отсутни, се бави со оговарање...
„Се шири култура на молк која многумина ги заплашува да искажат некое незадоволство или несогласување“, пишуваат вработените објаснувајќи дека се решиле за анонимност бидејќи во спротивност, сигурно е дека нивните кариери во БИРН би завршиле. Тоа го поткрепуваат со серијата неодамнешни ненадејни заминувања на нивни колеги.
Домановиќ порачала дека нема да одговара на анонимни писма но ги обвини авторите дека сакаат да предизвикаат хаос во БИРН. Овие подоцна потсетија дека правото на анонимни поплаки е експлицитно загарантирано во куќниот ред на организацијата.
Списокот на донатори на БИРН е галерија од разузнавачки проксија и регионални западни амбасади, пишуваат Кит Кларенберг и Јован Миловановиќ.
Протечените документи покажуваат дека британската вмешаност се протега многу подалеку од самото финансирање, а нејзините разузнавачки сервиси одат до обука на оперативци на БИРН, па дури и насочување на нивните активности преку таканаречениот Британски совет.
Дипломатскиот ветеран Харолд Били го опиша Британскиот совет како една од лондонските „главни меѓународни пропагандни агенции“, заедно со Би-Би-Си. Неодамна, Ројтерс го нарече „влијателно проширување на меката моќ на надворешната политика на Обединетото кралство“.
Протечен внатрешен документ открива дека Британскиот совет ја презел контролата врз БИРН во рамките на проект на Форин Офисот, наводно наменет за „поддршка на поголема независност на медиумите во Западен Балкан“. Операцијата спонзорирана од државата, без никаква иронија, тврди дека има за цел да се спротивстави на „медиумското заробување“, и тоа во регион каде што најбогатите медиуми се спонзорирани од западните влади.
Под покровителство на програмата, новинари од целиот Балкан добиваат „обука и менторство“ и помагаат „да се подобри нивниот ангажман со граѓаните за прашања од јавен интерес; таргетирање на онлајн публиката преку мрежи и алатки за социјални медиуми, одржување на онлајн профили, обуки за водење кампањи на социјалните медиуми....“
Неодамна, Британскиот совет се занимаваше со креирање на 'граѓанско новинарство' од кое БИРН и други би добивале информации од свиркачи на локално ниво. Со други зборови, британското разузнавање се обиде да изгради про-НАТО верзија на Викиликс.
Претходно објавените досиеја (види: Дали британското разузнување бутка нова војна на Косово?) покажаа дека поддршката на Лондон за вестите на Балканот е експлицитно насочена кон ширење на неговото влијание, често со поддршка за промена на режимот.
Се чини дека не е преземено ништо за да се реши наводното недолично однесување на Домановиќ. Со оглед на нејзиното потекло како стипендист на Чивнинг, тоа не изненадува. Обезбедени од Министерството за надворешни работи, овие стипендии обезбедуваат витален механизам за проектирање на британската мека моќ во странство. Многу стипендисти од Чивнинг продолжуваат да заземаат моќни позиции во нивните матични земји. Официјалниот профил на Домановиќ на БИРН наведува дека Чивнинг ја сместил во Голдсмитс, Универзитетот во Лондон каде магистрирала не новинарство, туку „маркетинг и технологија“.
Во друг документ поврзан со британската инфилтрација во поранешна Југославија, експлицитно се наведува дека создавањето „цевковод“ од регионални новинарки за „одбрана и дипломатија“ преку Чивнинг, е една од основните цели на Лондон. Се предвидува дека тие ќе служат како пробритански инфлуенсери на Западен Балкан до крајот на нивната кариера.
* извор
***********
Види и:
