Се работи за мечот меѓу МЗТ Скопје и германски Ратиофарм Улм, одигран на 2 октомври 1996-та во рамките на Еврокупот, само еден месец пред историскиот триумф над Реал Мадрид.
Металците беа во негатива од три поени (68-71) и имаа напад на 20 секунди до крајот, но Врбица Стефанов промаши. Гостите тргнаа во брза контра со забивање, по кое беше јасно дека мечот е завршен.
Но, топката некако, чудно и нејасно, излезе од кош, а тоа го искористи Перо Блажевски кој возврати со тројка и ја фрли во транс публиката во легендарната „лименка“, како што ја викаа аеродромци салата Јане Сандански.
Се играа продолженија во кои кошаркарите на МЗТ ја имаа психолошката предност и на крај славеа голема и незаборавна победа од 92:89.
За МЗТ на овој искориски меч настапија: Марк Дин (23 поени), Перо Блажевски (21), Ѓорѓи Књазев (16), Врбица Стефанов (14), Мирза Куртовиќ (11), Игор Михајловски (5), Тони Симиќ (1), Антонио Миневски (1), Слободан Петровски и Дејан Димов.
Нереален триумф на Литванија во Лондон со 9 поени за 10 секунди
