Сообраќајките навидум косат луѓе строго неселективно и демократски. Но, не е така. Од кола човек некако ќе побегне, од сиромаштија никако.

Јују Ту годинава ја доби Нобеловата награда за медицина за откривањето на лек против маларија, артемисинин, на кој почнува да работи уште во 60-те за време на Виетнамската војна. Нејзина задача во тоа време е да патува по кинеските села во потрага по "тајни лекови".

40% од светската економија од вчера се контролира со Транс-Пацифичкото партнерство, најголемиот регионален трговски договор во историјата кој по 5 години преговарање го потпишаа САД, Јапонија, Канада, Австралија и уште осум држави што излегуваат на Пацификот. Од овој куп, намерно е исклучена Кина.

8 од последните 14 масовни убијци во САД имаат кривично минато и документирани психички проблеми. И покрај ова тие немаат проблем да го набават оружјето со кое ги извршуваат масакрите. Во исто време, Џон Оливер, имаше нешто сосема друго да праша на темава.

Ако се мери според првиот викенд и заработувачката од 56 милиони долари, Марсовец вистински и се допадна на публиката. Ама ова не се ни споредува со тоа колку и се направи мерак на НАСА.

Како што се повеќе се приближуваш до борбата и жртвувањето за која било идеологија, така таа се повеќе почнува да те разочарува, дури и стартната позиција да ти е дека треба да умреш за ИСИС.

Големи се, ти сметаат каде и да ги ставиш, никогаш не ти вршат работа кога ти треба итно да најдеш некоја информација и не е јасно како и понатаму пркосат во време на Твитер, Линкдин и генерално интернетот.

ЕПА треба да инсистира Фолксваген во рок од пет години да почне да произведува исклучиво само електрични возила за американскиот пазар за да надомести за издувните гасови од милионите автомобили што ги продале, пишува колумнистот на Гардијан Јон Јадигароглу.

Човекот што треба да се памти е 30-годишниот Крис Минц, студентот и армиски ветеран кој беше застрелан седум пати додека јуришаше на убиецот во обид да ги спаси другите. Минц ова го направи на 6-от роденден на својот син.

Во исто време кога објави дека ќе почне да ги рекетари огласувачите за да не им ги блокира рекламите, Адблок (екстензијата со околу 40 милиони корисници на Хром и Сафари) објави и дека е продаден, без да дополни ни како, ни на кого.

Туринг Фармасутикалс за целата човечка драма, клетви и омраза што ги навлече, треба да му се заблагодари само и само на ЦЕО-то Мартин Шкрели. За разлика од нив, професионалците од Фајзер, за една година ги кренаа цените на 133 лекови и за тоа не се слушна ни глас.

“Глеј, глеј, Џегер и Ричардс на македонската драма и театар, па уште ексклузивно во нашиот сокак!", весело крикнува Теофил Панчиќ, по повод најновата претстава на Дејан Дуковски и Алексадар Поповски, за која вели дека нема ни една утка.

Грам за грам мускулите на бодибилдерите се послаби отколку оние на луѓе кои никогаш немаат допрено тегови, тврдат истражувачи кои очигледно сакаат да ни направат проблеми на врата.

Од многуте крајно нефер научни сознание го споделуваме следново: оние кои биле возрасни во 70-тите години на минатиот век можеле и да јадат повеќе од вас и да вежбаат помалку од вас а пак да не качуваат килажа.

Една година откако Американците ги започнаа воздушните напади во Сирија, против ИСИС, во борбата се приклучи и руската воена авијација. Првите денови од руската интервенција во Сирија, во американските медиуми (и политичари и експерти) беше дочекано на ниво како Русите да го бомбардираат Тексас.

Група научници, кои свесно одлучуваат дека ова е темата која заслужува да ѝ го посветат своето знаење, открива дека - во сексот сепак е важна големината. Утехата е дека зборат за физичката големина на мажот / жената.

Во својот мандат Барак Обама мораше дури 15 пати да се обраќа по повод некое масовно убиство. По последниот масакр во Орегон тој не го криеше гневот што и ваквите инциденти и јавните реакции на нив веќе стануваат рутински. Американскиот претседател ги потсети граѓаните дека иако зад масакрите од ваков тип секогаш стојат некакви лудаци, главната причина е во политичкиот избор што САД упорно го прави.

Прашањево не го поставува, ама го одговара една француска група за заштита на правата на животните. Да скратиме тензија, одговорот е - не.

За неполн месец Колбер успеа комплетно да помести години и години традиција на лејт-најт гости канејќи луѓе за кои ти е природно да очекуваш да ги видиш во сериозниот дел од вестите, наместо само ликови од А-листата на Холивуд. Човекот зад оваа промена е жена, извршната продуцентка Емили Лазар.

Иако никој не се сомнева во откритието и целото излагање на НАСА, за ова да биде 100% потврдено некој треба да собере примероци од водата на Марс. Моментално на Марс нема човек што може ова да го направи. Има два робота, ама и тие не смеат да се приближат до местата со вода.

Се обидувам да најдам зборови за да ја изразам мојата нелагодност со претпоставката дека секој во Европа кој не е подготвен да пречека голем број бегалци со отворени раце, некако го воскреснува духот на Хитлер, пишува Нејтан Гардел за Хафингтон Пост.

Муабет со неколкумина тату артисти за тоа што најмногу им бараат и што веќе им е преку глава да цртаат. Ако имате истетовирано стрела на себе, не мора да читате. Или часовник. Или симбол за бесконечност.

Кога се во прашање жените, кујната како институција често асоцира на опресија - испотена домаќинка која со едната рака ја меша манџата, а со другата го думка детето, чекајќи го изнервираниот сопруг да упадне во кујната и да викне „Жено, дај да јадам!". Ама она за што поретко се зборува е дека токму кујната и готвењето може да биде поттик и извор на женската моќ.

Германците својот влез на американскиот пазар го почнуваат со сега веќе легендарната кампања со слика од Буба под која пишува "Лимон" а во текстот се објаснува оваа Буба (лимонот во приказната) заради најмала дамка не е товарена на бродот за САД. Од тогаш компанијата има феноменална маркетинг серија која трае 5 и пол децении.