Доналд Трамп ги претвори САД во смешка, а тој самиот е опасност за светот. Тој мора да биде отстранет од Белата куќа пред работите да станат уште полоши, пишува Клаус Бринкбаумер во едиторијалот на Шпигел.

Факт: Фиџет спинерите се сè повеќе барани. Факт: На многу луѓе најзгодно им е да побараат работи за кои ќе се заинтересираат на сајтови кои и обично им вршат работа. Факт: На многу луѓе работа им вршат порно сајтови.  

Прастаро затоа што е од 1965. Радмиловиќ починат е пред 32 години, а поверојатно е да го знаете како Били Питон, Радован Трети или Кралот Иби. Интервјуто се наоѓа во книгата "Се залагам за лага" напишана од Ана Радмиловиќ, ќерката на Зоран. Она што разочарува во текстот е како од тогаш до сега човештвото успеа да стигне до Месечината, ама не и да се сменат прашањата на интервјуа.

Некаде сред претседателската кампањата во 2016, ФБИ добива "нешто кое е опишано како документ од руското разузнавање" во кој се тврди дека постои премолчано разбирање меѓу кампањата на Клинтон и министерството за правда околу тоа дали таа намерно открила доверливи информации преку нејзиното користење на приватниот меил.

Од сите мерки што ги имаат на располагање, за да го намалат стресот на работа јапонските фирми (инаку глобален авторитет на тема стрес) ангажираат канцелариски животни, и тоа не по едно туку по неколку.

Додека чекаме лек за рак или барем научно решение за патики што не смрдат, ни доаѓа коперникански пресврт во дилемата зошто фламингата стојат на една нога. И погодете што е откритието: стојат на една нога затоа што така им е полесно. 

Во посетата која ќе се памети по антологиската фотографија на нелагодност, Трамп и Папата по протокол разменија и неколку подароци, без разлика колку никој од нив него сакаше тоа.

Добрата вест за Чикаго е дека не е градот нешто посебно безвреден, бидејќи во споредбата само Њујорк и Лос Анџелес се нашле пред Епл.

Британската полиција што го истражува бомбашкиот напад во Манчестер арена одлучи да престане да споделува доверливи информации со американските власти откако дел од нив, повторно, стигнале до американските медиуми.

Студија на Кембриџ утврдила дека научните работници со привлечен и атрактивен изглед јавноста ги есапи помалку сериозно од нивните понепривлечни колеги. За среќа, на нашата интелектуална сцена (ене ги по телевизии) има многумина на кои по овој критериум можеме бескрајно да им веруваме. Додека не отворат уста.

Четвртина од оваа сума во 2016 се потрошени на баратели на азил чии документи се уште се обработуваат, а над една половина за борба со причините за присилна имиграција. Од 2015 во Германија влегуваат еден милион мигранти.

Британците имаат две недели до новите општи избори, а уште не можат да се сфатат и да се помират што им се случи последен пат кога излегоа да гласаат, пред само една година.

Американскиот секретар за трговија го сподели своето пријатно изненадување од народот во Саудиска Арабија затоа што во текот на посетата на Трамп, немало никакви протести или демонстрации во земјата. Има само еден мал проблем во ова; во Саудиска Арабија се забранети протести.

Американската академија за педијатри има еден совет за родители и еден за деца. За првите: сокот нема никаква есенцијална улога во здравата и балансирана исхрана на децата. За вторите: пробајте да не пиете сок.

Светот на младите останува? Ако светот стане онаков каков што го замислуваат некои од „напредните“ меѓу нив, нека им го.

Она што за минатите генерации беше Панамскиот канал, Суецкиот канал, Транссибирскта железница, за оваа генерација треба да биде спектакуларниот инфраструктурен проект кој со автопат ќе ја спојува Москва со Лондон на запад, и Њујорк на исток.

На штотуку ре-избраниот претседател на Иран му е јасно каква политика од САД може да очекува кога Трамп реши своето прво стапнување во странска држава да биде во Саудиска Арабија. Па кога е веќе така, барем да им подели некоја лекција од демократија.

Ако пред 7 години, на 22 мај, заради какви било причини си купил биткоин во вредност од 100 долари, денес истите тие биткоини ќе ти вредеа - 73 милиони долари.

Освен што се клатеа и играа, Трамп и Саудијците тераа бизнис како првиов никогаш да не рекол дека саудиските принцови контролираат американски политичари со пари од татко им.

Базирајќи се на алатки создадени од американските тајни служби кои годинава протекоа во јавноста, Вонакрај во рок од неколку часа ги блокираше компјутерите на британското јавно здравство на над 30 локации, а потоа и на шпанска Телефоника, на руски мобилен оператор, и на француски Рено. Анализата на нападот покажува дека тој е несофистициран и аматерски изведен, плус, и дека не е нешто посебно доходовен.

Првата дама на САД ја пофали Саудиска Арабија за нивните напори и мерки кои водат кон „оснажување на жените“. За 110 милијарди долари колку што нејзиниот златен сопруг на домаќините им наплати во вид на нарачки за оружје, Меланија можеше да каже и дека САД од оваа земја можат многу да научат за третманот на жената.

Со еден круг на перките на турбините се создава доволно енергија за едно домаќинство да има струја цели 29 часа.

Пораката е од Дејвид Бесли, поранешен гувернер на Јужна Каролина, а денес генерален директор на Светската програма за храна на Обединетите Нации, според кого тоа што моментално се случува во делови од Африка не се "лажни вести, туку реалност".