Наградата е стара една деценија и, без да сме упатени во претходните победници, годинава изгледа како жирито крајно професионално да си ја завршило работата.

Сред поплавите по ураганот Харви, во едно од засолништата, Сиенен наиде на еден од најжестоките медиумски критичари во Хјустон, жената идентификувана како Даниел и нејзината малолетна ќерка, кои премрзнати, утоп мокри и избезумени, беа наместени пред камерата на новинската мрежа за да одговараат на прашања на новинарката.

Едниот личи на руски сметководител, другиот личи на ирски шанкер. Едниот е Казахстанец, другиот е Мексиканец. Едниот е најмоќното нешто што се случило во средна категорија последнава деценија, другиот е најиздржливото нешто што се случило во средна категорија во последнава деценија. На 16-ти септември (сабота) се случува Генадиј Головкин против Канело Алварез, мечот за обединување на титулата во средна категорија и најголемата боксерска борба на оваа деценија.

Победата на Макрон на француските претседателски избори беше дочекана како пресвртницата што ќе доведе до големото враќање на левицата и доказ дека политиката од лева ориентација и понатаму може да победува на гласачките кутии. По само 100 дена од неговото владеење, ова звучи како присетување на некои дамнешни златни времиња.

Текстов се однесува на Евреите од Солун, кои на почетокот на 20-от век беа една од доминанатните заедници во градот. За неколку дена 50.000 Евреи биваат депортирани и убиени во наци логорите. Оние малкумина кои имаат среќа да се вратат, наидуваат на град кој е глув за она што им се случило. И така со децении. Ситуацијата сака да ја смени градоначалникот со потекло од Крушево.

На стотина километри од Софија на планината Рила се наоѓа највисокиот врв на Балканот и највисоката точка меѓу Алпите и Кавказот, врвот Мусала со своите 2925 метри надморска височина. Бугарите се горди на врвот, ама не сите се горди на името.

До сега во Сирија се вратени 31.000 бегалци, дел затоа што повеќе не можеле да издржат во бегалските кампови во близина на сириската граница, дел за да се борат против сириските власти. За сега никој од овие не жали што е назад во Сирија, ама никому не му препорачуваат да го направи истото.

На татко му збоктисало малолетниот син да ги игнорира неговите телефонски повици и СМС-и па направил мобилна апликација која, сакал овој или нејќел, ќе го натера да одговори. Уште некако да го убеди да ја стави апликацијата. 

Роберт јуниор и Белармин се двајцата млади Африканци на Инстаграм познати по своите фотки од ВИП сепариња во клубови, скапи патики, уште поскапа облека, и шишиња и шишиња Моет. Заедничко за двајцата е што му се синови на 93-годишниот претседател на Зимбабве, Роберт Мугабе.

Иако ние мрсното го браниме со години (чисто од инат што нè отекоа со тоа здравите срања), сè почесто ветар во едра ни дава науката. Овојпат преку  една гигантска студија, со преку 135.000 лица од најразлични земји. Вие другите, каде погрешивте?

Линијата грчки прехрамбени производи на Лидл "Eridanous" стандардно е во пакување со слика од православната грчка црква Анастасис на Санторини. Во реалниот свет црквата стандардно е со сина купола и крст, во Лидл светот на корпоративна претпазливост и пресметано угодување, истата оваа црква остана без крст.

Римските императори не се осмелувале да прегазат источно од Елба. Исто и Карло Велики. Векови подоцна, иако е денес река која минува низ една  земја, источно од неа луѓето се поблиски до некогашните идеолошки браќа од комунизмот, отколку од сегашните браќа по националност. 

Владетелот на Америка на заминување во последните денови од својот мандат напиша писмо до својот наследник, го превитка и го запечати во коверт адресиран до „Господинот Претседател“. Кратко по инаугурацијата Трамп изјави дека Обама му оставил писмо, ама дека содржината нема да ја сподели со медиумите. Ја сподели.

Лево е Марта Рамос, чистачка во главното седиште на денешниот гигант Епл. Истата работа што Геил Еванс (десно) ја имала во просториите на некогашниот гигант Кодак.

Анализа на квалитетот на 26 идентични производи од хрватскиот и германскиот пазар, покажала дека повеќе од половина од примероците земени од хрватските маркети се со полош квалитет и поскапи отколку оние од германските маркети.

Во Шведска сè уште е илегално спонтано да се заиграш. Ако те понесе ритамот на музиката во погрешно кафуле, ете ги мргудите на врата.

Неочекувано соочен со неколку векови стариот план за арабизација на Германија, градоначалнички кандидат од германската крајно десна, антиимигрантска партија НПД, вети дека ако биде избран ќе ги укине арапските бројки.

И покрај неколку обиди за разработување на домашниот пазар и одгледувачници, американската војска своите кучиња ги купува од Централна и Источна Европа. Цената на овие примероци е 25.000 долари од куче, и до крај на обука таа знае да порасне и за до 10 пати.

Најавен речиси веднаш по експедитивното анектирање на Крим од Украина, работата на мостот се одвива со запазување на рокови на ниво на организација на Олимпијада. Следната година треба да почне патниот сообраќај преку мостот, а во 2019 и железничкиот.

Моментално Мека ја посетуваат околу 8 милиони туристи годишно. Саудиската влада има намера оваа бројка до 2030 да порасне за дополнителни 20 милиони туристи.

Прво, самите социјални мрежи се така склопени што овозможуваат вирално ширење лажни вести. Второ, луѓето што работат на ширење лажни вести одлично си ја знаат работата (несебично помогнати од самите социјални мрежи).

Трамп може нема да го освои мнозинството од гласачите, ама како што сега стојат работите сигурно ќе го освои мнозинството гласови од изборниот колеџ, порачува истиот човек кој уште во јули 2016 беше меѓу првите луѓе од меинстрим левицата кој предвиде пораз на Хилари.

Производителите на флаширана вода кои со години ја усовршуваат уметноста како да му продадеш на човек нешто што може да го добие (скоро) за без пари, својата вештина за ловење наивни само што ја издигнаа на сосема ново ниво - вода без глутен.

Во 2011 донесoa стратегија за решавање на бројните проблеми на ромското малцинство. После половина пат до 2020 година до кога ќе трае стратегијата, резултатите се бетер.