Швајцарците во јуни на референдум ќе се определат дали да го ограничат бројот на жители на 10 милиони до 2050 година. Причините за иницијативата се јасни. За една година преку отворените граници со ЕУ пристигнале 180.000 мигранти, кои ја преоптоваруваат инфраструктурата и го загрозуваат идентитетот. Дури 40% од Швајцарците денес се со потекло од други земји.

Администрацијата за храна и лекови одби да ја разгледа понудата на Модерна за нова експерименталната вакцина против грип со мРНК технологија затоа што немало соодветно и добро контролирано испитување. Ретко се случува ФДА да одбие апликација, но министерот Кенеди нареди да се применуваат построги критериуми.

Нафтеното богатство на Норвешка ѝ помогна да го изгради својот бренд на глобална хуманитарна и дипломатска сила, пример за просперитетна држава во која се почитуваат законите и во која нема корупција. Објавените документи за Џефри Епстин го разбија сето ова и ја симнаа маската зад која норвешката елита криела лаги, мито и корупција.

Огромните острови пластика кои се формираат по океаните, во име на екологијата беа третирани како едни од најважните проблеми со кои треба да се справи човекот заради заштита на живиот свет. За добар дел од нив тоа е уште така, но се јавуваат истражувачи кои, исто така во име на екологијата, бараат да запре чистењето на таа пластика, бидејќи во неа почнало да се развива живот.

На мигранти што оставиле сè и пристигнале во Германија заради попристоен живот, полесно им е да платат неколку илјади евра некој друг да им го положи тестот, отколку самите да го научат јазикот на земјата што ги прифатила и им дала шанса за просперитет. Полицијата разби мрежа за лажно полагање испити по германски, проширена низ целата земја.

Европската комисија смислила план како да ја прими Украина за членка веќе во идната година. Европската Унија е во толку голем зорт од Русија, што би прифатила во свое членство земја која е во војна, која нема ни дефинирана територија, ама затоа има корупција до врвот на државата. Другите кандидати нека чекаат со години во реформи и политички блокади.

САД повеќе нема да го признаваат научното откритие кое го поттикна глобалниот бран политики за „нето нула“ емисии на стакленички гасови. Обама го употреби наодот за да воведе строги мерки за чадењето од возилата и електраните. Поништувањето би можело да им скрати трошоци од над 1.000 милијарди долари на граѓаните и на бизнисите.

Земја во која цвета корупцијата и во која единственото што функционира е полицискиот терор, обично се нарекува „банана држава“. Изразот всушност има длабоки политички и историски корени и директна врска со плантажите на банани, но и со историја на воени интервенции заради заштита на профитите на американски компании за овошје.

Она што во САД беше релативно маргинален порок, брзо станува масовна навика, покренувајќи итни прашања за зависноста, фер-плејот и регулативата. Бидејќи се во дефанзива од популарните „пазари за предвидување“ големите ланци на конвенционални обложувалници отвораат свои пазари за предвидување. Парите во новата индустрија стануваат огромни а ги има намирисано и империјата Трамп.

Шведската полиција доби широки овластувања за да се справи со уличниот терор и пресметките меѓу бандите со мигрантско потекло. Доби ингеренции и за претреси на малолетниците кои сè почесто беа користени во тие пресметки. Либералите запомагаа дека сето тоа е грозно и дека не ѝ личи на Шведска. Две години подоцна мора да признаат: Па ова функционирало!

На Западот се случува бунт против фамозните „нето-нула емисии“, поттикнат од неодржливите економски трошоци на преамбициозните и агресивно наметнувани таргети. Накратко, луѓето се уморни и од растечките сметки за струја и од хистериите околу климата. Политичките класи стануваат свесни дека се бара преголема жртва денес, за некој далечен и немерлив ќар.

Министерството за одбрана на САД без јавен оглас потпишало договор од 210 милиони долари за купување напредни касетни гранати од израелска државна компанија. Оваа муниција е забранета со светска конвенција поради ризикот дека може да се активира со задоцнување од години откако ќе биде испукана на бојното поле. Само во 2024 година овие бомби убиле 314 цивили.

Поранешниот германски канцелар Олаф Шолц ги обвини САД и Британија дека самите се виновни што Иран сега им е најголем непријател, наместо да биде демократска и развиена земја на Блискиот Исток. Заради сопствените нафтени интереси пред 70 години соборија демократски режим, а сега се закануваат со војна за да одбранат демократија.

Како што огромниот дански остров Гренланд им е потребен на САД заради националната безбедност, па затоа Доналд Трамп инсистира да го присвои, по слична геостратегиска логика Русија би можела да го грабне шведскиот остров Готланд. Со ракети на него, би имала целосна контрола врз стратегиски важниот регион на Балтичкото Море.

Навидум ситен законски предлог на либералната влада на канадскиот премиер Марк Карни би ѝ овозможил на државата да упадне во приватните домови и да ги криминализира семејните расправи. Ако се влошат односите помеѓу брачните партнери, вообичаени критики од типот „Ги остави парите по кафани!“ може да послужат како докази за кривично дело.

Системот за ракетна одбрана Златна куполa на Доналд Трамп веќе достигна неверојатно висока проектирана цена од 175 милијарди долари. Нова анализа покажува дека во реалноста САД треба да платат многу повеќе пари, колку што нема ни по трезори, банки или џебови. Дури ни тогаш куполата не би гарантирала дека ќе да ги заштити Американците од нуклеарен напад. 

Санкциите на САД ја изедначија специјалната известувачка на ОН, Франческа Албанезе, со терористи и ѝ ја загрозија егзистенцијата. Кредитните картички ѝ се блокирани и не може да отвори банкарски сметки. Нејзиното семејство добива закани. Ова е казната за кажувањето на вистината за израелските злосторства во Газа.

Главната предност на Русија во мировните преговори не е напредувањето на фронтот, туку потенцијалот од економските договори во вредност од илјадници милијарди долари што им ги нуди на САД. Зеленски предупредува дека во „пакетот Дмитриев“ е вклучен и украински суверенитет, а од Киев ќе се бара да го прифати најдоцна до јуни.

Иако денес струјата се чини како општо и универзално достапно добро, 150 години по изумот на сијалицата - тоа не е така. Официјалните проценки сугерираа дека околу 730 милиони луѓе живеаат без струја, но студија на сателитски снимки покажа дека бројот е всушност поголем - 1,18 милијарди. А напредокот во приклучување луѓе на електричните мрежи е во застој веќе шеста година.

Во текот на изминатата деценија, експерти за темата предупредуваат дека во светот почна да се шири епидемијата на 'рчење и дека таа е посериозна отколку што можеби мислите. А рчењето е само врв на ледениот брег што води кон пострашната стотјба, апнеата, кога човек додека спие престанува да диши. 

Шведска планира да ги префрли сите мигранти во специјални центри сè додека се обработуваат нивните барања за азил. Ако не се придржуваат до новите мерки, ќе ја изгубат социјалната помош и ќе може да бидат депортирани. Досегашните закони им овозможуваа на азилантите самите да се снаоѓаат за сместување и да избираат каде и како ќе живеат.

Производството на енергија од ветер во Финска речиси целосно запре, бидејќи продолжениот студен бран ги замрзна лопатките на ветерниците за генерирање струја и ги принуди операторите да ги исклучат од системот. Тоа драстично ја зголеми цената на струјата, која достигна 350 евра за мегават-час, и на гасот на 700 долари за 1.000 кубни метри.

Во време кога милијардерите се загреваат за идејата за вечна младост, стартап на генетичар од Харвард доби одобрение за прво испитување за генска терапија за подмладување луѓе. Основа на терапијата е „делумно епигенетско репрограмирање“ - техника што ги модифицира хемиските ознаки на ДНК за да ги натера старите клетки да се однесуваат како млади.

Технолошките гиганти ќе градат многу нуклеарни реактори од нова генерација за напојување на центрите за податоци што цицаат струја, но проблемот е што во САД нема јами за радиоактивниот отпад. Во складиштата до денес се закопани околу 100.000 тони потрошено гориво, а 90 реактори секоја година додаваат по уште 2.000 тони отпад.