Низ Европа брзо се шират последиците од извештајот од Вашингтон дека ЕУ ја користи цензурата на интернет како политички инструмент за интервенции во демократски процеси. Романската опозиција ја обвини Европската комисија за „државен удар“ и бара нови избори. Во Унгарија, премиерот Орбан стравува дека Брисел му спрема слично сценарио на изборите во април. 

Преговарачите на САД и Русија не постигнале голем напредок за крај на војната во Украина, но договориле двете земји уште шест месеци да ги почитуваат ограничувањата на нивните нуклеарни арсенали. Нов СТАРТ престанува да важи на полноќ. Додека не биде усогласен нов, со или без Кина во него, Белата куќа и Кремљ ќе мора да си веруваат на чесен збор.

Според поранешен адвокат од американското министерство за правда, „речиси 80% од малолетните девојчиња на Џефри Епстин, жртви на трговија со луѓе, доаѓале од Балканот“. Членовите на мрежата на Епстин  со текот на години имале заземено позиции во највисоките ешалони на Обединетите нации, а во средината на 90-тите, Епстин често навраќал на Балканот.

Како што се таложат гнасотиите од дебелото досие за Џефри Епстин, се наметнува прашањето како е можно толку многу луѓе од елитата: естрадни ѕвезди, бизнисмени, министри, принцови, поранешни и идни претседатели... да паднале во мрежата на сомнителен финансиер и осуден педофил? Освен ако зад него не биле некои многу појаки играчи. 

Павел Дуров му се придружи на Илон Маск во острата критика на плановите на Шпанија да забрани пристап до социјалните медиуми за млади под 16 години и за кривично гонење директори поради „говор на омраза“ на нивните платформи. Предложениот закон, според Дуров, ѝ овозможува на владата да диктира што гледаат луѓето и да задушува критичари и опозиција.

Пластичните хирурзи во САД се издвоија од другите професионални медицински здруженија и препорачаа воздржување од операции за промена на полот кај лица помлади од 19 години. Хирурзите објаснуваат дека нема доволно докази дека придобивките ги надминуваат ризиците од операциите на градите, гениталиите и лицето кај малолетници со родова дисфорија. 

Шеснаесет активистички групи кои се мобилизираат против имиграциските агенти во Минесота имаат едно заедничко: финансиска поддршка од непрофитна организација поддржана од Фондациите Отворено општество на семејството Сорос. Преку Хедвотерс повеќе од една деценија се канализираат милиони кон „борбата за ослободување на Минеаполис“.

САД и другите зависници можат на долг рок лесно да го надминат кинескиот „монопол“ врз ретките минерали, кои всушност и не се толку ретки. Ги има речиси насекаде. Кина во изминатите децении стекна предност затоа што ги прифати ризиците по околината и здравјето на луѓето, а западните земји затвораа рафинерии зашто им беа евтини кинеските магнети.

Министерот за здравство Роберт Кенеди Јуниор претстави нова програма од 100 милиони долари, чија цел е да им помогне на бездомниците низ САД да најдат работа и дом, а зависниците да се лекуваат. Целта на проектот е континуирано ангажирање на луѓето, од првиот контакт на улица се додека не бидат во можност да се грижат за себе. 

Европската комисија повеќе од една деценија ги притиска онлајн платформите да цензурираат непосакувани политички содржини, конзервативни ставови и оспорувања на вакцините, дури и за корисници на социјалните мрежи во САД. Преку своите механизми Комисијата се мешала во осум избори во шест земји, објави комитет на Конгресот на САД.

Утре престанува да важи последниот договор помеѓу САД и Русија за ограничување на нивните нуклеарни арсенали. Трамп не одговори на предлогот од Путин за обновување на договорот и сака да ја вклучи и Кина, додека има релативно мал арсенал. Во ова хаотично време, на светот најмалку му е потребна нова трка за нуклеарно вооружување.

Неуставни тела ги носеле клучните одлуки во Германија во критичниот период на пандемијата. Властите не ги заштитиле слободата на граѓаните и демократскиот поредок. Судството и медиумите не дејствувале како независна контрола, туку како продолжена рака на извршната власт, тврди поранешниот претседател на Федералната канцеларија за заштита на Уставот. 

Стотиците илјади загинати луѓе во актуелните војни се болно сведоштво дека меѓународното право не ја исполнува својата главна цел – да ги ограничи последиците од воени судири врз невините жртви. Највпечатлив пример е смртта на речиси 20.000 деца во Газа. Во Украина лани загинале рекорден број цивили. Тортурата и силувањето поминуваат неказнето.

Во најновата транша документи поврзани со сексуалниот предатор и педофил Џефри Епстин има многу гадни работи кои потврдуваат колку забеган знае да биде светот на моќните и богатите. Но засега сето тоа се сведува на масовен сеир и надеж дека некој од фајловите ќе закопа некој политички противник. Инсинуациите нема да донесат никаква корист ако не се најдат докази.    

Полска планира да го трансформира својот енергетскиот систем од користење јаглен директно кон нуклеарна енергија. Претседателот Карол Навроцки смета дека потпирањето на течен природен гас е ризично во услови на глобални геополитички превирања. Експертите додаваат дека е практично да се изградат нуклеарни директно врз термоцентрали на јаглен.

Ултра-преработената храна (УПХ) има повеќе заедничко со цигарите отколку со овошјето или зеленчукот и бара многу построга регулатива, порачува нов извештај на истражувачи од три американски универзитети. Триковите како „ниска масленост“ и „без шеќер“ се мамки со кои се избегнува регулацијата и фактот дека и двете категории покренуваат сличен механизам кај зависникот.

Шахид Бат во 1999 година бил осуден на пет години затвор поради учество во терористички заговор за бомбашки напад врз британскиот конзулат во Јемен. Сега настапува како независен кандидат за советник во Бирмингем, со „про Газа“ платформа во округ во кој 80% од жителите се муслимани. Во меѓувреме, Британија испраќа во затвор луѓе поради твитови против имиграцијата.

За прв пат Кина ги намали емисиите на стакленички гасови иако троши повеќе струја. Ги зголеми капацитетите за обновлива енергија, но во исто време гради и нови централи на јаглен. Ако го задржи овој тренд, Кина ќе ја урне главната претпоставка во климатската економија - дека индустрискиот раст неизбежно носи повисоки емисии.

Пред точно 20 години филмот „Непријатната вистина“ на Ал Гор доби овации на фестивалот Санденс. Полн со предвидувања што не се остварија, тој беше клучен катализатор на глобалниот климатски активизам. Во ниту една сериозна студија не пишувало дека светот ќе заврши со катастрофа, но луѓето повеќе им веруваат на политичарите и медиумите отколку на научниците.

Новиот градоначалник на Сан Франциско ја укина контроверзната програма на градските власти за делење алкохол на бездомници наместо да ги одвикнуваат од зависност. Иако била воведена како вонредна мерка со привремен карактер, шемата се спроведувала со години и создала огромен трошок - за помош на 55 луѓе биле трошени 5 милиони долари годишно.

Новата холандска влада ќе воведе дополнителни давачки на даноците на доход и на добивка за да собере уште 5 милијарди евра годишно за зголемените трошоци за одбрана. Од „данокот на слобода“, како што го нарекоа коалициските партнери, ќе се издвојуваат пари и за финансирање на војната на Украинците против Русија.

Шеик од Абу Даби лани инвестирал 500 милиони долари во проектот со криптовалути на семејствата на Трамп и на неговот емисар Виткоф. Набрзо потоа администрацијата на Трамп им дала на Емиратите пристап до чувствителни чипови. Белата куќа ги отфрла обвинувањата дека националната безбедност на САД била компромитирана заради приватна корист.

Окружен суд во Њујорк пресуди психолог и хирург да ѝ исплатат отштета на 16-годишна девојка затоа што ја убедиле да си ги отстрани градите. Првата судска одлука за медицинска злоупотреба поврзана со промена на полот може да има огромни последици. Докторите вршат притисок врз родителите: ако не дозволат операција, ризикуваат самоубиство на детето.

Првиот човек на Обединетите нации, Антонио Гутереш, драматично предупреди дека светската организација се соочува со непосредна опасност од финансиски колапс. ООН можат да состанат без пари веќе во јули оваа година доколку земјите членки веднаш не ги платат своите наталожени долгови. Првенствено се мисли на Содединетите Американски Држави кои должат милијарди.