„Дипфејк“ е синоним за видеа во кои лицето на еден човек дигитално е монтирано на телото на друг човек, и во прво време ова беше повеќе „заземање на домејнот“ отколку што воопшто постоеше некое видео кое може барем на момент да прелаже човек. Последниве месеци сето ова се смени откако почнаа да кружат програми кои речиси автентично ги менуваат главните ликови во цели видеа, и ова претежно беше искористено во порно.

Финска е една од земјите на кои не можеш да им го фатиш крајот, од една страна претседателот и премиерот имаат свои официјални сауни, од друга страна земјата има најголем број хеви-метал бендови по глава на жител во светот, додека во исто време експериментираат со задолжителен приход за секој човек, а во јазикот немаат идно време. На ЗОИ спортистите од оваа земја покажаа еден свој фетиш.

Во време кога САД повторно се завиен во „тотс енд преарс“ за жртвите на уште еден масакар, Мел магазин објавува кратка новинарска репортажа неверојатната неупотребливост на системот што полицијата го користи кога сака да го открие сопственикот на оружје употребено во криминал. Веројатно најдобра имплементација на систем кој треба на никого да не му заврши работа.

Ако се водиме по пресметката за исхрана, од олимписка норма ние ја имаме исполнето исхраната на нордиски скијач.

Атлантик ја нарекува „дипломатија на ниски очекувања“ а во неа овој пат победи Северна Кореја која откако со месеци се закануваше со уништување на својот близнак држава, само затоа што испрати спортисти и навивачки, доби позитивен публицитет „кој требаше да биде резервиран за Јужна Кореја, која ја организираше, ја плати и е домаќин на Олимпијадата.“

Се изнајмува: функционална вселенска станица моментално во вселената, со простор за 8 луѓе и фантастичен поглед кон Земјата. Може да се користи како хотел, лабораторија или занимална без гравитација. Цена: 3 до 4 милијарди долари годишно.

Халбе Зелстра своевремено тврди дека Владимир Путин пред него зборувал за руските експанзионистички амбиции за време на една средба во 2006. Во понеделникот холандски весник објави дека ваква средба никогаш немало. Денес, холандскиот шеф на дипломатијата си поднесе оставка.

Во Атина на протестот на Грците против Македонија се појавуваат и Вајс и прават репортажата налик сето она што го создаваат западни медиуми кога се во прашање теми на периферијата на нивниот интерес - површно и со што е можно повеќе кадри од гужва. Она што е поинтересно од стилот на Вајс е приказната на Грците и прекршувањето на неколку наши стереотипи.

Родени во Африка, ама заради човек со многу пари како мали се префрлени во Колумбија. Кога нивниот газда е убиен пред 25 години тие се оставени сами на себе, а во околина како Колумбија одлично се снаоѓаат.

На интернет се појави изворниот код за Ајбут компонентата на оперативниот систем на Ајфон, одговорна за подигање на оперативниот систем, нешто што моментално се води како „најголемото протекување„ во историјата на Епл.

Данците долго се на врвот на листата на најсреќни земји на светот а ова е приказна за Копенхаген и цаките кои ги прави, за луѓето да бидат  позадоволни од него. Нашето евентуално патешествие кон нивниот статус нè води низ две невозможни мисии. Прво, да дојдеме до пари и второ, да не ни бидат битни.

Откако четврти пат е уапсен како вози пијан, маж од Тексас бара укинување на неговата 4-годишна затворска казна по основа дека - границата за возење пијан во Тексас е дискриминаторска кон алкохоличарите.

Отидени во Сирија со цел да живеат заедно со истомислениците од цел свет и да добијат џихадистичка воена обука, американските ИСИС аџии најчесто завршувале со домашни обврски како купување намирници, фрлање ѓубре или грижа за ранетите соборци кои закрепнувале.

По пет години разјарена инфлација и речиси комплетна имплозија на економијата, гладта станува проблем во Венецуела речиси на „африканско ниво“, а народ мора нешто да јаде, па макар и пресретнувал и пљачкосувал шлепери на автопат.

По анализирање на над 1.000 различни состојки, научниците прават ранг листа на храната што „обезбедува најдобар баланс на вашите дневни прехранбени потреби.“ Добра вест е што свинска маст е меѓу топ 10 на листава, а брокула и прокељ се на крај. Лоша вест е што свинска маст е единствен производ поврзан со црвено месо.

Се разбира, најбитно е да имате некој како Квинси. Плус тој да е спремен да се отвори како него. Но интервју има и втора страна, онаа на новинарот кој го прави. А тој дел некаде не е онаков како што е овде обичај: „Ќе ти пратам прашања на Фејсбук а ти одбери слики кои ти се свиѓаат“. Муабет со Дејвид Марчезе, човекот кој го издејствува фасцинантното интервју кое и најмрзливите ги натера да читаат.

Воениот сектор на САД доби буџет од неверојатни 700 милијарди долари. Најсилното лоби во државата, преку законодавците во двата табора успеа да издејствува за неколку десетина милијарди долари поголем буџет отколку што побара самиот Трамп.

Од кај па сега Мишо Ковач на Офф.нет? Знаете, има луѓе кои и за време на животот станале поголеми од себе, од збирот на сите свои плусеви и минуси. Дали и колку нивните дела ви биле битни, што мислите за нивниот стил и слични, во други случаи обично важни работи, за таквите калибри не важат. Таквите се баждарени поинаку и не се судат со овоземни мерки. Од таквите Хајлендери, ние го имавме Гоце Арнаудов, а Далмација го има Мишо Ковач. Повеќекратен шампион во областа на музиката и повеќекратен губитник во областа на животот, Мишо е некој за кој ви е јасно дека колку и да мислите дека грешел, за тоа можат да судат само виши инстанци.

По објавувањето на извонредниот последен извештај за заработувачка, акциите на Њујорк тајмс пораснаа за 10% и за прв пат од летото 2007-ма вредат над 24 долари по акција.

Станува збор за неколку научници кои работат на тајните руски нуклеарни програми, во идентично тајните објекти, на кои им текнало дека на работа имаат убер-моќни супер-компјутери кои ги користат само за нуклеарки.

Благодарение на вратоломната брзина на социјалните медиуми и новинарска клима што фаворизира инстант-објави пред проверени анализи, процесот на провокација, реакција од јавноста и контрареакција сега завршува во рекордно време. Отприлика исто онолку колку што траат маркетинг-кампањите.

Без да ги наведува изворите, рускиот министер Лавров објави дека знаат за плановите на САД за поделба на земјата и дека ќе разговараат со Американците околу ова.

Точно е дека вакви наслови не се ставаат. Точно е тоа и за поднасловов што го пишуваме. Ама, најточно во оваа ситуација е дека вакво нешто одамна немате читано.