„Овенатиот и ослабен“ Денвер пост моментално е преплавен од профит како ретко кој весник и тоа не е на добро, објаснува Џек Шафер во Политико.

Знам многу либерали, и двајца од нив стварно ми се најдобри другари. Либералите прават добри филмови и телевизиски шоуа. Нивниот идеализам е инспирација за мене и за многу останати. Многу либерали се многу паметни. Ама тие не се така паметни, или убедливи, како што мислат, пишува во колумната за Њујорк тајмс професорот по политички науки на Универзитетот Вирџинија, Џерард Александер.

Во САД дури и во националните паркови постојано се слушаат звуци произведени од човечки фактор а единствените мирни места во земјата се библиотеките и музеите.

Форумите се испразнија, блоговите се испозатворија, а гласникот на нивната смрт, Твитер, се претвори во непотребна тортура на гневност, само-промоција и бескрајни муабети за самиот Твитер. А Фејсбук, пак, се претвори во.... знаете, сте биле на Фејсбук.

За тие што ги абат тастатурите уште од времето на Буш помладиот комплетно неверојатно изгледа целата ревизија што периодов се прави на ликот кој беше прогласуван за најлошиот и најнеквалификуваниот претседател на САД, претседателот чија интелигенција беше тема на општ потсмев, и претседателот кој ги постави основите за Гвантанамо, измачување затвореници и масовно прислушување како дома, така и низ свет, елементи кои пак некако успеаа да опстанат и една деценија по него.

Светската трговска организација сака во наредните 5 години глобално да ги елиминира транс-мастите од прехранбениот ланец на исхрана. Фала му на маргаринот за сите оние топли кифлички и торти, и не толку фала за сите оние торти со чудно леплив вкус на јазикот.

Најновото освежување што го доби ликот и делото на Џорџ Буш помладиот беше наградата од Атлантскиот совет за Истакнато меѓународно лидерство. Наградата е за борбата на Буш против ХИВ/СИДА во Африка во времето кога е претседател.

Британската влада во јули ќе биде домаќин на самит на тема зошто останатите земји од Европа ТРЕБА да ѝ се приклучат на Европската Унија. Британската влада!

Идејата звучи како да може да дојде само од Кинез, ама напротив прво пробана е во Европа и не успева баш најдобро, па сега Кинезите решаваат да ја унапредат и прошират - чување свињи во згради.

Во средата Бил Клинтон го отвара Таун енд кантри филантропскиот самит во Њујорк. Неколку дена претходно, организаторот на самитот решава да повлече една од поканите што ја испратил, онаа на Моника Левински.

Бубачките со чифте сексуално однесување не е дека преферираат да се сексаат со припадници на истиот пол. Едноставно, кога е во прашање секс, во некои ситуациии не се најкомпетентни да изберат партнер.. 

По подолго време минато само со слика од дупката што ја направи на паркингот на својата компанија кога најави дека ќе почне да копа тунели, Маск на Инстаграм го апдјетуваше светот за прогресот на проектот за тунели под Лос Анџелес.

Слејт 90 е список на 10-те најголеми непрофитни организации по приходи во секој од деветте различни непрофитни сектори што ги одредува американското УЈП. Парите што се донираат во непрофитни организации се еден од начините за ослободување од данок, односно пари кои инаку (по правило) би требало да завршат во буџетот на земјата.

Лас Вегас на почетокот на јуни ќе се обиде да сруши еден рекорд поставен од Јапонците. Тие пред 12 години собраа 500 луѓе, овие планираат да пукнат барем илјадарка. Самци СТОП.

Европа ја повтори изјавата од лани, дека Европа ќе мора да ја земе судбината во свои раце, изјава која сама по себе беше незамислива пред едно 5-6 години. Сега кога САД и Израел се приближуваат кон воена конфронтација со Иран, тоа прашање станува прилично важно за нашиот континент.  

За да бидеш во најбогатите 1% во САД потребно е да живееш во домаќинство кое има приходи од над 430.000 долари годишно, и заради недостижноста тоа и не е некоја метрика која нè потресува. Проблемот е со најсиромашните, кои пак изгледаат далеку.

Доставата на кокаин директно до пред врата е побрза отколку доставата на пица. Барем така тврдат луѓе.

До 2020 секој жител на Кина мора да биде дел од системот за општествен кредит, кој веќе ќе го индексира речиси секој потег на граѓаните (што до сега се пријавени) од неплатена сметка до убиство.

Освен што веројатно ви помогна да сфатите колку сте стари и колку немате врска што и како се случува кај дечурланава, веста дека деца не знаат да гледаат на часовник со стрелки е веројатно подеднакво страшна колку тоа што вие никогаш ја немате совладано вештината на гледање на сончев часовник или да смените лента на машина на пишување. Просто, никогаш во животот не сте се нашле во ситуација да ви затреба такво нешто.

Одлуката на Трамп да го прекрши и еднострано да се повлече од иранскиот нуклеарен договор е одлука со најдалекусежни последици која тој досега ја има донесено. Таа ќе повлече големи економски последици врз Иран, врз глобалната трговија со нафта, ќе ги усложни односите на САД со европските сојузници а можно е Иран да реши нуклеарно да се опушти па да стане ептен 'весело'.

Како што ќе растеш и минуваш повеќе подеми и падови на економијата, ќе забележиш една несфатлива хипокризија: кога времињата се добри, банкарите, бизнисмените - општо богатите луѓе - обично се против власта. Ја критикуваат како „кочничар на развојот“, и „паразит“ кој се храни од приватниот сектор преку даноци, и „непријател на слободата и бизнисот“.

Досега 'цар' беше оној кој заради помал данок, покрај сите оние силни милиони и медиумски империи, имаше најдено време својата куќа да ја регистрира како планинарски дом. Ви текнува? Ама овој е појак, и е цар без наводници.

Не постои реален компромис. Не може да постои. Размислете. Доколку ви дојде крадец и ви впери пиштол во глава, велејќи “Дај ми ги парите”, дали вие ќе му речете: “Ќе ти дадам половина” и тоа ќе го наречете компромис? Тоа е Грција. Тие се обидуваат да го уништат македонскиот идентитет, просто и јасно.

Пораката до гигантот е од еден од моментално најживите градови во Европа, Берлин, каде локалците се организираат против Гугл како во парк да ќе им отвораат Чернобил 2, а не кампус на една од најбогатите и најнапредни компании во светот.