Отприлика во исто време кога Амазон објавува дека се повлекува од градење ново седиште во Њујорк, а со тоа и од субвенции од 3 милијарди долари, Генерал електрикс реши дека ќе го намали бројот на вработени во Бостон, каде се пресели пред само три години по формулата милиони долари во даночни олеснувања за нови вработувања.

Во првата приватно финансирана мисија за слетување на Месечината Фалкон 9 на Спејсикс успешно го изнесе израелското летало Берешид од Земјата и го испрати кон крајна дестинација.

Зезајќи се со луѓето кои мислат дека земјата Ваканда од „Црниот пантер’ навистина постои, американскиот водител кој е роден во Јужна Африка проговори на домородниот Ксоса јазик а потоа на Американците им преведе што кажал. Само што, им преведе погрешно.

Француско семејство оди на годишен одмор на Костарика и тоа во состав татко, мајка, деца и сипаници. До тогаш Костарика тера серија без ниту еден случај на сипаници од 2014.

Џек-пот од 1,5 милијарди долари неколку месеци дреме на конто на американска сојузна лотарија бидејќи уште никој не се решил да оди и да го покаже добитното ливче. А не дека нема рок на траење.

Складно со имиџот на немање основна човечка пристојност, организацијата за заштита на животни (и убивање бездомни кучиња) ПЕТА одлучи дека е ред да го нападне Стив Ирвин на денот на неговиот 57-ми роденден.

На легендарниот гитарист му е дијагностицирано дегенеративно заболување на мускулите. Додека го држат нозете и служат прстите, закажува „Farewell Tour“ бидејќи догодина можеби нема да може да свири. „Сакам да заминам гласно, со врисок!,“ вели човекот од Хамбл Пај и Хрд кој свиреше со Боуви, Џорџ Харисон, Џери Ли Луис....

Сторија на BBC чиј главен лик е еден стар Македонец од Грција. На дедото веројатно не му треба ни орден ни медал иако ги заслужува сите можни почести. Затоа што има 92 години а памти сè; затоа што колку што добро знае грчки, уште подобро знае кој е и што е.   

Во надеж дека и годинава ќе го репризираме ланскиот успех (13 погодени победници на Оскар од 13 предвидени) или барем приближно (среќни сме и со 11) со вас ја споделуваме дојавата од нашиот оскаровски јасновидец за годината церемонија.

Адаптација на книгата на Толкин што Амазон ја најавува како ТВ серија од 1 милијарда долари, за сега добива и таков третман од Амазон, барем во однос на безбедноста.

Добро, може и не баш. Пејачот кој деновиве загина во сообраќајка во Германија кога автомобил со огромна брзина налета на неговото возило, веројатно немаше ни да се роди знаејќи ја хитлеровата гадливост на сите варијанти на балканскиот ДНК. Ама сепак, да споделиме пар реда информации за некои политики на Хитлер кои биле наменети за спасување животи. Да, имало и такви.

Откако прво и основно падна на тестот за месо, решението за глобалниот проблем со загадувањето од стока не успеа да заврши една од главните работи што се очекуваше од него - помалку да загадува од вистинско месо.

Повторно кружејќи околу Фејсбук и приватноста на корисниците, Закерберг се напенали кога фати да објаснува дека постојаното пазење на корисниците на крај може да изгледа како Фејсбук да има камера во сечија дневна. Исто така, Фејсбук Портал за 199 долари.

Чешкиот претседател Милош Земан ја одби идејата во неговата земја да бидат разместени американки ракети. На САД им порача повеќе да слушаат што другите земји има да кажат а помалку да солат памет.

Една вест од Омаха, Небраска, пред едно 110 години, вели дека анти-грчки немири го вознемириле градот. Расистичките немири се вообичаени за тоа време, но првенствено против црнечката популација (повеќе за тоа во романот и филмот "Регтајм"). Само што, населенито на Омаха и не правело голема разлика меѓу Грци и црнци.

6Г технологија не постои.

Речиси една третина од целопкупно произведената храна во светот се фрла, што заради прекумерно купување, дилеми околу рокот на траење или „естетски“ замерки. На таа основа ЕУ фрла 143 милијарди годишно.

Во рок од 24 часа откако објави дека се приклучува на трката за претседател на САД, Берни Сандерс успеа да собере 6 милиони долари од донации.

Заради законот за данокот на Трамп, добар дел од најбогатите американски компании ќе платат мал данок. Или нема да платат. Или државата ќе им враќа пари.

Уште пред драмата со Кевин Харт, луѓето кои стојат зад организацијата на Оскарите беа длабоко зацапани во проблеми произлезени од нивни лични одлуки околу годинешното шоу. А и потоа продолжија со истото.

Сè е убаво со рекламирање на социјални мрежи и вадење пари од корисничка содржина се додека не се појават првите обвинувања дека твојата платформа се користи од педофилска група, како за непречена комуникација, така и за ширење на педофилска содржина.

Најголемата германска банка размислувала околу продолжувањето на роковите на Трамп организацијата за враќањето на долгот од 340 милиони долари, „за да се избегне кошмарното сценарио за присилна наплата на пари од актуелен американски претседател.“

Електраните на јаглен во западен Балкан се сериозен здравствен и економски проблем за цела Европа. Мртвите се бројат во илјадници, штетите во милијарди евра. 16 балкански термо-електрани, во една година испуштаат сулфур диоксид повеќе од сите 250 термо-електрани во ЕУ.

Уште е рано ама и сега изгледа дека за идните историчари 2016 ќе биде почеток на нов циклус во меѓународната историја. Лошата вест е што овие циклуси во просек знаат да траат по 30 години.