Паника се создаде околу едиторијалот на Њујорк тајмс темелен на податоци од ново истражување на јавноста околу слободата на говорот. Самото правање паника околу овој, во суштина разводнет и „никого да не навредиме“ коментар е сигнал дека состојбата е и полоша отколку што се мисли. 

Откако ги игнорираше странските амбасадори во својата земја и одби да ја осуди Русија, колата тргна надолу за владата на пакистанскиот премиер. Закажано му е гласање за недоверба, а во меѓувреме,  дебело „се лобира“ кај неговите пратеници.

Инфлација неизбежно ќе удри, а Блумберг добри вести има само за тие што заработуваат повеќе од 300.000 долари годишно. За другите главно се работи за нијанси околу тоа колку ќе треба да штедат и да се откажуваат.

Сопственикот на Бургер кинг на светско ниво не може ништо да направи за да го повлече својот бренд од Русија, затоа што тамошниот партнер има многу добар договор.

Дебатата дали руските сили имаат застој во својата операција или не многу повеќе се води за потребите на американската внатрешна дебата дали да се продолжи (или зголеми) со испраќање помош на Украина или не.

Професор од Јеил води детален список на меѓународни компании и нивниот однос кон Русија по почетокот на војната. Иако стотици компании целосно или делумно излегоа од земјата, речиси 40-на глобални корпорации остануваат длабоко утврдени во земјата под санкции.

Владетелот на Саудиска Арабија не му крева на телефон на Бајден, а минатава недела дојде на еден чекор поблиску да прифати кинески јуани за испораката на нафта на Кина. Ова е уште една последица, и тоа значителна, од неспретното справување на САД со стратешки важниот сојузник, пишува уредништвото на Вол стрит журнал.

12 до 14 телефонски броеви кои почнувале со +44 биле видливи за опрема за прислушкување пред Русите да ја гранатираат касарната со странски платеници во Јаворив, пишува Телеграф.

Политичари, интелектуалци и новинари од цивилизираниот Запад знаеа слатко да се изнасмеат на вицовите со кои им ги објаснувавме правилата на балканската крчма. Вие Балканците, ќе речеа тогаш, сте безнадежно примитивни, затуцани и сјебани, ама барем знаете да му се смеете на својот трулеж.

Болно прецизна и морално бескомпромисна анализа на прашањето „како дојдовме до овде и каде сме тргнале“ од пулицеров добитник, долгогодишен воен дописник на Њујорк Тајмс и некогашен шеф на нивните бироа за Блискиот исток и Балканот. Има многу поенти и тач-дауни, за да не издвојуваме само некои, прочитајте го целото.

Залезот на пандемијата, Соединетите Американски Држави ја дочекуваат со две навики кои одат во спротивни насоки: Американците сè помалку пушат, ама затоа бутаат благо како никогаш досега. За една година дале 40 милијарди долари за да се облажат.

Од централата на Бургер Кинг стигнало барање да бидат затворени сите 800 дуќани на компанијата во Русија. Рускиот партнер кој им го води бизнисот таму - нејќе. А договорот им е комплициран па повлекувањето нема да оди така лесно. Исто и за Марк и Спенсер.

Видео платформата на Гугл продолжува со отстранување на сите непожелни наративи во врска со војната во Украина. Последна жртва е екс конгресменката Тулси Габарт и проценката дека продолжувањето на војната првенствено е во корист на воено-индустрискиот комплекс кој Украина би ја претворил во уште еден долгогодишен Авганистан.

Ај што Њујорк пост беше на чекор од линчување и комплетно да го снема, туку и во одлука без преседан најголемите социјални мрежи еднострано решија дека ќе блокираат содржина на еден од најголемите американски медиуми заради една единствена вест. Сега Њујорк тајмс го потврди постоењето на лаптопот на Хантер Бајден.

Ако економските санкции се користат како оружје во меѓународната политика со тоа лесно може да се претера и глобалната економија да се распарчи и балканизира. „Да ги истераме санкцииве кон Русија па после да седнеме да размислиме како тие во иднина да се регулираат“, се размислува на Запад. Со други зборови, да падне договор од кога ќе почне да рачунаме што е фер.

Во ретко срцепарателно интервју банкротиран руски олигарх се обидува на западните медиуми да им објасни дека руските милијардери главно немаат никакво влијание врз Путин, па со тоа тие за џабе ги јадат санкциите од Западот.

Во име на екологија и заштита на животната средина Епл пред некоја година објави дека нивните телефони од стотици долари повеќе нема да бидат испорачувани со стандардните додатоци. За еколошки ќе видиме, ама финансиски Епл само од ова извади неколку македонски годишни буџети.

Голем број Американци, разбирливо, се трудат да разберат која е позицијата на Кина околу кризата во Украина, па затоа сакам да ја искористам оваа можност за целосно да објаснам и да разрешам какви било недоразбирања или гласини, пишува кинескиот амбасадор во САД Ќин Ганг во колумната за Вашингтон пост.

ЕУ армија нема да се случи во догледно време, порача еден од лидерите на ЕУ, австрискиот канцелар Карл Нехамер по самитот во Версај.

Колку далеку сме од свет во кој се прогласува некоја пандемија и за само неколку месеци секој е обврзан да ги прифати и следи медицинските протоколи или во спротивно, е принуден да изгуби пристап до своите пари, па дури и да купи храна додека не послуша?

Компанијата официјално поднесе барање до американските власти за издавање вонредна дозвола за давање втор бустер на сите лица од 65 години па нагоре.

Ако ние како Американци не сакаме да бидеме очајни како Владимир Путин за да го контролираме секое парче информација, тогаш како не ни е јасно дека блокирањето на РТ во САД и Европа, е исто како и блокирањето на Би-Би-Си и ВОА во Русија, прашува Мат Таиби.

Аеродромски работници од цивилниот аеродром Галилео Галилео во Пиза велат дека наместо храна и лекови, авионите кои полетуваат oд таму, а крајна дестинација им е Украина, носат оружје и муниција. Одбиле да ги товараат а синдикати најавуваат протести. 

Русија многу пази официјално цело време војната да ја ословува како „специјална операција“, од друга страна Украина по три недели бомбардирање правно зборува само за воена состојба.