Ние го знаеме како Стоеден, Стојадин и Стокец, неговиот оригинален производител го води како Фиат 128, и од таму би сакале да знаете дека токму овој модел бил автомобилот за секој ден на Енцо Ферари. Стокецот што сега се продава не е тој на Енцо, туку е на Том Хенкс.

Ако Светскиот економски форум го „сомничиме“ како инстанца која навестува каде одат работите, тогаш на приватните автомобили им истекува времето. Вадат податоци дека во Британија просечна кола се користи само 4% од времето. Хмм, гз папир користиме веројатно под 0,5% од времето, па не значи дека е луксуз.

На 26 јули министрите за енергетика на членките на ЕУ на итен состанок речиси инстантно се согласија околу договорот за кратење на потрошувачката на гас, според кој секоја држава ќе ја намали потрошувачката за 15% во споредба со 5-годишниот просек. И ова нема да го реши проблемот.

Британски пратеници од Конзервативците, балтички држави, и украински пратеници, се силно застанати зад потенцијалната кандидатура на Борис Џонсон за генерален секретар на НАТО. Наспроти Џонсон пак истопорено е едно многу веројатно француско вето.

Сименс енерџи објави дека спорната турбина за Северен тек 1 е готова за испорака, само се чека Газпром да пушти некои документи за на царина за транспортот да може да тргне.

Пред неполна година Запад му вети на Конго половина милијарда долари за да ги заштити своите прашуми кои се драгоцени за климатскиот баланс. Се случи Украина и Запад комплетно го заборави Конго. Тие сега решаваат да се копа нафта и гас кај нив, зашто додека ја спасуваат планетата, ќе умрат за јадење.

Енергетската политика на Германците беше фантазија, пишува Економист.

Проблемот што Кина го има со свињите по дома е проблем за секој човек на планетава во чија исхрана има какво било жито. И овој проблем не се намалува.

Папата Франциско им се извини на домородните луѓе во Канада заради злото кое им е правено за да се асимилираат и претопат во белата Канада. Културниот геноцид е правен исто како што е планирано да се прави кај нас - преку образованието.

Луѓето од модерните западни општества се терани да бидат одлични во тоа што го прават. Многумина не одбираат хоби само затоа што мислат дека во тоа нема да бидат најдобри. А треба да се прави тоа што се сака, без оглед на резултатите.

Лондонската ХСБЦ, една од најголемите и најмоќни банки на светот дозволи во рамките на нејзината кинеска филијала да почне да функционира комитет на Комунистичката партија задолжен за банката.

Истиот проблем што Русите го имаат со руските медиуми, Западот го има со своите медиуми, барем за тие што се обидуваат да дознаат реално кој победува, а не кој Западот би сакал да губи.

Предложениот план на ЕУ за намалување на потрошувачката на гас од 15% на ниво на цела Унија, за сега наидува да одбивање од членки како Грција, Шпанија и Португалија, кои на централата и објаснуваат дека гасот им треба и дека немаат простор за намалување.

Македонија го смени името, знамето, уставот и учебниците по барање на Грција, па се обврза пак да го менува уставот и учебниците по барање на Бугарија. Како Македонецот може да мисли дека е тоа истата држава која некогаш ја имал, а притоа да не личи на најглупиот од серијата со Родни и Дел?

Поранешниот британски премиер, и актуелен советник на кој и да е што ќе плати повеќе, предупредува дека доаѓа крајот на ерата на  глобална политичка и економска доминација на Западот.

Премиерот на германската сојузна држава Саксонија се одметна од официјалниот став на својата партија, ЦДУ, и побара замрзнување на конфликтот во Украина и почнување на мировни преговори со Русија.

Европскиот притисок врз Македонија да ги прифати бугарските барања ќе постави лош преседан за регионот, пишува Тони Барбер во текстот за Фајненшл тајмс, според кого овој почеток на преговори што и даден на Македонија не е истиот почеток што ЕУ до сега го давала.

„Сè оди по планот“. Ова е изјава на Владимир Путин. Војната во Украина е во својот петти месец и тоа што крајот не се гледа, може да е истоштувачко. Меѓутоа високи функционери на Кремљ продолжуваат да повторуваат дека Русија, која добива превласт на украинскиот исток, ќе ги постигне сите свои цели.

Руската економија страда од санкциите што Западот и ги наметна, но не со брзина и со болката кои Западот ги очекуваше, пишува Светскиот економски форум.

Сервисирањето на Северен тек 1 заврши, и не се случија најцрните сценарија, ама не се случија ни најоптимистичките. На првиот ден по сервисот Газпром го пушти гасоводот на само 30%, а спорната турбина уште не е вратена на место.

Второто излегување на Путин од Русија од 24 февруари е за учество на самитот во Иран, каде треба да се сретне со лидерите на Иран и Турција како дел од Астана мировниот процес за ставање крај на војната во Сирија.

Вакцините против ковид својата кариера ја почнаа многу славно, за со тек на време да им спласне ем славата, ем силата, па решението за второто беше бустер вакцина. Сега научните предвидувања се дека уште долги години ќе примаме бустери.

Кога на Русија и се случуваат порази на фронтот во Украина тоа е затоа што од украинска страна се борат војници мутанти создадени во тајните украински биолошки лаборатории. Ете прашајте ги руските парламентарци.

Во Европскиот парламент ќе биде спроведено автоматско кревање на платите на ниво кое целосно ги поништува ефектите на инфлацијата и ценовниот шок што моментално се случува во Унијата и остатокот од Европа.