На интернет ќе најдете мал милион совети за двете страни на едно вработување: и за оние кои бараат работа и за оние кои го спроведуваат процесот и треба да ги елиминираат несоодветните кандидати. Ова е еден од поглупите и ние, искрено, не би го минале тестот. Со големо задоволство.

Пред мексиканскиот конгрес беа обелоденети остатоци на нешто за што личи на вонземјани. Биле најдени во рудник во Перу а се стари можеби и 1.800 години. Истиве мумии да беа покажани пред американскиот конгрес, луѓе ќе помислеа дека се работи за просечно стар американски сенатор.  

СЗО планира државите да потпишат правно обрзувачки договори со кои тие ѝ ги предаваат надлежностите во кризни времиња. Да се потпише договор со СЗО затоа што тие најдобро знаат за вакцини и лекови е исто како да се потпише договор со колумбиски нарко -картел затоа што и тие најдобро знаат за дрогите, смета незгодниот хрватски евро-парламентарец.

Некои мислат дека победата на Ѓоковиќ во Њујорк беше одмазда за Медведев, за поразот од преклани. Не, тоа беше одмазда за нешто полошо што му се случи лани, кога не му беше дозволено да игра. Човекот кој се третираше како закана по здравјето, се врати за да ја покаже својата надмоќ пред целиот свет и да ги потсети довчерашните ситни ковид-тирани на неговата големина - и нивната глупост.

Јужна Африка дозна дека фармацевтските гиганти не само што ги дереле за ковид вакцини и им наплаќале повеќе отколку на земјите од Европската Унија туку и дека додека властите стандардно уверувале дека вакцините се „сигурни и безбедни“, морале да потпишат признание дека 'знаат дека не знаат' дали е баш така.

Копијата на Икс (Твитер) на гигантот Мета блокира да се интересирате за ковид, но и за ред други „непријатни“ теми. Ќе пуштеле резултати за пребарувањата кога ќе биле сигурни дека тие ќе бидат  „квалитетни.“ Надвор од темата: пишурија беше да се следи како на Threads итно се натопорија локалните квази- прогресивци, среќни што си нашле место далеку од лошиот Маск.  

Мексиканската имиграција во САД отсекогаш постоела но во последно време, бројките на оние кои влегуваат преку јужната американската граница се без преседан. Само во еден месец имало 10.000 мексикански мажи жени и деца без документи. За контекст, во цела една година на Трамп имало 6.000 илегалци.

Откако дипломирала како форензички антрополог па до денес кога е во своите рани 40 години, Драгана Вучетиќ од Србија е посветена на задачата да ги идентификува жртвите од масакрот во Сребреница кој се случи пред 28 години. Затоа што анонимноста на нивните посмртни останки фрлани во масовни граници е онаа екстра казна на која ги имаат осудено нивните убијци.

Иако денес помалку луѓе користат лесно достапни лекови за да ги ги одземаат животите, Англија планира дополнително да ја ограничи продажбата на парацетамолот и лекарствата кои го содржат. Тоа е една од преку 100 активности кои се предвидуваат да се намали бројот на самоубиства кои таму се почесто се извршуваат со бесење. 

До крајот на оваа година, карипските нации ќе поднесат формални барања до британското кралско семејство за исплаќање репарации за ропството благодарејќи на кое цела таа аристократска дружина со векови ужива во раскош. „Она што денес го поседува кралското семејство уште мириса на ропство,“ вели еден од оние кои бараат правда.

Истражувајќи податоци од 96.000 затвореници во 33 државни затвори во Калифорнија за да се процени ефикасноста на новите бивалентни вакцини кои беа воведени лани есента, студија обелоденува дека бустираните лица имаат поголема стапка на заразување од оние кои не примиле вакцина.

Толку од Сана Марин. Некогаш најомилената премиерка во историјата на Финска и најмлада во светот која ја обавува таа функција реши да се повлече од политиката. Млада, убава и прогресивна, беше ѕвезда меѓу западните квази-левичари кои го обожаваат НАТО и храбро му се силеше на Путин, споредувајќи го со Хитлер. Знаете кај отиде? 

Кина толку брзо гради нови капацитети за добивање енергија од јаглен што тоа ги прави бесмислени желбите на развиениот Запад за „енергетска транзиција.“ САД веќе утре да решат да ги изгасат сите свои термоцентрали на јаглен, новите кинески капацитети ќе го компензираат тој број и планетава ќе остане пата-пата.

Осомничените не ги барајте само во паметните телефони и таблетите. Ниту пак меѓу комшиите кои можеби дремат со чаша на уво наслонета на вашиот заеднички ѕид. За паранојата да биде поголема, помислете на вашиот нов телевизор, или смарт звучници, па дури и машина за перење. 

Иако Киев и Вашингтон не признаваат, американски медиуми веќе пренесоа проценки на западни разузнавачи дека летната офанзива на Украина нема да ги постигне целите. Изгинаа многу луѓе а напредокот, ако го има, се мери во метри. Само со ампутации на делови од тело имаа преку 50.000 луѓе. Пораката од Вашингтон сепак останува иста: „Со вас сме, колку и да треба да изгинете.“

Инвестираш во дигитална свиња и по 900 дена, твојата дигитална свиња се претвора во вистинска. Се работи за една нова иновативна платформа во Хрватска во која на луѓе им се овозможува да имаат својата фарма или градина со здрава храна, додека други ја вршат физичката работа за нив.

Во феврари Индонезија ќе бира нов претстедател. Заминувањето на актуелниот, од народот саканиот Џоко Видодо остава празен простор а империјата не може да си дозволи тоа да мине без нејзина контрола. Уште еден крвав пуч како на времето со Сукарно/Сухарто не е опција, па ќе се оди со проверената формула: „промоција на демократијата.“

Еден универзитетски курс предизвикал значајно поголем интерес без да менува ништо во својата содржина. Го сменил само својот наслов, од стандардното и здодевно „Медиумска писменост“ во нешто што е слично на една наша рубрика. „Името ме купи,“ признава еден студент.

Пред бааги години, кога ни збоктисаа квази-медицински вести дека рак се добива те од ова, те од она, и кога ни стана јасно дека медиумската преплавеност со такви содржини е дел од индустријата на производство на страв и болести, цинично се запрашавме дали ќе дочекаме вест дека и витамините носат рак. Ете, дочекавме.

Една година откако им пропаднаа надежите дека енергетската дупка предизвикана со војната во Украина и санкциите кон Русија ќе ја покријат со течен гас од Канада, Германија ќе размонтира фарма со воздушни турбини за да се отвори место за површински коп на јаглен, и тоа лигнит.

Русија и Украина нема сами да ја запрат војната. Заглавени се во ќорсокак, премногу крв и капитал се вложени, големи отстапки од која било страна би донеле до политички пад на лидерите. Можат САД и Кина, ама, нејќат, секоја со свои мотиви. Како што сега стојат работите, војната веројатно ќе се одолговлекува на неодредено време, или барем додека Украина не остане без пари, оружје и луѓе.

Ново истражување објавено во списанието Frontiers in Immunology покажува дека децата вакцинирани против ковид развиваат свовиден СИДА синдром што ги остава нивните ослабени имунолошки системи склони кон зараза не само од ковид, туку и од други вируси и бактерии.

Додека трае штрајкот на холивудските актери, креативни и други работници кои навистина имаат мизерни примања недоволни ни да се квалификуваат за здравствено осигурување, главниот извршен директор на Дизни порача дека нивните барања се нереални. Главоњата заработува 79.000 долари дневно. 

За година и нешто од сега, после американските претстедателски избори, Вашингтон ќе има или администрација која ќе има проблеми да ја продолжи помошта за Украина, или администрација која ќе ја прекине таа помош. Ако САД дигнат раце од Украина, товарот ќе треба да го преземе Европа. А таа ниту е подготвена, ниту се подготвува за таква опција.