По слетувањето во Пекинг американската министерка за финансии, Џанет Јелен, прво застанала во ресторан каде меѓу другото изела неколку порции диви печурки, за кои подоцна се дознава дека локално се познати дека имаат „непредвидливи психоделични ефекти“.

По распаѓањето на Советскиот сојуз, НАТО постојано флертуваше со идејата дека ќе ја прави Украина своја членка. После последниот самит во Вилнус, Зеленски тешко дека може да се прави изненаден што Алијансата со една рака му даде покана а со другата ја повлече. Алијансата така ѝ прави на Украина едно 30 години.

За неполни два месеца, стапува на сила законот по кој прво големите интернет платформи а подоцна и помалите, ќе треба да отстрануваат содржини кои ќе се оценат за непожелни во „цветната градина“, како што ЕУ ја опиша Жозеп Борел. Европската Унија некако мисли дека ќе ја победи авторитарна Русија и комунистичка Кина ако стане поавторитарна и покомунистичка од нив.

Поранешниот премиер на Британија не може да ги предаде разговорите од Вотсап на официјалната истрага за коронавирус во Британија, затоа што човекот го заборавил пинот на телефонот.

За САД станува се потешко да ја санкционира иранската индустрија за дронови, бидејќи Техеран почнал да се потпира се повеќе на домашни компании за изработка на леталата што и ги испраќа на Русија.

Бидејќи секако највозбудливиот дел од играњето лото е зенот во кој влегуваш од фантазирањето од моментот кога ќе уплатиш до моментот кога нема да ти се падне, треба да знаете дека џекпотот за следното извлекување на Пауербол е - 875 милиони долари.

Разликата во капацитетите на двете држави не е нешто со што се фали Кина, туку нешто на што алармира една презентација на американската Канцеларија за морнаричко разузнавање, чија автентичност е потврдена и од американската морнарица.

Поплаката на украинскиот лидер за тоа што земјата не доби никаков конкретен датум за приклучување кон Алијансата му даде шанса на Западот да го направи тоа што најдобро го прави - да биде навреден.

100 милијарди рубљи или околу 1,1 милијарда долари, биле повлечени од руските банки во периодот пред и по 20-те часа марш на Вагнер кон Москва, објави руската централна банка.

Вајс, компанијата која некогаш беше прогласена за иднината на интернетот и во тоа име вредеше 5,7 милијарди долари, заврши во банкрот па нејзиното сметководство заврши во јавност, заедно со платите на менаџерите и вечерите од 6.000 долари.

Ако за време на немири во Унијата социјални мрежи не ги испочитуваат барањата од властите за бришење на за нив спорни содржини, тогаш истите овие власти ќе можат целосно да ги изгасат социјалните мрежи.

Американската влада го објави извештајот за несреќното повлекување на САД од Авганистан, во петокот пред продолжениот викенд за 4-ти јули, со крајно либерално користење на правото за цензурирање.

Истиот оној Џо што во јавност постојано шепка и гушка луѓе (без разлика дали тоа им е по волја или не) приватно да ти бил ифрит и избувлив до таа мера што соработниците гледаат да избегнат да имаат состанок со него на само.

Канадски суд одлучи дека емоџи од палец нагоре (👍) испратено по порака е идентично валидно како и потпис, и претставува прифаќање на договореното.

Европската Унија треба да го отвори патот за приемот на Анкара во блокот, пред турскиот парламент да го одобри приклучувањето на Шведска во НАТО Алијансата. Турција ги почна преговорите за влез во ЕУ во 2005, a прв пат аплицираше за членство во 1987.

Цената што НАТО ќе треба да ја плати за проширување на Алијансата е далеку поголема отколку користа што ќе ја има, предупредуваат двајцата автори од Като институтот во текстот за Форин полиси.

Ако на почетокот од војната употребата на касетни бомби од руската страна беше прогласено за „воено злосторство“, сега американската пратка на касетни бомби за Украина од истите луѓе се води како неопходна помош.

Некогаш најпродаваното пиво во Америка падна од листата на 10 најпопуларни пива во земјата откако неколку месеци не може да се раатиса од маркетинг одлуката да го ангажира транс-активистот и инфлуенсер Дилан Мулвејни, за свое заштитно лице.

Иако пандемијата речиси преку ноќ ја заборавивме без да си дадеме фора да го дижестираме она што глобално ни се случи, денес се појавуваат цифри кои дополнително ја усложнуваат приказната. Тие не ги даваат сите одговори кои можеби би не интересирале ама затоа отвораат некои прашања. А прашањата- зезнати.       

Во 1971 американскиот претседател Ричард Никсон ја започнува „војната против дрогите“ и во следните 50 години таа не успева да направи поголема штета во авганистанските капацитети за производство и извоз на опиум. Во април 2022 Талибанците почнаа своја акција против производството на дрога во земјата, и производството речиси згасна.

Инвестирањето во еколошко одговорни компании, не само што нема да ги решат предизвиците, туку во пракса може и да ѝ одмогнат на благородната кауза, пишува Метју Леш. „Кога компаниите со лоши еко - рефееренци стануваат гладни за капитал затоа што инвеститорите се опседнати со „одговорни“ компании, тие стануваат уште повалкани за да избегнат банкрот“.

Речиси половина од чешмите во Америка, и од јавни водоводи и од приватни бунари даваат вода која содржи тн. вечни хемикалии кои се осомничени за сериозни здравствени белји. Овие хемикалии ги има насекаде, од тавчиња до облека, па беше само прашање на време кога ќе се пробијат до водените залихи. И Европа е иста приказна, освен ние, кај што не ни се мери тоа.   

По 16 месеци војна, што заради уништување руски, што заради дарување западни, украинскиот арсенал на тенкови се изедначи со рускиот, проценува германскиот Киел институт.

Откако и лабораторијата ги потврди првичните тврдења дека белиот прашок најден во Белата куќа е кокаин, сега функционери кои работат таму објаснуваат дека никогаш нема да се дознае чија била дрогата.