Во целиот гнев околу смртта на рускиот опозиционер Алексеј Навални (кој ескалира и покрај тоа што повеќе од десет години го држат Џулијан Асанж во притвор и го подготвуваат за испорака во САД каде најверојатно исто така ќе умре во затвор) британската влада решава да воведе санкции против 6 директори на затворот во Сибир во кој почина Навални.

Истражувачи во Стенфорд покажале дека машкиот и женскиот мозок сепак функционираат различно, што е сериозен нокдаун за оние кругови кои сакаа да ја потценат биолошката основа на човечкиот идентитет и да го сведат на социјален конструкт. Се разбира, и натаму секој може да се чувствува како сака, само што науката ќе може да утврди дали мозокот му е машки или женски. Ако му го најде.

Американец ја тужи тамошната лотарија која откако му покажала дека неговите бројки се добитни за 340 милиони долари, се коригирала, се извинила и му рекла дека бројките биле грешка.

И покрај одредени обиди, Американците за избори најверојатно ќе останат заглавени со Трамп и Бајден како кандидати. Тоа не значи дека и двете страни не може да се надеваат на чудо кое ќе ги спаси од сопствениот или туѓиот кандидат.

На почетокот на јануари оваа година, во близина на украинскиот град Харков беше пронајдена неексплодирана балистичка ракета, испукана од Русија а произведена од Северна Кореја. Анализа на остатоците на ракетата покажала дека дури 290 компоненти на ракетата се произведени во Америка или во Европа. А демек јаки санкции, и за Русија и за Кореја.

Доколку републиканците продолжат да го блокираат пакетот за воената помош на Украина, Белата куќа може да побара од свои сојузници да му испратат на Киев АТАЦМ ракети, ама овој пат со домет до Крим.

Ако имате чувство дека бар на година дена би побегнале каде било од оваа македонска бучава, чемер и ништавило, а притоа имате ограничувања во вид на пасош, пари или слично, можеби понудата на НАСА ќе ви се види примамлива. За жал, не го бараат она што е полесно, луѓето да се  прават дека се паднати од Марс, туку баш дека се таму, во нивното симулирано парче планета.

„Бруталната нетолерантност со секакво несогласување со рускиот претседател е знак на неговиот намален авторитет“, пишува Френк Фуреди. На прв поглед, строгиот авторитаризам на Путин се чини непотребен бидејќи страв, фатализам и апатија одамна го имаaт зафатено рускиот јавен живот а милиони луѓе дигнаа раце од политика повлекувајќи се во нивните приватни живеачки. Па сепак...

Максим Кузминов, рускиот воен пилот што киднапираше хеликоптер и ги застрела двајцата членови на екипажот што беа со него е човекот кој минатата недела е убиен во близина на Аликанте.

Рускиот претседател му подарил луксузна претседателска лимузина Аурус од руско производство на Ким Џонг Ун, бидејќи севернокорејскиот лидер го бендисал возилото кога беше во посета на Русија.

Швајцарската народна партија (СВП) сака со закон да се осигура дека земјата нема да надмине популација од 10 милиони жители до 2050. Стравот не е дека Швајцарци ќе почнат да се размножуваат, туку дека дојденци ќе се намножат.

Кон средината на 2023, германското министерство за одбрана потврдува дека ќе и испрати на Украина 66 оклопни возила за пешадија, а заради брзината на испораката и цената изборот паѓа на АПЦ (Armoured Personnel Carrier) од производителот Фленсбургер Фарцојгбау (ФФГ). Според истрагата на Билд возилата не се за испраќање ни на фронтот во Украина ни на кој било друг.

Прогонството на Џулијан е застрашувачка порака за нас останатите. Пркосете ѝ на американската империја, разоткријте ги нејзините злосторства и без разлика кој сте, од која земја доаѓате и каде живеете, ќе бидете ловени и одведени во САД за да го поминете остатокот од животот во еден од најстрогите затворски системи на планетава. Џулијан е првиот. Ние сме следни.

Намерата на законодавците од Тенеси е да го намалат бројот на сообраќајки и жртви под дејство на алкохол, со тоа што целосно ќе забранат ладење на пиво. Сè друго останува исто, па кој сака нека се прави камен од топло пиво.

Мега-банката ЈП Морган официјално ја напушти коалицијата на инвеститори која тежи фасцинантни 68 трилиони долари, а според замислената мисија е „фокусирана на притискање на најголемите светски емитери на стакленички гасови да се декарбонизираат“, пишува Блумберг. Со други зборови, „борбата“ за декарбонизација имплодира.

Тоа беше првото прашање кое му го постави Такер Карлсон на Путин во она фамозно интервју,  ама овој почна да го тупи едно пола саат, навраќајќи се во историјата сè до осмиот век. За среќа, Такер на почетокот на снимката предупреди за тоа па можевме мазно да го скокнеме тој дел. Во едно следно интервју (со руски новинар), Путин даде многи поконцизен одговор, па ако некого го интересира, ајде.

Во Москва почина 98-годишната Нина Молева, позната руска авторка и ликовна критичарка, која одлучи комплетната своја уметничка колекција да му ја остави во наследство на рускиот претседател Владимир Путин.

Откако еден американски конгресмен крева галама со својот предлог закон во кој братучед/братучетка се брише од списокот на инцестоидни семејни односи (што потоа по итна постапка беше коригирано), Економист тргна со објаснување како тоа не е забрането со закон во најголемиот дел од САД и Европа, освен што се смета за одвратно.

Научна анализа на записите од повеќе од 50.000 пациенти пресметала како нивната болест ќе напредувала доколку не беше пандемијата и сиот хаос во неа. Заклучиле дека одложувањата на дијагностицирањето на ракот на кожата поради пандемијата и состојбата на здравствените капацитети довела до 100.000 изгубени животи во Европа.

„Досието на Вашингтон покажува дека е подобар да води војни отколку да се занимава со она што следи потоа“, пишува Политико во еден екстензивен прилог за тоа какво е Косово денес, 25 години откако Американците издејствуваа да прогласи независност. Ако Косово е некаков водич, Украинците треба да внимаваат што посакуваат кога планираат корпоративна Америка да им ја обвновува земјата. 

Русија развива нови вселенски капацитети за напаѓање сателити со помош на нуклеарно оружје, тврди Вашингтон пост врз основа на доверливи разузнавачки документи до кои доаѓа.

Алекс Сорос за Св. Валентин објави заедничка фотографија од Париз со една од најблиските долгогодишни соработнички и советнички на Хилари Клинтон, Хума Абедин, некогашната сопруга на посрамениот демократкски конгресмен Ентони Винер, кој несакајќи стана еден од виновниците за поразот на Хилари на изборите 2016.

Или купувачите на Епл се многу стари или уредот од 3.500 долари стварно ги има проблемите на кои тие се жалат, а се работи за проблеми со комфор, главоболка и напрегање на очите, плус не е ни за работа.

Британското министерство за внатрешни работи ќе почне да им плаќа на инфлуенсери да објавуваат видеа на Тикток во кои ќе ги поттикнуваат потенцијалните мигранти да не го преминуваат каналот кон Британија.