Група која има проблем со хипокризијата зад ЛГБТ поддршката за Палестина, им понуди на „Квирови за Палестина“ или која било друга американска ЛГБТ организација 1 милион долари за да организира геј Прајд парада во Газа или Западниот брег.

Студија за поновите, поголеми верзии на три главни чет-ботови за вештачка интелигенција  покажува дека тие се повеќе склони да генерираат погрешни одговори отколку да признаат дека не знаат. Истата студија исто така покажа дека дека луѓето не се баш вешти да ги препознаат и регистрираат лошите одговори. Ботовите ќе стануваат сè подобри а ние ќе останеме истите трупови.

Муабетите дека големите технолошки компании премногу пари трошат на вештачката интелигенција дополнително ги загреа последниот потег на Гугл. Компанијата запна да врати еден нивен вработен кој од таму после долги години си отиде незадоволен од третманот не неговиот труд. Одврзаа ќесе за 2,78 милијарди долари и го вратија.

Македонија е една од земјите кои имаат некои од највисоките проценти на население кое не може да си дозволи да јаде здрава храна. Во тој поглед слични сме со луѓето од Грција и Словачка но ако бараме нешто да нè утеши (а секогаш бараме нешто да нè утеши), тоа не е ништо во споредба со процентот Романци кои можат да си дозволат да се хранат здраво.

По краткотрајниот пуч против Сем Алтман, ОпенАИ инстантно беше напуштен од еден од коосновачите и според многумина главен мозок на операцијата, Илја Сутскевер. Тоа беше во мај. Деновиве компанијата ја напуштија уште тројца клучни играчи.

Русија би можела да возврати со нуклеарно оружје доколку е нападната со конвенционални ракети, а секој напад на Русија поддржан од нуклеарна сила ќе се смета за заеднички напад, е пораката од Путин до западните лидери.

Планот на Зеленски нема никакви вистински изненадувања, тврди лице упатено во разговорите, а според друг извор, нема никакви вистински изненадувања во планот и истиот нема да доведе до некоја поголема промена. Третиот извор што го пренесува Блумберг планот го опишува како „листа на желби“.

Милијарди долари што Русија, не по мерак на Западот, ги инкасира од продажба на енергенси на крај завршуваат како инвестиции во економијата на градот Москва и придружниот регион, проценува Форбс.

Нуклеарната централа на островот Три милји во Пенсилванија, каде во 1970-те се случува најголемата нуклеарна хаварија во САД, повторно е ставена во погон овој пат за потребите на ВИ операциите на Микрософт.

Во тек е седница на Генералното собрание, глобалниот парламент кој може да биде многу битен кога Советот за безбедност е парализиран од ветото. Но, што може да каже генералниот секретар за да ги убеди земјите-членки дека Повелбата на ОН сè уште може да се примени на окупираните палестински територии, во Украина разурната од војна а сега потенцијално и во Либан?

Главното алиби на Ново Нордиск за баснословните цени на нивните два водечки производи Оземпик и Вегови дека се истуриле од давање пари на истражување и развој, наскоро нема да држи, бидејќи според продажната цена и обемот на продажба тие го имаат преплатено целото истражување и развој.

Во тек е најголемото преземање во банкарскиот сектор на Европа која го менува односот на силите на овој терен. Германците беснеат бидејќи во прашање е нивната национална гордост - германската Комерцбанк полека ја преземаат Италијанците а Олаф Шолц, охрабрен од резултатот на своите последни потези, се очекува да заигра патриотски.

Пратениците на италијанскиот парламент дадоа дозвола за основање на комитетот кој треба да изработи предлог закони за третирање на насилни силувачи со блокатори на хормони.

Планот што Зеленски има намера да им го претстави на сојузниците бара носење брзи одлуки од партнерите на Украина, поконкретно дозвола за стрелање длабоко на руска територија со западни проектили со голем домет.

Непишаната цена за членството во ЕУ е трампа на дел од националниот суверенитет во замена за економски просперитет. Членките се откажуваат од контрола врз критични политички области која ѝ се препушта на неизбрана, технократска елита на која ѝ е доверено да обезбеди повисок животен стандард и продуктивност. Проблемот е што Брисел веќе извесно време не го исполнува својот дел од зделката.

Израелската влада нема ништо изменето на пејџерите и токи-воки станиците на Хезболах што експлодираа. Не, таа ги има произведено сите до еден, специјално за Хезболах, во операција која трае со години.

Во време кога и Русија и Украина одбиваат да објават официјални бројки, а и на тие што ги објавуваат никој не им верува, Вол стрит журнал тврди дека вкупната бројка на загинати и повредени во војната ја достигнала границата од 1 милион.

Стартап компанијата Алтера неодамна започна единствен проект на подрачјето на вештачката интелигенција, наречен „Проект Сид.“ Преку илјада автономни агенти на вештачката интелигенција соработуваат меѓусебно во виртуелниот свет на Мајнкрафт создавајќи сложени општествени сктруктури и механизми: економија, култура, религија и систем за управување.

Американската Тајна служба започна со истрага на Илон Маск откако овој по вториот обид за убиство на Трамп на Икс напиша дека е малку чудно што никој не се обидел да изврши атентат врз Бајден или потпретседателката Камала Харис.

Во 2015 година, Ел Салвадор имаше највисока стапка на убиства на западната хемисфера. Денес го има второто најниско место - пред него е само Канада. Еден човек на врвот на државата, подготвен да се фати за работа покажа дека криминалот во една држава не е судбина на таа држава туку нечиј политички избор.

Холандската влада сака да излезе од заедничките правила на Европската унија за добивање азил. Во име на владата тоа го побара нивната министерка за миграција и азил, Марјолин Фабер, од крајно десничарската Партија на слободата која рече: Ќе мора ова прашање уште еднаш сами да го решаваме. ЕК веднаш ги одби.

Израелскиот брутален придонес кон воената креативност со синхронизирано експлодирање на илјадници пејџери и токи-вокија предизвикува глобална вознемиреност каде е крајот и дали ваквите акции можат да доведат до истребување на поедини нации или религии. Што ако некоја служба процени дека некој треба да биде дигнат во воздух додека стои пред вас во ред во продавница?

Хемичарката Светлана Мојсов деновиве доби една од најпрестижните научни награди во светот заради нејзините заслуги во истражувањата кои доведоа до хитот за слабеење Оземпик. Долго време во влијателни научни кругови се маргинализираше нејзиниот удел, сè додека таа не реши да проговори и да се бори нејзиното име да биде додадено на основните патенти како ко-пронаоѓач. Ласкер ја исправија неправдата.

Научници успеале да изработат безбедносен систем базиран на ВИ кој со речиси 83-процентна точност може да предвиди криминално однесување преку следење на снимки од камери за обезбедување.