Историски, базата на Демократската партија беа работниците и малцинствата а нивните гласови се задржуваа со фокусирање на секојдневни теми и проблеми како што се платите, цените, домувањето, условите за живот и работа. Новата база е урбана елита која повеќе се занимава со тоа како да се рационализира горивото или како помалку да се јаде месо. 

Демократите секогаш стоеле добро кај младите. Бајден во 2020 година сериозно го потепа Трамп меѓу гласачите помлади од 35 години. Моменталниот пресек на расположениот покажува поинаква слика. Камала заостанува зад Трамп повеќе отколку дефицитот на Бајден. Многу забуни настануваат кога за сите млади се суди според она што се случува на социјалнте мрежи.  

Обезличување на знамиња на гордоста во источен Лондон беше оквалификувано како „злосторство од омраза“. Ендрју Дојл (патем, геј) вели дека е многу поверојатно тоа да е мотивирано од иритација што се трошат пари на овие бесмислени гестови за поддршка на заедницата која веќе ужива целосно еднакви права според законот. Бескрајните промоции на овие квази-религиозни симболи само дополнително ќе прават поделби меѓу луѓето.

Како што Бајден официјално се откажа од трката и и ја предаде палката на Камала, така демократите и републиканците си ги заменија скриптите, па сега првите почнаа да галамат како 78-годишниот Трамп е стар за функцијата, на која Бајден дојде токму на 78 години.

Тестирајќи дузина ајкули од повеќе видови покрај бразилскиот брег, научници кај нив утврдиле екстремни нивоа на кокаин во црниот дроб и мускулите. Поморски биолози сугерираат дека кокаинот кај нив дошол преку канализационите одводи и остатоци од конзументите или пак и протекувања од илегалните лаборатории за производство на кокаин. Ајкуливе немаат малку повеќе кокаин во себе, туку многу повеќе.

Се работи за десетици милиони долари, чие користење за кампања Републиканците би сакале некако да им го искомплицираат на Демократите барем до ноември, прво преку Федералната изборна комисија, а потоа и на суд.

Кинезите во живо и на терен демонстрираа супериорен и досега невиден нуклеарен реактор, дизајниран да може пасивно да се лади во случај на вонредна состојба, со што се спречува она најлошото кај нив - топењето, дури и кога ќе останат без енергија потреба на системите за ладење. За да го докажат тоа, му угасиле струја. 

Сите посетители на плажите на градот Калпе се потсетени дека им е забрането поставување на каква било опрема за резервирање место на плажа, од пешкир до лежалка, пред 9 часот наутро.

Во интелектуална смисла, Камала Харис е перолесна категорија. Никогаш не кажала нешто оригинално или промислено. Ако обезбеди номинација, нејзините досегашни празни, бесмислени, репетитивни и будалести пораки, на Трамп ќе му нафрлат куп материјал за урнебесно смешни реклами. Меѓутоа, оние што буткаат „идентитетски политики“ тријат раце бидејќи таа уште полесно ќе биде контролирана отколку Бајден.

Ако Џо Бајден не се чувствува доволно кадарен да ја продолжи трката за претседател на САД, тогаш тој не е ништо покадарен ни да го заврши мандатот за претседател и затоа треба да си даде оставка, бараат високи републикански функционери.

Излезе дека дури ни израелските Олимпијци не се нешто посебно популарни во Франција и меѓу жителите на Париз, кои се толку директни во изразување на својата омраза кон спортистите што Израел на Олимпијадата ќе испраќа и посебен тим од Шин Бет.

Состојбата на фронтот, ситуацијата во САД и тонот со кој Зеленски минатата недела и се обраќа на нацијата, Си-ен-ен го толкува како сигнал дека украинскиот претседател за прв пат е подготвен да преговара со Москва.

Три митови ја поткрепуваат колективната фрустрација на западните центристички политички лидери, кои долго време својата хегемонија ја земаа здраво за готово. Најголемиот удар врз самодовербата на западните елити дојде после воведувањето на санкциите, додека го убедуваа населението дека производството ќе се врати дома. Дури тогаш сфатија дека 30 години неинвестирање и во производството и во инфраструктурата го направија Западот немоќен.

Официјален Баку тврди дека Франција предолго и предрско се меша во нивните внатрешни работи , првенствено преку блиските контакти со Ерменија со која три децении имаат сериозен конфликт околу сепаратистичкиот азербејџански регион Нагорно Карабах. Бидејќи нема фајде што им викаат да престанат да се мешаат, Азербејџан реши сега тие да се замешаат во француските проблеми.

Северна и Јужна Кореја можат во секое време сериозно да ја спукаат, но за среќа, досега се држат до нископрофилниот меѓусебен конфликт кој знае да има и интересни епизоди. Секогаш кога Јужна Кореја ќе почне нова пропагандна акција против Северна, Северна пушта кон соседот балони кои носат отпад. По принцип, вие со ѓубре, ние со ѓубре.

Што заради одмазда, што заради желбата да се постигне доминација или барем рамнотежа во културната војна, денешната десница која е во залет посакува и левичарите да осетат како е кога по нив ќе дојде толпата чиј онлајн гнев уништува животи, кариери и репутации. Поединечни скалпови ќе паѓаат, меѓутоа, како и левичарите, се надеваме дека и овие нема да успеат стигмата да ја крунисаат како догма.  

Револуционерното оружје на војната во Украина излегоа дека се дроновите кои за релативно евтина цена, од неколку илјади евра, можат да уништат воена опрема вредна стотици илјади, ако и не и милиони евра. Сега Јужна Кореја има решение за дроновите кое е поевтино и од нив.

Неодговорната политика на алијанската кон Украина продолжува, давајќи лажна надеж, и правејќи го мирот многу помалку веројатен а војната многу поопасна, пишува Политико.

Доналд Трамп ја прифати републиканската претседателска номинација пред илјада егзалтирани следбеници во Милвоки (некои со газа на увото) и првпат по атентатот одржа говор кој траеше час и половиина. Немало подолг говор за номинација последниве 50 години.

Првпат кога даночните власти на Грција почнаа да користат сателитски снимки во време на економскатата криза и фискалната диета, беа откриени фрапантен број непријавени домашни базени. Сега е уште полесно со дроновите кои шпартаат по Халкикиди и други места. За пет дена биле наплатени 350.000 евра казни. 

Топ членови на Демократската партија на САД приватно им рекле на основачите на Аксиос дека сè поголемиот притисок од конгресните лидери и блиски пријатели го убедиле Џо Бајден да се откаже од идејата да бара втор мандат во Белата куќа. И тоа може да се случи за само неколку дена, во викендот што претстои.

Новоизбрана европарламентарка од Романија била исфрлена од сесија на Европскиот парламент откако ги игногирала сите процедурални опомени да не вика од место и да не ги прекинува другите додека говорат. Кога конечно дошле службите да ѝ објаснат дека таму сепак постојат правила, таа на лице ставила кучешка маска, по што сепак била одведена надвор, да се прошета и евентуално замоча.

Обидот за атентат на Доналд Трамп е наместена работа и никогаш немала за цел да го убие поранешниот претседател сметаат нешто над 33% од симпатизерите на актуелниот претседател Џо Бајден.

Истакнат имам од Татарстан стана центар на вниманието на руската јавност отколку неделава објави видео во кое на верниците им дава насоки како правилно треба да се тепа сопствената сопруга.