Јубилејниот самит на НАТО кој требаше ефектно да демонстрира единство на членките на Алијансата против агресијата на Путин, инстантно доби друга димензија за која беа доволни само пар гафови на американскиот претседател. Месеци и месеци внимателно организирани средби и поенти паднаа во вода кога Зеленски стана Путин а Камала стана Трамп.

Пред само неколку недели, Бајден не присуствуваше на мировниот самит за Украина во Швајцарија за да биде на вечера за собирање пари за кампања на која еден од организаторите и главните гости беше Џорџ Клуни.

Тројцата браќа од еврејската фундаменталистичка секта Лев Тахор се осудени на по повеќе од 10 години затвор поради киднапирање деца, нивно присилување на секс и брак со возрасни и илегално префлување преку граници. Пробаа секаде да се кријат од правдата, меѓу другиите места и кај нас. 

Американскиот Стејт Департмент се обидува да го оспори тврдењето на Вол Стрит Журнал дека Џо Бајден  не дошол на договорена средба со германскиот канцелар Олаф Шолц кој останал баш изненаден што така извисил. Наместо Бајден, бил испратен државниот секретар Ентони Блинкен кој на Шолц му објаснил дека во тоа време, претседателот мора в кревет. 

Екипи на Непал, составени од војници и шерпи/шерпаси имаа задача оваа пролет да го исчистат највисокиот алпинистички камп на Монт Еверест. Работеле тие цела сезона со една третина кислород колку што му треба на човек и на крај порачаа дека, за да ја завршат работата, ќе им бидат потребни уште години.

Последниот руски воен напредок во Донецк ги засилува аргументите за преговарано решение за војната во Украина, стои во отвореното писмо од повеќе западни експерти и дипломати кое го објавува Фајненшл тајмс.

Анализа на 400.000 здрави возрасни лица открива дека секојдневното земање мултивитамини не им помага на луѓето да живеат подолго, ниту пак има некои здравствени бенефити.

Факт е дека постојано расте бројот на Французи подготвени да го дадат својот глас на партијата на Ле Пен. Чирлидерките на Левичарскиот фронт може да си замислуваат дека водат славна борба против воскреснатиот фашизам, но, огромните делови од работничката класа кои гласаат за Ле Пен не се расисти или неонацисти. Само се загрижени за прашања за кои другите партии нејќат ни да разговараат.

Њујорк тајмс пренесува сведоштво на германски медицинар што бил дел од доброволна единица во Украина предводена од Американци, кој раскажува за тоа како неговите соборци со куршум во торзо, а потоа и во глава, егзекутираат ранет руски војник кој ги моли за помош.

Пред некое време саудиското кралство во приватни разговори дало ишарет дека можеби ќе почне со продажба на дел од европскиот долг што е во негова сопственост доколку Г7 реши да ги троши замрзнатите руски средства.

„Уредник си на Њујорк Тајмс, смисли ми наслов за следнава содржина“ гласи една задача за ОпенАИ која се користела во весникот. А вештачката интелигенција умеела да извади наслов во посакуваниот стил бидејќи веќе ја има собрано целата содржина на Њујорк Тајмс и учи од неа. Заради тоа, весникот на суд сака да докаже дека се оштетени за големи пари. 

Бидејќи буџет од некаде треба да се полни, а народ сериозно се навлече на екологија, Лондон ги укина субвенциите за електрични возила за бесплатно возење низ центарот на градот. Од 2026 и електричните ќе треба да плаќаат по 15 фунти на ден за да возат во центарот.

Писмо од експерти објавено во угледниот бртански медицински журнал Лансет сугерира дека е можно бројот на жртви на израелската агресија во Газа со кој сега се оперира да е драматично потценет. Можно е во израелските напади Газа да има изгубено цели 8% од својата пред-воена популација од 2,3 милиони луѓе. Дали САД се среќни што нивните бомби завршиле голема работа?

За настаните на кои присуствува Бајден неговите соработници му подготвуваат краток документ со испечатени големи букви и фотографии кои ја вклучуваат точната патека до и од подиумот, пишува Аксиос.

Како што се наближува шпицот на летните одмори и распусти, Германија сè повеќе заглавува во масовни проблеми со испорака на пасошите, откако во пандемијата и карантините, луѓето подзаборавија дека и тие им требаат. Секој кому баш сега му треба пасош има проблем. Изработката на нова патна исправа знае да потрае два месеца.

Жена од Сингапур успева да убеди некои си 30-на луѓе дека таа е божество па како што е ред почнува да ги молзи за пари, во вредност од некои си 10 милиони долари. И тоа не е ни приближно најлошото.

На кратко, многу е лоша, Украина изгуби повеќе од половина од енергетските капацитети што ги има пред почетокот на руската инвазија, пишува Киев пост во својата анализа.

Британски автор и новинар кој мигрантската криза во Европа ја следи со години, денес покајнички пишува: Наместо срцепарачки репортажи за мигрантите кои измамуваа воздишки и емпатија кај нашите читатели и гледачи, требаше да поставуваме многу потешки прашања. 

Некои од најголемите и највлијателни светски финансиери почнаа да вртат во Киев и да бараат Украина да почне да ги плаќа долговите што ги има кон нив по основа на обврзници.

Шпанија воведува порно пасоши за деца чија главна задача ќе биде да се спречат малолетниците да гледаат содржини за возрасни со тоа што порно платформите ќе можат точно да ја верификуваат возраста на своите корисници.

Гневна толпа на демонстранти против туризам со пиштоли на вода прскаа странци туристи во ресторани низ Барселона повикувајќи ги да го напуштат градот и да не им доаѓаат веќе заради одмор или било туристички побуди.

Организацијата на лекари и практичари кои даваат услуги поврзани со родов идентитет на транс лица, вклучувајќи деца и млади, инсистирала тие да имаат завршен збор во научни истражувања кои ги нарачуваат на таа тема. Да не може без нив да се објави кој било податок, што значи да можат да скријат некој резултат ако не им одговара. Истражувачи се побуниле, па сепак, од шест доставени извештаи, досега е објавен само еден.

Сериозна групација од холивудски тешкаши во поглед на пари и влијание се решени да издејствуваат Бајден да се повлече од трката по неговиот катастрофален настап во дебатата против Трамп. Некои се чувствувале измамени од Белата куќа и од највисоките функционери на кампањата дека им криела во каква кондиција е Бајден додека тие донирале милиони долари. Оти па слепи беа.

Сем Бринтон, своевремено првата нон-бајнери личност со лидерска позиција во администрацијата на Бајден (во Департментот за енергетика, одделот за нуклеарен отпад) нема да лежи затвор поради неговата навика од аеродром да заминува со туѓи куфери. Не му е првпат, третпат му е. Договорот е да ја врати облеката, да се извини и да замине на третман за ментално здравје.