Компанијата „Алфабет“, која го поседува Гугл и Јутјуб, со налог е повикана на испрашување пред Конгресот на САД.
Конгресменот Џим Џордан, претседавач на Комитетот за правосудство, тврди дека платформата Јутјуб директно соработувала со политиката за цензура на претходната влада.
Директорот Сундар Пичај треба најдоцна до 28 март да дојде да сведочи и да одговори на барањето за увид на сите комуникации на „Алфабет“ со администрацијата и нивните соработници.
Пичај веќе изрази намера да соработува. Беше присутен на инаугурацијата на Доналд Трамп меѓу најистакнатите сојузници на претседателот.
Џордан го споредува „Алфабет“ со „Мета“, која во јануари ги промени политиките на Фејсбук за да ги прилагоди на забелешките и препораките од конзервативците. На сослушување неодамна беа повикани и Амазон, Епл, Мајкрософт, Рамбл и Тикток.
