"Седев по дома и станував хипохондар" вели Ноел Галагер кој при крајот на годинава проценува дека 2013-та му била тешко срање. За музиката во 2013-та: "Секоја година во која Боуви ќе издаде албум е добра музичка година". Далеку построг кон Лејди Гага, Мајли Сајрус, Arcade Fire....

Изумот е производ на заедничката работа на највелосипедскиот град на светот, Копенхаген, и на некои од најпаметните луѓе на светот, МИТ.

Шведска ИКЕА отвора нова продавница во шпанска Валенсија. Во понеделникот даде оглас за вработување на 400 лица. До сега се пријави повеќе народ отколку што има луѓе во цела Струга.

- Успешно ограбува камион полн со скап радиоактивен материјал.

- Веројатно е умрен или во неверојатни болки заради радиоактивноста на пленот.

Од времето кога бил во затвор, до статус на државник и инспирација на голем број генерации, цитатите на Мандела зборуваат повеќе од некаква сувопарна биографија.

За 10 месеци Шкотите ќе одлучуваат за својата независност од Кралството, истото кралство чие знаме се базира на спојувањето на круните на Англија и Шкотска.

Во вторникот во руската Думата се степале двајца пратеници, а приказната има и некои интересни (ама непотврдени) детали како тоа дека од џебот на едниот од тепачите паднал позлатен пиштол.

Звучи очигледно ама Пентагон чувствува дека има потреба да ги потсети своите вработени: прашајте ги претпоставените пред да донесете бомба на работа.

Германската полиција во иднина ќе користи смартфон апликација која за неколку десетини секунди ќе може да препознае забранета нацистичка песна.

И покрај сите повеќекратно потврдени пресуди + бркање од Парламентот, италијанските медиуми и јавноста имаат толкав уплав од поранешниот Премиер, што почнаа да се разгледуваат најневеројатните сценарија за иднината на Берлускони.

Секој пат кога некој ќе пушти песна на музичкиот сервис Спотифај, сопственикот на авторските права на песната добива меѓу 0,2 денари и 0,38 денари. По оваа математика, за бендот / артистот да заработи 1 денар неговата песна треба да биде пуштена 5, односно 3 пати (во зависност од тарифата).

Подемот на политичката коректност и порастот на насилството се две страни на истата паричка.

95% од корумпираните кинески функционери имале љубовна афера, а 60% имале постојана љубовница (барем една). И не е дека мора да бидеш корумпиран за да имаш швалерка, само проблемот е што оваа навика не е воопшто евтина.

На крајот од минатата година Њузвик ја донесе историската одлука да прекине да се издава во печатен формат и да стане исклучиво дигитален. Некаде во август Њузвик се продаде и некои работи се сменија.

Верту е одговорот на Нокиа на прашањето - што ако можам да правам мобилен телефон без да се грижам за пари? По 14 години работа, во 2012-та Нокиа го продава Верту. Новиот сопственик го префрла на Андроид, ама и понатаму најевтиниот телефон им чини 4.900 евра.

За Црниот петок и за Денот на Благодарноста, Американците потрошиле 1,9 милијарди долари на онлајн шопинг. Ова е 18,5% повеќе отколку минатата година. Една кинеска компанија воопшто не е импресионирана.

Меракот на листите е затоа што во нив се' е спакувано во амбалажа која му овозможува на мозокот на најлесен можен начин да прими и да сфати некоја информација.

Ако Дарвин бил во право, и ако мајмунот ни е навистина толку близок роднина (некому прв братучед, некому золва), тогаш зарем тој не заслужил да му бидат загарантирани барем некои од човечките права? Една американска невладина организација го бара токму тоа.

Точно пред 23 години, во ноемврискиот број на магазинот Лајф излегуваат фотографии кои за прв пат го соочуваат светот со реалното лице на сидата. Болниот Дејвид Кирби, неговото семејство и еден полуиндијанец се главните јунаци во оваа приказна без хепиенд. Ако сте чувствителни, не мора да гледате.

Не само што беше остра критиката за капитализмот, туку во минатонеделниот текст Францис покажа дека овој пат светот има работа со папа кој е добро упатен во економијата, посебно во врската меѓу разузданиот капитализам и нееднаквоста.

Без споредба, шефот е факторот кој има најголемо влијание за тоа колку еден вработен ќе остане на работното место. По основа на лоша атмосфера создадена од недоразбирање меѓу шефот и вработениот, американската економија годишно губи 350 милијарди долари.

Сред судирите за време на протестите во Украина, демонстрантите решија да јуришаат на полициските барикади со булдожери. Полицијата одлучи да не отстапува ниту чекор.

Во една од најголемите иновации во светот на брзите испораки, првиот човек на Амазон го претстави Amazon Prime Air сервис за доставување пратки за 30 минути со помош на беспилотни летала.

Магазинот (кој го прават истите луѓе како и шоуто) ги одбра петте најдобри супер-автомобили на светот и реши да провери кој од нив е број еден. И тоа не врз основа на цена или спецификации, туку каква работа ќе завршат на патеката.