Дофрлањето "Женска, ти диши ланецот" и слични генијалности беше (е?) еден од најголемите дострели на маалските фраери заболени од хроничен неебитис. Веројатно не ни знаат дека токму со точакот, девојките почнаа да стануваат недостижни за дрипци како нив.

Хилари Клинтон решила да им помогне на студентите од Лас Вегас да добијат донации за нивниот Универзитет така што ќе одржи говор на гала вечерата на која ќе се собираат парите. И тоа ќе го наплати 225.000 долари.

Избираш регуларен Ајфон 5S, и својот наклон го изразуваш со тоа што италијанска компанија му додава златна плочка на задната страна, изгравирана со портретот на Путин, за цена од 4.000+ долари.

Седењето во траење и форма како што го правите додека сте на работа е штетно по основа на тоа што е поврзано со рак, дијабетес и срцеви заболувања, ова го покажува анализа на 43 студии на темата.

Барак Обама од Конгресот побара 500 милиони долари за вооружување на :умерената" сиријска опозиција. Тоа што поимот умереност обично не го поврзуваме со вооружување, наш проблем.

70% од потрошувачите кога на месо во супермаркет ќе го видат зборот "природно", сметаат дека тоа значи дека на животното не му се дадени хормони за раст, за 60% ова значи не се користени антибиотици или други лекови во нивната храна.

Mногу убаво ни доаѓа кога од време на време автор кој инаку се занимава со „посуви" теми ќе си го отвори лирскиот фолдер и ќе ни се покаже во сета негова сетилност. Во случајов се работи за Теофил Панчиќ и неговиот текст во најново „Време", кој тежи и капе од хедонизам.

Натпреварите на американската репрезентација ги срушија рекордите на гледаност, и тоа е проследено со досега невиден интерес за фудбалот посебно на социјалните медиуми, само треба да се разбере дека сето ова е привремено.

Просто е. Бидејќи денешните мажи се непоправливи, жените колективно треба да станат лезбејки и да почекаат актуелната машка постава на планетава да одумре.

Пушачите знаат како слепци да се фатат за оние 2-3 податока кои на кутиите намерно им ги оставаат тобако компаниите, колку овие да имаат со што да се занимаваат и да им личи дека носат разумни одлуки. Па врз основа на количината катран или никотин, се тешат дека овие се јаки, овие се послаби. А приказната за цигарите е каде-каде покомплицирана.

Темата ја воскреснува интервјуто што Гери Олдман го дава за најновиот број на Плејбој, а во него коментира за Мел Гибсон, за животот на ѕвездите, за Златните глобус, за Филип Сејмур Хофман, за Оскарите.

Тоа дека Стинг не планира да им остави ни долар (од вкупно 300-те милиони) на своите деца (вкупно 6) бидејќи деца треба сами да заработуваат за живот, медиумите поштено го пренесоа. Во тоа интервју имаше уште два интересни момента.

Норвешки сајт за кладење пред светското во Бразил во типовите дал коефициент дека Суарез ќе гризне некого. 167 луѓе ставиле пари на овој тип.

Процената е дека во текот на работниот век заработуваш 50% помалку пари доколку останеш вработен во иста компанија подолго од две години. Ова е конзервативна процена, ако седне да се прави подетална кампања разликата ќе биде поголема.

Прашањето поставено на Куора го одговара корисникот Кен Мијамото, поранешен вработен во Сони Пикчерс. На кратко, одговорот е - снима, затоа што филмовите со Сендлер прават пари.

Со вкупен буџет од 5 милиони долари, Dallas Buyers Club беше номиниран за 6, а освои 3 Оскари. Еден од тие беше и Оскарот за шминка и фризура, за која во филмот беа одвоени 250 долари.

Комбинација од средновековно суров непријател, постојани порази, губење територии, дезертирање и недостаток на опрема, ја има донесено ирачката армија пред "психолошки колапс."

24,7 милиони луѓе го изгледале натпреварот САД - Португалија, што е најголемата ТВ публика за натпревар на американската фудбалска репрезентација и повеќе од кој било друг спортски настан, со исклучок на НФЛ.

Во 1999-та година, Албанците од Косово издејствуваат воена интервенција на НАТО. 78 дена подоцна, српските сили се повлекуваат од тогашната покраина. 15 години подоцна, репортер на Гардијан оди да ги види децата крстени по еден од најбитните странски ментори на албанската победа, Тони Блер.

Проблемот со импресијата (прегледани страници) е тоа што стана премногу лесно да ја добиеш, и што е метрика останата од интернет праисторијата (прва половина на 2000-ти), кога беше важно дали воопшто некој ти доаѓа на страната, а не колку време останува и што прави на неа.

Парадоксот е што заради технологијата која беше создадена да го намали бројот на состаноци, само се зголеми потребата луѓето да се видат лице в лице. Дополнување на парадоксот е што после толку години седење и договарање, човештвото и понатаму ужасно го злоупотребува состанокот.

Текстот го објавува Вол Стрит Журнал и тоа цел ден пред Варела да им даде гол на САД во 95-та минута. Во него главен лик е суперѕвездата на Реал Мадрид и црната овца на фудбалските медиуми во светот - Кристијано Роналдо.

Не само што не е негативен како што му вадат муабети, туку може да го зголеми вашето задоволство од животот, самопочитта и да ја намали нервозата, од вас само се очекува стварно да сте заинтересирани за секс за еден вечер.

ИСИС успеаа со 800 луѓе да ја разбијат 30-илјадната ирачка војска кој требаше да го одбрани Мосул. Главен виновник за ова е садистичкиот генерал на ирачката армија Ал-Гарави, човекот кој ја изгуби поддршката од жителите на Мосул и од Сунитите во своите единици.