„Биди прв дипломиран диџеј на светот“ е понудата што деновиве ја објави српскиот приватен Универзитет Мегатренд. Дипломата по „диџејство“ ја доделува нивниот Факултет за култура и медиуми.

По дефиниција, иселеник е човек кој привремено или трајно живее во држава која не е негова според раѓање, ама во пракса никогаш не сме слушнале вест со „Во Медитеранот потона брод со иселеници.“

Саудиска Арабија, Јордан и Палестина, секој во одделни прилики, го предупредиле Израел околу зголеменото влијание на Турција во Источен Ерусалим, наведува израелскиот весник Хаарец.

Како што колонијализмот го богати западниот дел до Европа, а Африканците кои не беа масакрирани во негово име во најдобар случај завршуваа како робови, така истиот процес успева да го измени самиот состав на планетава, тврдат за Гардијан двајца британски научници.

Ако има нешто подобро од тоа да си најбогат човек на светот, тогаш тоа е да си најбогато семејство на светот. И не во некоја преносна смисла, туку во конкретна милијардерска.

Во неделата навечер Берлин изгледа како да Турција само што го освоила Мундијалот, откако улиците на градот се преплавени од колони возила што свират и мавтаат со турски знамиња. Не победи Турција на Светско, туку Ердоган дома и во Германија.

Дури и секои можно ѓубре да го фрлиш во соодветно обележаната канта голем дел од пластиката повторно ќе заврши на депонии и во океани. Потрошувачите не можат да го решат овој проблем, пишува Феј Флам во Блумберг.

Долгогодишниот спор меѓу Норвешка и Шведска е на пат да ескалира затоа што вториве веќе 10 години одбиваат да ратификуваат еден меѓусебен договор. Како и во секоја квалитетна комшиска врска, ако не се спукаш за меѓа, тогаш ќе се спукаш затоа што стоката на комшијата ти влегла во двор. Епа исто и овие.

Комбинација од дизајн, зборови кои наведуваат на погрешен заклучок и илузија на контрола се дел од мерките што трите технолошки џинови ги користат за прелажување на корисниците да им ги отстапат нивните лични податоци, покажува студија на Норвешкиот потрошувачки совет.

Додека експерти и активисти на секој чекор се борат да ја спречат дефорестацијата во суб-Сахарска Африка и во Амазонија, во Западна Европа се случува значителна промена кај шумите - ги има многу повеќе, многу се повисоки и покриваат многу повеќе простор.

Големата филантропија е дефиниција за влијанието на плутократите (плутократија - владеење на богатите) врз демократијата, практикување на моќ од страна на богатите која не е под ничиј надзор, не е транспарентна, насочена e од донаторите, нема крај и добива даночни субвенции, порачува професорот од Станфорд и прв човек на Центарот за етика во општеството, Роб Рајх.

Проверувајќи до каде се стигнати нивните сограѓани, истражувачите сфаќаат дека 10% од Американците „комплетно“ веруваат во кемтрејлс, додека 30% сметаат дека има некаква вистина во теоријата. А што е теоријата? Дека белите опашки што авионите ги оставаат за себе се дел од тајна владина програма за труење на народот.

Затоа цело време зборувавме и главната порака на 200те беше -  не брзајте! Прво реформи, а не договор за името! И со договор може да нè сопираат на секој чекор; ќе изгубиме сè на почеток и нема да ја постигнеме целта!

Еден од најинспиративните ликови на човештвото, вториот човек што стапнал на Месечината, Баз Олдрин, моментално е сред еден крајно неинспиративен процес - се тужи со сопствените деца.

Француски касапи во официјален допис до француската влада бараат заштита од милитантните вегани, обвинувајќи ги дека се обидуваат да ја блокираат и да ја лишат Франција од културата на јадење месо.

Иако ракетниот систем С-400 никогаш не е употребен во борба, Русија успева истиот да го продава по страшно висока цена и тоа на држави кои стандардно се сојузници на САД.

Градот со над 12 милиони жители не само што одлучи дека ќе го забрани користењето на пластика за една употреба (кеси, шишиња, чаши...), туку прекршувањето на забраната ќе се казнува со околу 300 евра или три месеци затвор.

На Доналд Трамп му доаѓа убаво кој било од Холивуд да го пофали, не па еден од култните фигури на филмската уметност. Дејвид Линч во актуелниот претседател гледа потенцијал да стане еден од најголемите претседатели кои САД воопшто ги имале. Оние што се ежат на Трамп викаат дека ваквата изјава на Линч му ја разбираат колку што му ги разбираат филмовите.

Во 2012 Фејсбук го купува Инстаграм и за апликацијата со 13 вработени плаќа незамисливи 1 милијарда долари. Ќе излезе дека во следните години ова нема да биде ни приближно најголемата инвестиција на Фејсбук, ама неспорно најпрофитабилната.

Тоа што по изборот на Ердоган ќе се истуриш од навреди за турскиот електорат нема да го донесе посакуваниот ефект. Вината е кај демократските институции, пишува колумнистот на Гардијан, Сајмон Џенкинс.

Фермиевиот парадокс се однесува на конфликтот меѓу високата веројатност за постоење на вонземјански цивилизации и недостатокот на докази за контакт со таквите цивилизации.

Една од стратегиите што веќе се разгледува од најбогатите држави на светот е наместо да си вадат очи со САД откако Трамп почна да се расфрла со тарифи, директно да удрат по личните компании и бизнис интереси на американскиот претседател.

По основа загрозување на безбедност на САД, американскиот департман за трговија од април годинава забрани секаков извоз на производи за кинескиот производител. Излезе дека забраната е прилично сеопфатна, па вклучува и резервни делови за тоалетите во седиштето на компанијата во Шенџен.

Во моментот кога Трамп најавува нови царински давачки за производите од Канада, уредникот и сопственик на Џексон каунти сентинел и на уште девет други локални весници, знае дека цената на хартијата за печатење повторно ќе скокне. Во изминатите неколку месеци таа расте од 550 на 800 долари.