Администрацијата на Бајден во 2021 година, во пакетот инфраструктурни инвестиции предвидела 42 милијарди долари за да го прошири пристапот до широкопојасен интернет до 25 милиони домови во САД. Звучи одлично, само што, 4 години подоцна, ниту еден нов дом нема добиено бродбенд интернет од тие 24 милијарди. Нула. Дури и Џон Стјуарт се фаќа за глава. 

Тие што упорно креваат врева во име на половата еднаквост и обесправеност на жените денес пукаат во празно. Како прво, мажите, особено помладите, веќе заостануваат зад жените во образованието, платите и пристапот до работни места. И уште поважно, проблемите на младите мажи и жени не се поврзани со нивниот пол, туку со социјална класа на која ѝ припаѓаат.

Судска одлука за разрешување маргинален избран функционер на далечниот остров Мајот поттикна правни расправи во Париз дали пресудата може да послужи за елиминирање на опозициската лидерка Марин Ле Пен од трката за претседател на Франција. Ништо чудно. Сценарија на отстранување кандидати пред да победат на избори веќе видовме во Романија и во Истанбул.

Откако канабисот пушти здрави корења во 39 сојузни држави во САД, дојде редот на магичните печурки. По Орегон, ги дозволи и Колорадо. Сериозни клинички студии упатуваат дека псилоцибинот од печурките е ефикасен за третирање тешки форми на депресија и анксиозност. Третманот е скап, до 3.000 долари по сесија, но печурките се евтини и може легално да се одгледуваат за лична употреба. 

Мавташе со тоа пилата, изведуваше егзибиции, кинеше министерства и трошоци, ги нарекуваше политичките противници паразити и пијавици, ама, политиката му брка работа. Светските аналитичари му предвидуваа пораст од 4,7% но аргентинската економија сега расте со 6,5%. Во меѓувреме, суверенистот Хавиер Милеи веќе не е гадлив на глобалните пари па бара заем од ММФ.

Американските разузнавачки агенции 11 години трошеле пари, ресурси и луѓе на донкихотска борба со климатските промени. Дури и во првиот мандат на Трамп. Апстрактниот противник повеќе не се смета за закана. Шефицата на разузнавањето Тулси Габард објави дека шпионите и агентите отсега ќе се фокусираат на реалните противници на безбедноста и националните интереси на САД.

Наративот за јаглеродот што го пропагира климатското движење е сосема утнат, заклучува експерт кој се занимава со заштита на околината а своевремено беше голем противник на јаглеродните емисии. Без јаглерод ова планета ќе беша само мртва карпа, вели тој,  и затоа е погрешно да се демонизира и да се бориме против нешто што го испуштаме со секој наш здив.

Откако му прснаа две ракети на Спејс Икс на лансирните рампи, Илон Маск доби конкретна понуда од неочекуван извор за да го оствари својот сон да го колонизира Марс. Од Мурманск. Русија понуди свој нуклеарен реактор што би му помогнал на американскиот вселенски брод Старшип да летне кон Марс до крајот на оваа деценија. Маск ја оцени понудата како „интересна“.

Еколошките активисти од Just Stop Oil ги прекинуваат уличните блокади на улиците и вандалските протести како фрлањето супа врз „Сончогледите“ на Ван Гог и други уметнички дела. Не се откажувале од револуцијата, само ќе се свртеле кон корпорациите и милијардерите. Повеќето членови се на државна супа, по затвори.

Нешто се има случено пред 20-тина години бидејќи оттогаш почнува вртоглаво да расте угинувањето на пчелите. Пред 2005-та година, во Америка годишно се губеле 10% до 20% пчелни колонии за последнитее години тоа да стане меѓу 40 и 50 проценти. А најлошата година е во тек. Штетите се милионски но не се изразуваат само во долари.

Во многу земји во светот секој петти возрасен ја напуштил религиозната група во која е израснат, покажува глобално истражување на агенцијата Пју на сериозен примерок од 80.000 луѓе во 36 земји. Дури и Италија ги напушта силните традиции. На секој човек што го прифатил христијанството, 28 други се откажале.

Истражувачи регистрираат универзален песимизам, присутен од Финска па до Авганистан, што говори за пандемија на недоверба, од која се хранат политичари, медиуми и социјални мрежи. Во реалниот свет сепак има надеж дека останале чесни луѓе, кои би ви го вратиле новчаникот ако го изгубите. И во Македонија ги има, само што на луѓе не им се верува.

Карантинот го запре развојот на генерацијата З. Ги преформатира да претпочитаат ментално и физичко здравје наместо луди забави. Ноќниот живот стивна и се затвораат стотици клубови. Психолози велат дека и тоа не е добро. На луѓето отсекогаш им биле потребни ноќни дружења, пијанки и игранки како вентили за ослободување на дневниот стрес.

Четботовите се создадени за да ни го олеснат товарот за многу нешта, но човек може да се навлече на нив. Луѓе што немаат широк круг пријатели може да ги доживуваат за единствен другар, со што уште повеќе тонат во спиралата на осаменост. Колку повеќе се на четботот, толку помалку им останува време за реалните социјални врски и не можат да избегаат од друштвото на новиот најдобар другар.

Платформата Напстер ја памтиме како првата самопослуга од која можевме да симнуваме емпетројки бесплатно. Пионерот во дигиталното пиратирање стекна глобална популарност, но банкротираше кога музичарите побараа да им се платат авторските права. Напстер се враќа во нова мисија во универзумот на виртуелната реалност. Со една разлика: Не е повеќе бесплатен.

За да купат пиво Американците мора со личен документ да докажат дека се постари од 21 година. Никој не им бара лична карта за да гласаат. Трамп нареди право на глас да имаат само оние со потврда дека се државјани на САД, што е проблем за 21 милион Американци без таков документ. И повеќе да не се важат гласовите по пошта што пристигнале по затворањето на гласачките кутии.

Мнозинството Американци се согласуваат со министерот за одбрана Роберт Кенеди дека на смартфоните не им е местото во училниците. Експертите ги прифаќаат мислењата дека телефоните им го одвлекуваат вниманието на децата, но се најдоа погодени од објаснувањето на министерот дека зрачењето од мобилните телефони ги оштетува мозочните клетки и предизвикува канцер.

Нападите врз возилата Тесла низ Америка повеќе не се само изолирани вандалства како израз на гнев кон Илон Маск. Салони изрешетани со куршуми и молотови коктели фрлени врз станици за напојување се сериозни акти со димензија на домашен тероризам. ФБИ состави специјален тим за пресметка со новиот тип урбани терористи. Тревога е прогласена за в сабота, кога е најавен протест против Тесла во 500 градови низ САД.

Репортери на ББЦ тврдат дека ги пронашле двете бугарски китки што недостасуваат од рускиот шпионски венец во Британија. Цветка работи на аеродромот во Софија, позната им е бугарските служби за безбедност, но нема обвинение. Цвета во Виена била сослушана, но ја пуштиле на слобода како „интегрирана“ мигрантка. Па има ли некој поинтегриран во општеството од шпион?

Студентското движење во Србија, за да биде успешно и толку да се омасови, мораше да игра на карта на аполитичност и дистанцирање од партии и политички организации. Но, тоа истовремено е и благослов и проклетство. Аполитичко движење со широка база, на крајот води до два исхода: диктатура или хаос. Бидејќи хаосот не може да трае, тоа во секој случај произведува диктатура. 

Додека Европа крева ѕидови за да се заштити од мигранти, Украина мора да прими милиони работници од земји како Бангладеш и Непал за да има кој да ѝ го задвижи стопанството. Војната предизвика егзодус од 6 милиони луѓе, главно работоспособни. Украинците сега бараат решение како да ја пополнат демографската празнина, а притоа да не останат малцинство.

Новинарот Џефри Голдберг од Атлантик си помислил дека е жртва на некаква „скриена камера“ кога телефонот му заиграл со пораки од највисоките безбедносни функционери додека договарале супертајна воена операција. Дури кога американските сили неколку часа подоцна навистина удриле со проектили врз хутите во Јемен, сфатил дека случајно бил поканет за сведок на најголемото пробивање на безбедносната комуникација на Белата куќа.

Поради топењето на глечерите и на вечниот мраз, на виделина се појавува сè поголема копнена површина од Гренланд. Ете уште една причина повеќе за Трамп да го анектира најголемиот остров на светот. Научниците, сепак, предупредуваат: Новото копно што се отвора е крајно нестабилно за дупчење нафта и копање ретки минерали.

Центрите за складирање и обработка на податоци се тешката артилерија во битката за технолошка доминација. Претседателот Трамп заедно со Опен АИ и Оракл го промовираа гигантскиот проект Старлинк од 100 милијарди долари што ќе се гради во Тексас. Други амбициозно гледаат во небото: центри во орбитата или на Месечината, каде што енергијата е поевтина, а безбедноста поголема.