На 25 февруари, од 10:00 часот, Нептун повторно ги отвора вратите на својата продавница во Прилеп на истата, добро позната локација, но со целосно нов концепт, модерен изглед и значително унапредено купувачко искуство.

Властите во Дамаск побараа од Берлин да не ги депортира веднаш назад сириските бегалци, кои по падот на режимот на Асад го изгубија правото на азил во Германија. Бараат повеќе време за реконструкција на домовите и инфраструктурата. Ова барање ја подели кревката коалиција на конзервативците и социјалдемократите во владата на Мерц.

Граѓаните на ЕУ ја плаќаат климатската сметка од 8,8 милијарди евра иако таа е проследена со сериозен скандал: дел од тие пари биле пренасочени кон левичарските НВО-а да лобираат против  скептиците кон политиките на Урсул Фон дер Лејен. Дури и случајот на Ле Пен бледее во споредба со милионските злоупотреби на Брисел. Резултат: 70% од граѓаните на ЕУ се убедени дека нивната држава е корупирана.

Наспроти 19-те пакети санкции од Европската Унија, ембаргото од Г7 и индиректните царини од Трамп за купувачите, Русија сè уште извезува повеќе нафта отколку пред четири години, кога ја почна воената инвазија врз Украина. Санкциите само ја спуштиле цената, па Москва има помали приходи за 27% во споредба со февруари 2022 година.

Трансформацијата на безбедносните сили на Косово, агресивното вооружување, регионалните сојузи и провокативните воени маневри, сето тоа поттикнува ескалација на тензиите во регион веќе обележан со етнички судири и геополитички соперништва. Милитаризацијата на Косово ризикува да ја разбие деликатната рамнотежа воспоставена по војната во 1999 година, потенцијално поттикнувајќи поширока нестабилност.

Владејачките конзервативци во Германија ја одобрија иницијативата да се забранат боледувања пријавени по телефон. Мерката беше воведена во времето на пандемијата, кога на вработените им беше дозволено со едно јавување кај матичниот лекар да добијат до пет дена платено отсуство. Бизнисот трпи, но социјалдемократите блокираат укинување на привилегијата.

Американската разузнавачка агенција признава дека од администрациите на Бајден и Обама добивала политички насоки при изготвувањето извештаи. ЦИА мешала идеологија со безбедност и трошела време и пари на теми како предизвиците на ЛГБТ активистите во исламскиот свет или влијанието на пандемијата врз планирањето семејства во земјите во развој. 

Брисел повторно го менува компасот за проширувањето на ЕУ. Да не беше отпорот од Виктор Орбан, веднаш преку ред би ја примил Украина, иако Киев не исполнува ниту еден од условите. Се врти кон Исланд, кој има стратегиски важна позиција на Арктикот. Балканските земји, кои порано беа во фокусот, сега не се интересни и може да чекаат.

Компанија на Илон Маск мораше да се откаже од вградувањето и промовирањето на опцијата „автопилот“ во возилата Тесла за да може да се продаваат во Калифорнија. Властите во оваа држава тврдат дека терминот може да ги поттикне возачите буквално да кренат раце од воланот, иако мораат активно да управуваат со возилото.

За да го спроведе планот од 6,6 милијарди долари на премиерот Карни за зајакнување на одбраната, Канада ќе мора да увезува обучени војници и офицери со искуство. За да ги привлече регрутите од странство, им нуди експресно брз процес за добивање државјанство, слично на стратегијата што досега важеше за инженери, лекари и квалификувани занаетчии.

Идејата дека употребата на социјалните медиуми е штетна за младите луѓе постои со години и постојано се вадат нови докази за тоа. Ако не им верувате на истражувањата, верувајте им на самите технолошките лидери кои ги изградија тие империи што им донесоа милијарди. Наспроти она што го промовираат за другите, кога станува збор за нивните сопствени  деца, овие моќници се крајно рестриктивни.

Во класичната филмска комедија „Рибата наречена Ванда“, Џон Клиз има ваква реплика: „Дали имате идеја како е да се биде Англичанец? Да се ​​биде екстремно  коректен цело време, да се биде постојано задушен од страв да не направиш нешто погрешно“. Денес 86-годишниот Клиз има далеку поопиплива секирација што е Англичанец: дали неговото практикување на слободата на говорот ќе го направи криминалец во сопствената земја.

Британски Телеграф пренесува делови од Кривичниот закон кој го донеле талибанците и кој освен што забранува школо за девојчиња постари од 12 години а воведува и термин „роб“ за што веќе пишувавме, педантно ја опишува црвената линија на домашното насилство: скршени коски или отворени рани. Жената тоа треба да го докаже во присуство на машки старател. Погаѓате кој е старателот. 

Додека европските земји настојуваат итно да ги исфрлат фосилните горива и да ги заменат со ветерници, загрозувајќи ја сопствената енергетска стабилност, Кинезите ги комбинираат предностите на обновливите и традиционалните извори. Градат комбинирани централи и го зголемуваат капацитетот за чување енергија во батерии, заради стабилност на мрежата.

На германскиот канцелар му пречи демократското право на граѓаните анонимно да коментираат ставови и политичари без страв од лични последици. Мерц бара да се претстават со име и презиме, за да може владата да им одговори. Германската полиција, всушност, веќе спроведува рации во домови на луѓе што критикуваат функционери по социјалните медиуми.

Со построгите мерки за издавање визи и засилените депортации, администрацијата на Трамп успеа да ја спушти миграцијата за 80% под вообичаеното ниво. Брзото губење на стотици илјади потенцијални работници дава лажна слика за отворањето на повеќе работни места, како доказ за раст на економијата, предупредува Голдман Сакс.

Научникот за животна средина Бјорн Ломборг неодамна пресмета дека владите низ целиот свет потрошиле најмалку 16.000 милијарди долари за поддршка на индустрискиот комплекс за климатските промени. Тоа збогати многу луѓе, но веројатно не бил или нема да биде спасен ниту еден живот од оваа колосална погрешна распределба на човечките ресурси. 

Канаѓанка ја обвинува државата дека либералните закони за еутаназија ѝ го убиле синот. Тој страдал од повремени бранови на депресија и кога бил во криза се решил на асистирано самоубиство. Лекарката од програмата не само што не го обесхрабрила, туку и го охрабрувала да си го одземе животот и не ги известила неговите родители.

За илјадници Американци, глифосатот е хемикалија што им предизвикала рак. Но, претседателот Трамп го прогласи канцерогениот хербицид за критична суровина за националната и прехранбената безбедност. Нареди континуирано снабдување со хербициди и со елементарен фосфор за да се заштити производството на храна и на воена опрема.

Администрацијата на Трамп отворено побара од светската агенција за енергетика да престане да ги гради глобалните стратегии врз основа на нереалните цели за нето нула емисии на јаглеродни гасови. Ако веднаш не го префрли фокусот кон енергетска безбедност, агенцијата ќе остане без само една членка, но и без една седмина од својот буџет.

Автомобилската индустрија ги промовира хибридните коли како идеален баланс за заштита на околината и намалување на трошоците за гориво, без да се ограничи патувањето. Точно е само третото. Неодамна беше утврдено дека чадат како бензинци, а нова анализа укажува дека трошат три пати повеќе гориво отколку што декларираат производителите.

Стејт департмент изработил онлајн портал што ќе им овозможи на луѓето во Европа да пристапат до содржини што се забранети од нивните влади како „говор на омраза“ или „терористичка пропаганда“. Целта е да се заобиколи цензурата. Европските земји веројатно ќе го толкуваат овој потег како охрабрување на нивните граѓани да ги прекршуваат националните закони. 

Вакцините со мРНК против коронавирусот кај мал број луѓе предизвикале повеќе несакани симптоми слични на долг ковид. Научен тим од универзитетот Yale открил изразени биолошки промени кај луѓето погодени од овој „поствакцинален синдром“. Имаат разлики во имуните клетки, се реактивира неактивниот вирус Епштајн-Бар, а коронавирусот им се задржува во крвта.

Кога Американците масовно купуваа камери за да ги заштитат своите домови од кражби ретко помислувале дека ќе дојде ден кога камерите ќе може да бидат злоупотребени против нив. Сега ги кршат овие шпионски очи кај комшиите или самите ги му ги враќаат на Амазон поради ризикот од нова технологија, невино промовирана како систем за барање изгубени миленичиња.