Вести › Набрзинка

На Маск му ветија бонус од 1.000 милијарди

7 ноември 2025

Акционерите во „Тесла“ го одобрија планот да го наградат директорот Илон Маск со бонус од 1.000 милијарда долари, ако успее да исполни неколку амбициозни услови. Маск веќе со години е најбогатиот милијардер во светот, богатството сега му е проценето на 460 милијарди, но со бонусот би станал првиот билионер во историјата.
Маск ја прифати одлуката, придружуван на сцената од хуманоидни роботи „Оптимус“. Тие уште не се во масовно производство, но милијардерот ги претставува како „иднина на компанијата и на човештвото“. Тврди дека ќе бидат применети насекаде, од домови и болници до затвори.

Elon Musk: What we're about to embark upon is not merely a new chapter of the future of Tesla, but a whole new book and Optimus is a fundamental part of that

The scale of Optimus, like I said, that's really going to be something else

I think it's going to be the biggest product… pic.twitter.com/DKIbCnwSwN
— X Freeze (@XFreeze) November 6, 2025

Бонусот на Маск би го надминал БДП-то на Шведска, Ирска или на Аргентина. За да го освои, Тесла мора да достигне вредност од 8.500 милијарди долари (сегашната е 1.400) и да оствари приход од најмалку 400 милијарди долари четири квартали во низа.
Ќе мора во рок од една деценија да испорача 20 милиони електрични возила и 10 милиони целосно автономни, да продаде 1 милион „роботакси“ и уште толку хуманоидни роботи, кои се уште се во фаза на прототип.

извор

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор