Луѓето задолжени за пишување на законите објаснуваат дека не постои природен притисок од гласачите за регулирање на Фејсбук, Амазон, Елп, Нетфликс, Гугл и слични, никој не им кенка за наметнување на повеќе правила и ограничување на истите.

Како што се движеше караванот од Латинска Америка кон САД така еволуираа и заговорите што Трамп ги ширеше околу него. Зовриената само-создадена паника на крај кулминираше со распоредување на 6.000 американски војници (повеќе отколку што моментално имаат во Ирак) на границата со Мексико.

Логиката на ЕУ е ако веќе правиш пари од туѓ труд без ниту еден ред твоја содржина, тогаш треба да им платиш нешто на тие на чиј грб се богатиш. Ваква логика не им се допаѓа на луѓето од агрегаторот за вести на Гугл, Гугл њуз.

Во едно италијанско село со вкупно 120 жители, ставиле камера со мерач на брзина за да видат како тоа се вози низ главната улица на селото. За две недели биле регистрирани 58.000 пречекорувања на брзината. 

Загадувањето од дизел возилата го спречува развојот на белите дробови кај децата со што тие доживотно се осакатуваат, покажува истражување во кое учествуваат 2000 ученици од Лондон. И ова е паника во Лондон, чиј проблем со квалитетот на воздухот не е ни приближен до тукашната жабокречина што се дише.

ОПЕК ја загуби и онаа контрола врз пазарот на нафта што ја имаше. Постапките (или твитовите) на тројца мажи - претседателите Доналд Трамп и Владимир Путин, и принцот престолонаследник Мухамед бин Салман - ќе го утврдат курсот на цената на нафтата во 2019 и понатаму. Но сите сакаат различни работи од него.

Скандинавската земја деновиве е окупирана со дебата околу најновата иницијатива за создавање „менструално-френдли“ работни места. Ние крв ќе проплукаме додека дојдеме до такви теми.

Во досега најопсежното експозе на темата Моника Левински комплетно под свои услови, како човечко суштество кое на свој грб ги почувствува сите неправди и трауми, а не спотер за туѓи политички пребивања, проговорува за она што пред 20 години се случи со тогашниот претседател на САД.

Грчкиот Хелсшинки не може да се изначуди со каква леснотија европските медиуми прогласија победа во нивната повеќедецениска битка за одвојување на црквата од државата. Особено се фрапирани од нивните сестрински невладини кои не ги ни прашале што мислат за темата. 

Животна приказна на еден американски полициски офицер кој целиот свој живот го посветува на апсење на луѓе поврзани со дрога. Го прави тоа со несекојдневен жар и посветеност па станува легенда во полициските кругови. Сè додека еден ден не му се јавува ќерка му која е во тинејџерски години и му признава дека е зависничка. Кога ја прашува од каде ѝ пари за дрога бидејќи знае колкав џепарац има, му признава и дека се проституира.

Некогаш Крис Корнел со велосипед има разнесувано весници по улиците на Сиетл. Денес тоа го прави неговиот син, во спотот на постхумно објавената песна „Некогаш лошото е за добро“.

Пораката е со Попај да не се претерува. Еден од најчестите здравствени проблеми за кои луѓето не се свесни е поврзан со железото во крвта. Ама не со неговиот дефицит.

Норвешка си потопи еден свој воен брод под команда на НАТО. Бродот се судрил со нафтен танкер при што тој завршил на дното а танкерот ќе мора некогаш да се фарба бидејќи бил изгребан. На Норвежани не им е јасно како брод наменет за опаки воени ситуации не успеал да избегне едно од најбавните пловила на светот.

Автомобилскиот гигант кој е еден од најстарите симболи на американскиот начин на живот и лежерниот конзумеризам, реши да купи фирма која се занимава со скутери и нивно споделено користење. Автомобилџиите ќе направат сè што треба за кога ќе го спомнете нивниот бренд, да не помислите на ауспух.

Откако беше збунет од УСБ драјв, од немајкаде јапонскиот министер за сајбер-безбедност ја призна најголемата фалинка во своето резиме - никогаш нема користено компјутер.

По година и кусур конкурси, разгледувања, кандидатури и слично, Амазон неделава објави дека новото седиште на компанијата ќе го отвори во Њујорк и во северна Вирџинија, и за овој потег ќе добие државни субвенции во износ од 4,6 милијарди долари. Или: компанијата која чува 8,6 милијарди долари во кеш на оф-шор сметки за да не плати данок во САД и чиј сопственик е најбогатиот човек во светот, од американските даночни обврзници ќе добие на поклон 4,6 милијарди долари затоа што ќе отвори нови канцеларии.

Пред да ги извадиме нашите локални есапи, натежнати со сопствени математики, фино е да се погледне како проблемот, од кој идентично страдаат и далеку поголеми градови од нашиот, го објаснуваат посериозни истражувања.

Само на обновување и крпење на златните тавани, некогаш најскапиот хотел на светот (по градба, не по цена на соба) Емирати палас во Абу Даби, годишно троши 130.000 долари.

Оние кои го постираат сега ова видео, инаку едно од последните во насилно прекинатиот живот на Зоран Ѓинѓиќ, го наведуваат како крунски доказ дека неговите странски сојузници за него имаа само една задача, да го скине Милошевиќ а откако неа ја изврши, им стана непотребен па заврши како што заврши.

„Ако противотров за Трамп е Клинтон, тогаш противотров за ракот е инфарктот“, пишува за една од последните гротескни комбинации во кои Хилари повторно се враќа во игра колумнистот на Индипендент, Хаф и РТ, Џон Вајт.

Статијата е за едно потенцијално откритие кое стана хит на релевантна научна конференција а се работи за можноста бактерии од дебелото црево да си го наоѓаат патот до мозокот и таму да се населат за озбилно. Ќе ви ја раскажеме ние приказната поштено, ама нема да се отргнете од впечатокот дека вакви патешествија веќе имате видено во многу „успешни“ деловно-политички транзициски приказни во Македонија и Балканот.  

Останувајќи на својот (здрав) став содржински да не коментираат твитови на Трамп француската влада по повод последната тирада на американскиот претседател, само порача дека Трамп нема „основна пристојност“.

Како што започнаа, веќе традиционалните, есенски пожари низ Калифорнија така тамошните власти препорачаа граѓаните да почнат да користат N95 маски (бројката означува дека филтрираат најмалку 95% од честичките). Како што народ почнаа да слуша препораки, така аптеките низ големите градови останаа без ниту една маска.

Може не врши никаква работа во моментот, но за сета онаа американска воена армада испратена на гранциата со Мексико ова ќе дојде како добра вежба во случај Мексико некогаш да реши да нападне, барем така изгелда стратегијата во главата на американскиот министер за одбрана Џејмс Матис.