Вести › Набрзинка

Родителите на судијата Ристов со земјоделие и плетење го полнеле ѕидот

8 октомври 2026

„Нема шанса“, одговори Здравко Ристов, татко на судијата Ѓоко Ристов, откако обвинителката го соочи со резултатите од вештачењето, според кои на пронајдените пари не биле пронајдени биолошки траги од него или од неговата сопруга.
Постариот Ристов тврди дека парите пронајдени во семејната куќа во Неготино се негова и заштеда на сопругата, создадена со повеќедецениска земјоделска работа.
Мајката на судијата, пак, рекла дека мажот печалел пари но и таа плетела, и до два-три часот по полноќ.
Обвинителката Искра Хаџи Василева изјави дека сведочењата на неговите родители не се поткрепени со останатите материјални и други обезбедени докази.
„Маргината на веродостојност и емоции е јасна – станува збор за родители и дете“, рекла таа.
Одбраната на апелациониот судија за сведок го повика и кримтехничарот кој вршел увид и според неговото сведочење, не бил доследно спроведуван протоколот за вакви случаи, што одбраната ќе го искористи за да го убеди судот дека билошките докази од лице место се компромитирани.

извор

Инклузивноста им го украде Божиќ на деца во Шкотска

8 октомври 2026

Основно училиште во Шкотска ги преименува традиционалните божиќни честитки што ги изработуваат децата во „зимски честитки“, согласно национална иницијатива за инклузивност.
На децата им се остава можност да ги нарекуваат честитките „божиќни“ само по сопствена желба, иако тоа не е официјалното име.
Во идеолошката насока до наставниците од училиштето „Кејмхил“ во Абердин се истакнува дека на овој начин се изразува „вреднување и почит кон различните култури, верувања и традиции“.
„Божиќ не е забранет збор. Родителите и наставниците треба да се погрижат да не биде истиснат од секојдневниот училишен живот. Ваквите одлуки многу повеќе поттикнуваат поделби отколку што ги обединуваат луѓето“, забележа Анџела Рос, пратеничка во шкотскиот парламент.

извор

САД воведуваат високи такси за вработување странски студенти

8 октомври 2026

Министерството за внатрешна безбедност на САД побара воведување такса од 70.000 долари за фирмите што сакаат да ангажираат странски студенти на работа. Тоа е само за првичното одобрување на „опционалната практична обука“. За секое продолжување би се наплаќало по уште 30.000 долари.
Мерката се однесува на студенти со виза F-1, која им овозможува да работат со скратено работно време додека студираат и со полно работно време одреден период по дипломирањето, по цена од околу 500 долари.
За да учествуваат, студентите мора да работат во област што е директно поврзана со нивната насока, да добијат препорака од овластен претставник на образовната институција и да обезбедат дозвола за работа од Службата за државјанство и имиграција.
Министерството тврди дека програмата се претворила во шема за ангажирање евтина работна сила, со пријавување лажни работни места и со системи од типот „плати за да останеш“. ICE пријавило повеќе од 10.000 случаи на измама.

извор