Да повториме, на Фејсбук му е повеќе од доволно само да ја имате инсталирано неговата апликација (без ниту еднаш да ја отворите или пак да се логирате) за да може да ве следи што правите (ако немате Фејсбук апликација на телефонот, а имате Инстаграм или Вотсап, исто ви се фаќа). Епл најде лек и за тоа во нешто што се вика „Транспарентност на следење“.

Турција и Кина се испофалија дека се поврзале железнички за карго превоз. Добро, не е тоа некоја амбициозна делница како меѓу Македонија и Бугарија. Ова нивното е само.8.693 километри.

Купувањето на десктоп и лаптоп компјутери е на нивоа кои не се видени уште од времето пред да се појави првиот смартфон, а производителите и понатаму барем неколку месеци ќе ги доцнат нарачките.

Првиот добитник на Оскар кој се вакцинираше против ковид-19 е Оливер Стоун а вакцината е руска. Филмаџијата ја прими Спутник чија латинска петка Русите ја гледаат како V за Victory (победа). Македонските здравствени власти, во склад со својата бахатост, јавашлук  и фушерај, не ни одговориле на понудата за евентуална набавка на таа вакцина.

Основи за започнување на истрага против Доналд Трамп ги има неброени (само Милер во својот извештај за Русија даде 10 примери кои можат да бидат толкувани како попречување на правдата), ама зад тие основи треба да застане некој со сериозна политичка моќ, а и волја.

Основачот на Али Баба во ноември требаше на берза да ја извади својата финансиска компанија АНТ груп, која од првичното продавање акции требаше да собере околу 35 милијарди долари. Ова не се случи исклучиво благодарејќи на кинеските власти.

Амазон ти ја гаси продавницата со тврдење дека продаваш фалсификати. За повторно да ја пушти бара фактури и детали околу производството на продуктот што го продаваш. По некое време продавницата повторно ти е активна, ама на платформата се појавува идентичен и поефтин производ продаван директно од Амазон.

Илон Маск му вртел на првиот човек на Епл, Тим Кук, и му ја понудил за продавање својата компанијата за електрични возила. Освен телефонскиот повик, Кук не сакал ништо повеќе да има со Маск на темата.

Да, де, и тие се луѓе и ние сме луѓе, и тука отприлика застануваат сите сличности меѓу нас и нив (па и остатокот од светот и нив).

Мнозинството од речиси 2.000 работници кои ја завршуваат ноќната смена во фабриката на Вистрон за производство на Ајфон во Нарсапура, на излегување почнаа да кршат низ канцелариите и погоните, а дел од нив палат и службени возила. За сега штетата се проценува на 7 милиони долари.

Се работи за пакет кој неколку месеци комплетно ја блокираше работата на Конгресот и кој на законодавците им беше испорачан на само неколку часа пред гласањето со сите свои речиси 5.600 страници. Како и да е, пројде, во 90-та минута.

Наградуваната серија подкасти „Калифат“ ја раскажува приказната на Шерорз Чодри, Канаѓанецот со пакистанско кој бил радикализиран он-лајн по што заминува во Сирија и се приклучува кон ИСИС каде станува егзекутор и убива затвореници во име на организацијата. Излезе дека Тајмс повеќе имал мерак да најде поранешен егзекутор, отколку што нашол поранешен егзекутор.

Концептот одлично функционира на хартија и теоретски стои на здрави темели, но во пракса колабира на секој чекор, освен во делот каде ти го трошиш своето време за сортирање на отпадот.

Соседите на Британија почнаа да се затвораат за патниците од островот, а на самиот остров е воведено ново повисоко ниво со построги мерки за изолација и дистанцирање за време на Божиќните празници, откако беше откриено дека таму се шири нова и позаразна варијанта на ковид-19.

Секој што од себе познати причини нема да сака да се вакцинира против ковид-19, би било поштено да се откаже и од користење интензивна нега (ако не дај боже затреба).

Знаете ли колку загадување прави една природна новогодишна елка, особено во случај да ја фрлите, а не горите? Добро е, ние сме со вештачка елка? А знаете ли дека вештачка е бетер?

Логиката е дека сточарството има значителен удел во загадувањето на Земјата, па заради тоа и порцијата кременадли пред тебе доаѓа со значителен еколошки товар, е па, не е баш така.

Дури и некој што гледа телевизија по пет-шест часови на ден пак ќе успее да заврши некоја работа како претседател, е воведот на веројатно првиот позитивен текст што Атлантик го има објавено за Трамп изминативе четири-пет години.

Посмртницата на едно 9 годишно девојче од Велика Британија е првиот таков документ во кој како причина за смртта се наведува загадениот воздух. Лондонскиот градоначалник Садик Кан смета дека ова треба да биде пресвртен момент отровниот воздух да почне да се третира како здравствена криза.

Компјутерските мрежи на голем број американски владини агенции и компании од приватниот сектор се инфилтрирани како дел од масовен сајбернапад кој според американските власти е изведен од руската организација Кози беар.

Екипа од НАСА, Харвард и AT&T направиле сериозен исчекор во потрагата по квантниот интернет, технологија од која се очекува на безброј начини да го револуционализира компјутерскиот свет.

Смртноста од ковид-19 меѓу лица со Даунов синдром е 10 пати поголема отколку кај останатите. Овој добро документиран факт мора да се земе предвид при правењето планови за групи кои ќе бидат вклучени во раната имунизација.

Труењето на Алексеј Навални да беше дело на руските тајни служби, тој немаше да остане жив како што е во моментов, изјавил рускиот претседател во врска со целата афера.

Париз го прекршил законот за родова рамноправност, меѓутоа овој пат на штета на мажите, бидејќи претерале со вработување жени на високи функции во градот.