Аранжманот на седење беше во согласност со барањата на Унијата, е одговорот на турското министерство за надворешни работи за скандалот со седнувањето на Фон дер Лejен на страна „додека мажите разговараа“.

Поранешниот американски олимписки шампион, а по ново еден од најпрепознатливите ликови на трансродовото движење, Кејтлин Џенер, како советник го ангажираше поранешниот главен менаџер на претседателската кампања на Трамп, Бред Парскале.

Тазе студија од почетокот на април вели дека за билдање на силен имунолошки одговор битно е двапати да се дојде во контакт со непријателот - вака или онака.

Единствената жена лидер која присуствуваше на состанокот меѓу ЕУ и Турција, на кој меѓу другото требаше да се разговара за правата на жените, заврши без столче меѓу лидерите.

Заради еден од најлошите биланси во справувањето со ковид-19 на барање на премиерот на Чешка беше сменет тамошниот министер за здравство, кого го назначи во октомври минатата година.

Американска непрофитна организација која влегува во незгодни теми како што е ГМО и потеклото на коронавирусот, осети како одеднаш може да се стане невидлив, односно закопан во длабочините на интернетот. Класична кафкијанска ситуација, само што денес зад неа не стои државната бирократија туку алгоритмите.

Кај секој трет преживеан од тежок ковид е дијагностицирано психијатриско или невролошко заболување во рок од шест месеци по заразувањето.

Денеска е шести април 2021 година, точно една година откако Светската здравствена организација објави битно глобално упатство во врска со маските - дека не треба да носат здрави луѓе. Чисто да го одбележиме јубилејот на оваа сулуда година во која авторитети и инстанци на кои рационално им верувавме ни направија толку слаломи, што денес, искрено, и на најглупите антиваксери не можеш да им замераш.

Првата јавно објавена цел на Бајден околу ковид-19 беше САД да стигнат до 1 милион вакцинирања на ден. Сега се стигнати до 3 милиони. Следната цел им е 4 милиони.

Пратка од 700.000 Фајзер вакцини која во неделата требаше да стигне во Израел е одложена на неодредено време. Во случајов неодредено време е колку и да му е потребно на Израел да плати фактура.

Рускиот претседател го потпиша законот за „ресетирање“ мандати кој ќе му дозволи уште два пати да се кандидира за претседател на Русија, со што потенцијално би бил на власт до 2036.

Американската министерка за финансии, Џенет Јелен, предлага воведување на глобален минимален корпоративен данок како САД би можеле да наплатат некоја пара од своите корпорации за финансирање на претстојните огромни расходи.

Париското јавно обвинителство започна истрага околу сведоштвата објавени од медиумите на луѓе кои тврдат „дека јаделе во два или три тајни ресторани со одреден број на министри“.

Како нација позната по својата неподнослива пракса на пладневна сиеста, Шпанците размислуваат за следно ниво на душевадништво на својот работен народ - работна недела од 4 дена.

Студиото зад мобилната верзија на „Call of Duty“ и „Honor of Kings“, 2020 ја завршило со приходи од 10 милијарди долари.

„Либерали, уозбилете се, не може ама баш за сè околу нас да се виновни „десничарските дезинформации“, порачува во Гардијан еден американски историчар кој забележува дека во прогресивните кругови денес владее уплав што постои „немодериран“ свет во кој виреат мисли надвор од нивниот замислен консензус.

Првиот дел од насловот е за целиот народ на Либан, „ама“ е за политичарите и владетелите на земјата, кои успеаа да ја дотераат до дереџето во кое се наоѓа.

Чедомир Јовановиќ открива дека уште на денес покоен Ѓинѓиќ, од највисоки можни европски инстанци му било предочено кои се посакуваните граници на ЕУ: оние на Австроунгарската монархија плус фронтот кон Русија. Со тоа што, после Бугарија успеа да им се прошверца и затоа се денес вакви какви што се.  

Планот што го разгледуваат во Амазон е да отворат „аутлети“ во кои ќе ја продаваат комплетната стара залиха на непродадена бела техника и останати производи по уште поголем попуст.

Сегашните статистики откриваат две прилично трауматични бројки за мажите: прво, дека просечната големина на пенисот константно се намалува во изминативе децении, и второ, истото се случува и со бројот на сперматозоиди. И за сето ова е виновен тестостеронот, односно недостаток на истиот.

Иако тешко ќе најдете постар читател на овој сајт кој нема некоја лична хорор приказна за тоа како неговата омилена касета била изџвакана од некој касетофон, или пак таков кој е полн себе што „младиве денес“ појма немаат како касетите биле мотани со молив, ова инфериорно но слатко чудо навистина се враќа на сцената.

Ако губењето на осетот за мирис и вкус беше симптом за заразеност од коронавирус, новодетектиран симптом при оздравување од болеста е уште побизарен: осетот се враќа, ама, раштиман.  

Како што Трамп не можеше да ги мине првите сто дена на раат без од него да побараат да поднесе оставка, таков таксират во првите сто дена на Бајден ги снајде волчјаците на американскиот претседател.

Фабриката која требаше да произведе десетици милиони дози од Џонсон и Џонсон, што беа важен дел од планот на Бајден за вакцинирање на земјата, сега треба комплетно да престане со производство додека властите не ја истражат грешката.