Како да не му беа доволни напумпаните контроверзи за анти-семитизам и што ли беше уште, Оскаровецот направи нешто што Холивуд и идеолошки униформната елита која царува со тој бизнис тешко дека ќе му заборават и простат. Елем, го поздрави Трамп (му салутираше, чоече!) на еден настан од УФЦ. „Нека гори во пеколот неговата мртва кариера!“ инстинктивно проколнаа канселирачките одреди на либтардите.  

Секој што јавно те уверува и тврди дека е здраво или не е проблем тоа што си 30, 40, 50 кила потежок од тоа што треба, е идиот. Претерана килажа без никакво двоумење е фактор кој сериозно го влошува здравјето и ја зголемува веројатноста од смрт. И точка.

Владата на Австралија сака да ја крене свесноста околу вакцинирањето со реклама со млада девојка врзана на машина за кислород која се бори да земе здив, и тоа е баш како не треба.

Убер богатите досега купуваа приватни острови, авиони и подземни бункери. Сега сакаат да ни покажат дека им се може уште нешто - да ја напуштат планетава.  

Намерата на словенечката влада беше во име на инвестиции, напредок и луѓе без чувство за повисоки вредности да ја скрати сеопфатната заштита што ја имаат сите водни површини во земјата (заштитени со устав како национално богатство) и да дозволи повеќе градење покрај вода.

Ранчови, вили, куќи и слични недвижности запленети од наркобосовите завршија во списокот на награди кои ќе се делат на лотаријата организирана од мексиканската влада.

Човечки е од пратениците да се очекува исто ниво на пристојност во пратеничките клупи како што се очекува од првоодделенец во ученичка клупа, на пример, да не зјапаат/скролаат во телефон додека во тек е парламентарна седница.

Случајот е од март а жената е од Белгија и не ја преживува болеста, и оди болница не заради ковид-19 туку затоа што дента паднала.

Со децении мазно ќе одбиваш дури и да ги слушаш блесавите муабети дека мобилните телефони зрачат и дека од нив може да се добие рак или штотијазнам. И еден ден, ќе ти стигне токму таква вест од истражување на Беркли. Ој животе, не баш бенигна заебанцио.

Додека светот се убедува народ воопшто да почне да се вакцинира, Бионтек/Фајзер излегоа со нова студија според која лицата што примиле и трета доза од нивната вакцина имаат 5 до 10 пати повеќе антитела отколку овие со две дози.

Во успешна акција на грчката полиција двајца Албанци се уапсени во Солун заради поседување посериозна количина кокаин. Во уште поуспешна анализа на грчкото обвинителство, истите двајца се ослободени.

Земјата со месеци е во хаос што заради протести, што заради немање основна власт, а сето тоа значително помогнато од земјотресот во 2010 кој речиси го срамни со земја Хаити. Вчера по 2-часовна битка пред претседателската резиденција беше убиен и претседателот на земјата.

Во 2009 пар патики од соработката меѓу Луи Витон и Канје Вест во регуларна продажба чинеа 960 долари. Нешто повеќе од десет години подоцна, истиот овој пар се продава за 10.000 долари.

Земјата која од почетокот на пандемијата е светски лидер во вакцинирање моментално бележи неочекуван раст на бројот на нови случаи на ковид-19.

Ковид пандемијата испретумба многу состојби и позиции во светов, но сепак остануваат некои фиксови. Еден од нив е дека Македонија не ја бива. Ама па, ако Заев ишмиргла уште некој споменик за бугарскиот фашистички окупатор, можеби конечно ќе тргнеме напред?

Кога приватни интернет платформи користат владини упатства при одлучувањето кои содржини да ги отстранат од социјалните мрежи, дали сепак се работи за државна цензура?

Што беше поентата на целото уништување, убивање и мизерија која ни ја донесоа? Тоа ги праша новинарите на Ројтерс еден механичар од авганистанскиот град Баграм. „Поарно ќе беше ич да не дојдоа.“ 

Надлежените здравствени власти во Израел утврдиле дека на вакцината Фајзер, која генерално останува високо ефикасна во спречување на жестоки облици на ковид, ефикасноста значајно ѝ опаѓа кога е во прашање делта-сојот на коронавирусот.

Француската винска сцена е на нозе откако во Русија стапи на сила закон по кој Французите мора да објаснат дека Шампањот е пенливо вино. Истовремено, руските производители на пенливо вино можат самостојно да го користат називот „шампањско“.

Запознајте се со малиот белгиско -холандски вундеркинд кој заврши средно за година ипол а факултет за една година. Помлад од него беше еден Американец ама тој подоцна заврши по квизови. Ова дете е нешто поамбициозно. 

Богата и моќна пивара почна да навигира низ нашите сонови за да ги насочи кон идејата дека ни се пие пиво. Се отвора една многу зезната пандорина кутија, предупредуваат научниците и бараат ограничувања за ваквата таргетирана инкубација на сонови.

Подгответе се да паднете на газ од изненадување, затоа што гарантирам дека никогаш не сте сонувале дека следната реченица може да излезе од моето перо. Еве ја реченицата: таканаречената висока, светска и сл. политиката е повеќекратно поподмолна и повалкана од српската, иако вторава се смета за шампион на Европа.

Капитализмот и порано претрпувал суштински трансформации, но ова е нешто подлабоко и загрижувачко. Сите ние доброволно и бесплатно работиме за приватните пашалуци наречени Фејсбук, Амазон и Гугл.

Претераната и рестриктивна регулатива на Брисел се смета за сериозна кочница поради која ЕУ го губи чекорот во динамичните економски сектори. Доволно јасен сигнал е што за кафе пиење, светот го освои американски Старбакс а не некој од Италија, татковината на еспресото или што во електрични коли води Тесла а не некој Германец. А греота е и што Мекдоналдс, а не Лесковац или Прилеп, е симбол за плескавица.