Бадијалџиски фанови на филмскиот божиќен класик „Сам дома“ долго време мозгааат како може едно скромно семејство како Мекалистер да си дозволи не само онолку голема куќа туку и патување за Париз за 8 члена. Одговорот цело време да ни бил пред нос.  

Од канадските камионџии до холандските фармери, 2022 беше година во која на луѓето им дојде преку глава од светот кој им го наметнуваат оние кои, од зад тастатура, се згрозуваат од сè што е реално а во суштина им овозможува бескрајно да мудруваат околу личните заменки. За многу години нека е.

Депресивните етапи, иако со различен интензитет и во различен број репризи, се периоди од кои никој не е поштеден. 30 до 50% од нас барем еднаш ги исполниле дијагностичките критериуми за депресија. Ако веќе страдањето е непроменлив дел од равенката, паметно е да се откажеме од идејата дека ќе го нема. 

Расте бројот на Американците кои живеат сами, но истовремено се во брачна врска со некого. Така решиле, така им одговара. Причините можат да бидат разни но главни иницијатори за живеење одвоено се жените, што мажите ги потсетува на стихот „правих се речи увек касно сетим.“  

Во Хајделберг правеле аутопсија на луѓе кои ненадејно починале од срце. Заедничко за сите е што претходно немале срцеви проблеми, и тоа што кратко пред смртта примиле мРНК вакцина против ковид. 

Украина може треба да и заблагодари на Германија што не и прати тенкови, откако од 18 тенкови ангажирани за една воена вежба во Германија сите 18 биле „капут“.

Мртвото море со децении е систематски уништувано. Секоја година е пониско за еден метар, и во моментов неговата површина е само една третина од некогашната. Постојат решенија за спас, но со оглед на тоа што ништо не се презема, се чини дека решиле навистина да го умрат.

Русија и Иран веќе работат на нова интерконтинентална трговска рута која почнува од крајниот ќош на истокот на Европа (Каспиското море), а завршува во Индискиот океан, некои си 3.000 километри, и нема да може да биде контролирана од меѓународни санкции.

Осло толку драстично го поскапе полнењето на електрични возила на градските полначи, што сега тоа може да биде и двојно поскапо отколку полнење резервоар со фосилно гориво. Штета, бидејќи електричните возила за првпат станаа попопуларни и меѓу норвешката сиромаштија, ако постои таква. 

На пазарот се присутни доста модели на робот-правосмукалки кои во себе имаат вградено камери, што е ок смисалица која им помага во навигацијата низ домот. Малку непријатно станува кога на интернет ќе видите слики од вас во домашното веце, па ќе ви текне кој од домашните има „жабја перспектива“.

Прехрамбениот гигант Монделез, оние кои прават чоколадите Тоблероне и колачињата Орео, решија да продадат само една гранка од својот бизнис, онаа за мастики за џвакање, во која имаат брендови како Тридент и Дентин. На таа основа укнижија една милијарда и 350 милиони долари.

Пет децении од ремек-делото на Лу Рид, Трансформер, албум што е поактуелен од кога било. Остана запишан како еден од најзначајните придонеси на рокенролот кон општата култура, затоа што за првпат некој проговори за драмата на сексуалниот идентитет низ поезија.  

Иако ниту еден од западните политичари што првично ја обвинија Русија за експлозијата ја нема повлечено својата изјава, се повеќе западни функционери сега се сомневаат дека Кремљ е одговорен за експлозијата, пишува Вашингтон пост.

Врховниот суд на Шведска одлучи дека нема да ја дозволи екстрадицијата на маж кој Турција го бара под обвинение дека бил дел од обидот за пуч против Ердоган, а чија испорака е на листата задачи што Шведска треба да ги заврши ако сака да влезе во НАТО.

Последните епизоди од скандалозната серија „Фајловите на Твитер“ обелоденети преку новинарите Мат Таиби, Бери Вејс и Мајкл Шаленбергер, го отсликуваат Твитер како филијала на ФБИ. Бирото не само што редовно им давала домашни задачи туку била спремна за валканата работа и милиони да плати.

Еден од неодамнешните крстозбори на Тајмс имаше почетна графика која неодоливо потсетува на најпознатиот нацистички симбол. За да биде симболиката поголема, крстозборот е објавен не првиот ден од големиот еврејски празник Ханука.

Американски сенатор пушти предлог закон чија главна намера е да се редефинира што точно се смета за „непристојна содржина“, а потоа и што да се прави со истата.

По сите трендови, ИТ индустријата моментално ја зафати и најболниот - штедење, па вработените на Фејсбук веќе нема да можат да се перат на работа, укинати им се и 200-те долари за превоз, Илон што стигна скрати во Твитер, а Гугл во иднина ќе бара службените патувања да бидат службени.

Првата светска војна беше културолошко самоубиство што ја уништи европската еминентност. Европските лидери заспани влегоа - како што ќе каже историчарот Кристофер Кларк - во конфликт во кој никој од нив немаше да влезе ако можеа да го видат крајот на војната во 1918.

На 26-годишен Русин на сон му дошло дека како војник ја предал руската армија, во која не е ни мобилизиран, за потоа на јаве да му дојде да го сподели својот сон на социјалните мрежи.

Не се работи за следните месеци или за следната година, ама Кина ја подготвува својата војска за започнување војна до 2027, тврди актуелниот директор на ЦИА, Вилијам Бурнс.

Најлошото околу финансиското страдање на Унијата заради цените на енергенсите е што тоа е само почеток на најголемата криза што се случила во последните децении, пишува Блумберг.

Луѓето од 16 до 24 години, таканаречените зумери, според новите истражувања, се најосамената генерација досега. Пандемијата и зголемата цена на живеачката дополнително ги нагазија. Не дека нема чаре, само за тоа треба да се излезе од дома, или некој да ти дојде таму. 

Кога почна агресијата ние почнавме само да го спроведуваме она што го знаевме, уште од 2014, и искуството и вештините што ги научивме од тогаш. А најважното искуство што го имавме и она што го практикуваме како религија е дека Русите и секој друг непријател мора да биде убиен, само убиен, и уште поважно не треба да се плашиме да го правиме тоа, порачува првиот човек на украинските воени сили Валери Залужни во интервјуто за британски Економист.