Брега секогаш бил пред времето. Горниот стих на Бијело дугме од 1983 година (од албумот Успаванка за Радмилу М.), во 2022 година добива научна верификација. Вегетаријанци се двојно подепресивни луѓе отколку оние што јадат месо.

Обединетите Арапски Емирати му гарантираат на Шолц и германската економија испорака на еден танкер течен гас, вкупно. Може ќе има и други, ама може и не.

Вредноста на акциите и обврзниците на британските берзи вкупно се во минус од најмалку 500 милијарди долари откако Лиз Трус стана премиерка на Британија, додека фунтата дојде на чекор од историско изедначување со вредноста на доларот.

Трет ден како новата премиерка на Италија, Џорџа Мелони, од говорници го дрма Стариот континент. На ред дојде Емануел Макрон, добриот човек кој ни се обрати за референдумот да си го смениме името, а после ни го зачука првото вето.

За поранешниот министер за одбрана на Полска, Радек Сикорски, нема дилема кој стои зад саботажата на Северен тек. Варшава се огради од ова непријатно адресирање, но, не беше толку одамна кога Бајден се закани дека „Ако Германија, пардон Русија“ (стариот ништо од прва не може да убоде) влезе во Украина, ние ќе му ставиме крај на Северен тек.

Уште пред гласањето во Италија луѓе прво дознаа дека потенцијалната идна премиерка на земјата е фашист, пред воопшто да разберат како се вика, а не па да чујат што има да каже, и тоа едноставно е погрешно, барем според нејзиниот најголем противник Матео Рензи.

Не само што вработените сметаат дека се вишок на една третина од состаноците на кои ги викаат, туку на непотребно дремење на состаноци големите компании фрлаат и до 100 милиони долари годишно, пари кои ниту ја зголемуваат продуктивноста, ниту работата што е завршена.

Иако на Северна Америка и Европа отпаѓаат 57% од вкупното богатство на домаќинствата во светот, сам на сам Европа ја губи својата позиција од Кина во рангирањето на богатството на своите возрасни жители.

Поранешниот вработен на американската НСА и уште малку 1-децениски бегалец, по неполни десет години азил во Русија вчера и официјално доби руско државјанство со декрет на рускиот претседател.

Победата на италијанската десница и 45 годишната Џорџа Мелони допрва ќе покрене цунами од текстови и анализи на тема што тоа ќе значи за Италија, за македонските евро-интеграции, судбината на Моноспитово... Пред да се изначитаме ваква била- таква била, да слушнеме од прва рака за што се залага Мелони.

Знаеш дека има некој проблем со мобилизацијата во Русија кога главната уредничка на РТ јавно ќе порача дека надлежните претерале колку се неспособни.

Во серија од неверојатни случки најдобриот шахист на денешницата, Магнус Карлсен, беше поразен од најслабо рангиран играч на турнир, по што за прв пат во кариера се повлече од еден куп. Пред некој ден, исто за прв пат во кариера, стана од маса по еден направен потег. И ова може да има врска со анални вибратори.

Таман електричните возила на многумина им се видоа како посакувана алтернатива со оваа - крај нема - цена на горивата, пазарот дига рачна. Цената на литиумот оди бестрага што ќе ја дигне цената на батериите а тоа ќе ја дигне и цената на електричните коли. А не е ни на плин да ги пребациш.

Нема ништо обединето околу пристапот што го имаат членките на Европската Унија во обезбедување гас за зимава, ниту околу нивната подготвеност да си помогнат едни на други, што според првиот човек на Меѓународната агенција за енергетика е директна закана за најосновната обединетост на Унијата.

За време на војната, руски и украински преговарачи тајно се состанале и некако скицирале решение за ставање крај на војната. Само што Бајден не бил задоволен а Борис Џонсон подоцна му објаснил на Зеленски: Дури и Украина да е подготвена за некои гаранции за Путин, Западот не е.

Еве, рокнала. А веќе имате пуштено бојлер и глупо ви е со немиена коса да се појавите на куќен совет на кој ќе се утврдува кој е крив што подрумот, пред многу години, е издаден на некои приватњаци кои никој не ги знае. Додека под туш го конципирате својот настап на состанокот, знајте го и ова.

Човек се залепил за банка за да протестира против некој нафтовод. Судот го репнал стандардно; малку условно, малку општествено корисна работа, но во случајов додал и нешто вонстандардно - кога излегува надвор од дома, да не смее со себе да носи лепак.

Популарниот стрип „Дилберт“ попи отказ од речиси 80 весници, откако неговиот автор Скот Адамс реши малку да ги ремети будните и коректните. Уфрли црнец кој се претставува како белец. Во црно-белиот свет на прогресивните, не може тоа така.

Кина со децении беше главниот глобален виновник за лошите параметри на климата затоа што за својот задоцнет економски бум го користеше истото она на што се темелеше некогашната индустриска револуција на Запад -  јаглен и фосилни горива. Енергетската криза го поремети овој црно-бел кастинг.

На 22 септември 2022 година, заедничката европска валута го допре дното и достигна историски низок рекорд во однос на доларот во изминативе две децении. Едно евро денес вреди 0.981 долар. Ломови има и кај други валути, освен кај доларот и рубљата. Ви текнува?

Иранските девојки и жени се на фронтот на протестите против исламската република по смртта на една млада девојка која беше однесена во притвор од моралната/верска полиција, затоа што не носела мушама на глава. Се горат хиџаби, но и се гине.

Знаете како функционираат српските реални шоу на Жељко Митровиќ и Миломир Мариќ: ќе  напикаат битанги и дрољи во ист простор и онда глуп народ ќе се ѕвери во тие нивни кавги, тепачки, ебења и други „содржини“. Америка е понапредна: ај сите да се снимаме. Како „Најсмешни видео инсерти,“ само што сега и полицијата има увид во сето тоа.

На Украина ѝ треба стакло. Ѝ треба многу стакло и очајно брзо. Не се работи за стаклото како сировина за некое тајно оружје против Русите. Се работи за тоа што доаѓа зима а многу прозорци се искршени во битките и експлозиите. Да ја имаат Марија Антоанета, би рекла: Ако немаат џамови, нека ставаат кепенци.

После првиот Топ Ган, Том Круз рече дека би било неодговорно да снима продолжетоци на тој филм, за младите да не помислат дека во реалноста е како на филм. Три децении подоцна, Том Круз сними - Топ Ган. Пентагон повторно великодушно дочека продолжение на еден филм кој минатиот пат им го зголеми бројот на регрути за 500%.