Откако пропаднаа предупредувањата дека глобалното затоплување ќе ги крене морињата неколку метри и ќе се поплави половина свет, загрижените климатски научници го сменија наративот. Во ново апокалиптично сценарио се предупредува дека главната струја во Атлантикот би можела да колабира до крајот на векот, со што температурите низ Европа ќе паднат за 60 степени. 

Алатките со ВИ нè посомневаа да не веруваме во она што го гледаме со своите очи, но уште помалку можеме да им веруваме на ушите. Дури 97% од илјадници луѓе во глобална студија не препознале дали некоја песна е создадена од човек или е генерирана од машина. Платформата Дизер секој ден добива по 50.000 вештачки песни, а за Спотифај не се знае, зашто не ги обележува.

Огромните информатички центри за складирање и обработка на податоци веќе се главниот двигател на глобалната економија. Во нив само во текот на оваа година биле вложени 580 милијарди долари, повеќе отколку за експлоатирањето нафта. Голем дел од парите се за обнова на енергетската инфраструктура, бидејќи центрите ќе цицаат струја како незаситни ламји.

Сексуалниот злотвор Џефри Епстин имал глобална мрежа на контакти за политички влијанија, покажуваат илјадниците документи објавени од демократски конгресмени. На пример, на Кремљ му нудел детали за „разбирање“ на Трамп. Ќе забележат ли демократите дека со најновата афера за Трамп всушност го амнестираат од нивната претходна голема афера за наводната руска врска?

Германски банки без никакво објаснување, повикувајќи се на „банкарска тајност“ ги затвораат сметките на Алтернатива за Германија, најголемата опозициска партија во земјата. Лидерите на АфД тврдат дека се жртви на финансиско оружје што се користи за политички отстрел на сите што се противат на нелегалната имиграција и се борат за одбрана на традиционалните вредности.

Татковината на една од најдебелите нации во светот планира да не им дава визи на дебели странци. Некој во Вашингтон заклучил дека нивните дебели веќе го преоптовариле здравствениот систем, па уште странци им требаат. Заострен е критериумот за апликанти за визи со разни други болести, а пензионерите ќе мора да докажат дека самите ќе можат да се издржуваат.

Учењето странски јазици помага за спречување на когинитивниот пад, го освежува мозокот и го намалува ризикот од развој на деменција, покажува нова студија спроведена врз повеќе од 80.000 луѓе. Луѓето што зборуваат други јазици покрај мајчиниот имаат двојно помал ризик да покажат знаци на забрзано биолошко стареење. Ефектот се засилува со секој научен јазик.

Европската комисија тајно спроведува темелна реформа на својата регулатива за заштита на податоци, загрозувајќи го фундаменталното право на приватност на граѓаните. Ја укинува заштитата на корисниците со псевдоними, дозволува користење чувствителни информации за хранење на ВИ и овозможува пристап до податоци од телефони без согласност од корисниците.

Близок соработник на Зеленски е обвинет дека управувал со корупциска шема со која на енергетскиот систем му направила штета од 100 милиони долари во време на војна, кога Украина нема струја. Истрагата ја спроведоа антикорупциските агенции што Зеленски во јули настојуваше да ги стави под своја контрола, но се откажа по масовните протести низ земјата.

Обвинителите во Милано отворија истрага за богати Италијанци кои плаќале големи суми пари за да учествуваат во масакрот на жителите на опколено Сараево за време на војната. Војската на босанските Срби ги распоредувала „снајперските туристи“ на ридовите околу градот и им давала оружје за да пукаат во сараевчани. Немале политички мотиви. Убивале од задоволство.

Германски истражители по темелна истрага обезбедиле цврсти докази кој стои зад разнесувањето на цевководите Северен тек на дното на Балтичко Море - елитна украинска воена единица под директен надзор на поранешниот врховен командант, генералот Залужни. Судската разврска може да ги разгори политичките тензии во Берлин и да ја ослаби европската поддршка за Киев.

Максимата на Лаки Топаловиќ „Сè може да пропадне, само смртта е сигурен бизнис“, е мотивот и на новата технологија на „дигитално воскреснување“ на покојници, ако ужалените се спремни да платат за средби со блиските што ги изгубиле. Од снимки и пораки ВИ создава аватар што по изразувањето и бојата на гласот ќе звучи исто како покојникот додека бил жив.

Вакцината на Фајзер против ковид брзо и интензивно го зголемува ризикот од срцеви проблеми кај деца веднаш по имунизацијата. Но, ако вакцинираните деца ја издржат првата недела без проблеми, тие по неколку месеци имаат помал ризик за воспаление на срцето отколку нивните врсници што биле заразени од ковид, покажува досега најобемното истражување за овој проблем.

Откако неспремна навлезе во нова Студена војна, ЕУ планира да формира сопствена централна разузнавачка агенција. Но, малку е веројатно дека сомничавите Французи или Германци ќе се согласат да споделуваат шпиони и чувствителни информации со Центарот во Брисел, кој би бил под директно раководство на претседателката на Европската комисија Урсула фон дер Лајен.

Абу Мохамад ал Џулани беше командант од Ал каеда, која ги спроведе терористичките напади врз САД на 11 септември. Истиот тој, иако со друго име и стокмен во костум, вчера со почести беше примен во Овалната соба и вети дека ќе им биде сојузник на САД во борбата против тероризмот. Оваа трансформација мора да има своја цена.

Европската Унија ја спроведува најсеопфатната реконструкција на својот монетарен систем од воведувањето на еврото во 1999 година. Целта е борба против перењето пари од 700 милијарди евра годишно. Забраната за плаќања над 10.000 евра во кеш, идентификацијата при трансфери со криптовалути и дигиталното евро може да ја елиминираат финансиската приватност.

Дури 86% од позитивните случаи потврдени со PCR тестирање во раниот период од пандемијата всушност не биле инфекции со САРС-КоВ-2, покажува нова германска студија. Тоа значи дека поголемиот процент од населението не било болно, а податоците од тестирањата биле користени за оправдување на карантинот, создавање страв и спроведување задолжителна вакцинација.

Оставките на директорот и главната уредничка се првиот чекор на ББЦ во тешкиот процес повторно да ја освои довербата од јавноста, која ја изгуби со долгогодишното пристрасно известување и криење на одговорноста. Најави ревизии на своите политики на ширење лаги за климатските промени и за војната во Газа. Инаку, зошто некој би плаќал лиценца од 180 фунти?

Шпанскиот премиер Педро Санчез цврсто ја брани својата одлука да се спротивстави на зголемувањето на трошоците за одбрана 5% од БДП, како што американскиот претседател Доналд Трамп побара од сите членки на НАТО. Санчез е убеден дека иднината на Европа не треба да се базира на милитаризација, туку на единство и почитување на меѓународното право.

Во битката за пристап до ретки минерали за новите технологии, САД тивко ја престигнаа Кина како најголем странски директен инвеститор во Африка, првпат по повеќе од една деценија. САД во 2023 година вложиле 7,8 милијарди долари низ Африка, а Кина 4 милијарди. Конкуренцијата се зголемува. За африканското богатство се заинтересирани и Бразил, Индија и Јапонија.

Индустријата на вештачка интелигенција не може да оствари профит освен ако не ги укине работните места за луѓето, предупредува човекот што е најзаслужен за создавањето на ВИ. Инвеститорите што вложуваат вртоглави суми во развојот на технологијата не го прават тоа за доброто на човештвото, туку очекуваат оплодување на парите. 

Научници од МИТ создадоа микроскопски чипови кои можат да се инјектираат во крвотокот и сами да го најдат патот до мозокот. Обложени се со живи клетки за да го измамат имунитетот. Се врзуваат за мозочното ткиво без хируршки рез и можат да се активираат безжично да стимулираат неврони, заради третман на тумори, Алцхајмерова болест или мултиплекс склероза.

Слично на нехуманите услови во кои Хамас ги чуваше грабнатите Израелци, и Израел држи десетици Палестинци од Газа изолирани во подземен затвор каде што никогаш не гледаат дневна светлина, лишени се од медицинска нега и здрава храна и не добиваат вести за своите семејства или за надворешниот свет, тврдат адвокати на двајца притворени цивили. 

Поранешната советска република Естонија технолошки престигна многу од нејзините партнери во новото европско семејство. Ја демонтираше гломазната бирократска структура, целосно ја префрли онлајн и ја направи поштедлива за буџетот и поефикасна за граѓаните. Естонија денес е дом на стартапи, луѓето гласаат од мобилен телефон, а учениците се охрабрени да користат ВИ.