Компанијата чиј основен бизнис е кабелски оператор, и веќе е сопственик на Енбиси Универзал, за 3,8 милијарди долари под свое го стави Дримворкс анимејшн, студиото зад Шрек, Мадагаскар и Кунг фу панда.

Повеќето луѓе не чуле за него. Но би требало да го знаете. Кога ќе му го видите лицето, или ќе му го чуете името, би требало да ви се слоши.

По бројки од 16 амбасади и конзулати на ЕУ држави во Лондон, во последниве два месеца зголемен е бројот на апликации за пасоши и прашања од британски граѓани за жителство во Унијата.

Од петокот Ница и официјално се придружи кон сè поголемиот список на француски градови што го забрануваат носењето буркини (бурка-бикини) на своите плажи. Како што се шири списокот на забрани, така се шири и дебатата.

Со 4 и нешто милиони долари, судот великодушно ги награди адвокатите што се изборија најпопуларната роденденска песна да биде слободна за пеење без страв дека некој може да тужи за авторски права.

Откако му остана должен на Хулк Хоган 140 милиони долари, сајтот Гавкер спасот го бараше во прогласување банкрот, по што следуваше лицитација. Гавкер медиа беше купен за 135 милиони долари, меѓутоа новиот сопственик одлучи дека носечкиот сајт, Gawker.com, ќе биде затворен.

За првпат по Студената војна, Германија ќе побара од своите граѓани при рака да имаат 10 дневни залихи за недајбоже.

По неуспешниот пуч од 15 јули во Турција и понатаму е напнато, додека владата на претседателот Реџеп Таип Ердоган најголемиот дел од својот гнев го фокусира на протераниот имам Фејтула Ѓулен и прогонот на ѓуленистите. Може ли оваа реакција да има контраефект?

Комкаст, сопствениците на Енбиси, за 12 милијарди долари ги купија ексклузивните права за пренос на Олимпијадата во САД до 2032. Најголемата мана на овој план е што речиси никој не знае што ќе се случува со телевизијата како медиум до 2032.

Благодарејќи на златниот олимписки медал на тенисерката Моника Пуиг, имавме прилика да ја чуеме химната на Порторико. Химните знаат да бидат помпезни, воинствени или моќни. Нашата е породилна (иако сонцето на слободата никако да се породи). Порториканскава е чиста лирика.

Во Масачусетс кандидатите за вработување нема да мораат да ја откриваат својата претходна плата, што досега беше главно ограничување во одредувањето на нивната нова плата.

Затоа што дискретни ишарети како катастрофална суша во Источна Азија, пожари на огромни пространства во Северна Америка, и тоа што прекуокеански патнички бродови редовно го минуваат Арктикот, не вршат работа, од научниците доаѓа официјално признание за тоа колку луѓето се ужасни по Земјата - и службено секој месец во 2016 е најтопол месец во историјата.

Наместо да местиш кров па на него да монтираш соларни панели како пештерски човек, зошто уште од старт кровот да не го покриеш со соларна шиндра што ќе ти произведува струја. Или по зборовите на Маск "тоа не е некоја работа на кровот, тоа е кровот."

Дадовте сè од себе по социјалните мрежи ХРАБРО да ги искажете своите ЈАСНИ и ГЛАСНИ политички ставови за вистинските проблеми во државата и  светот? Ако мајке, да сте живи и здрави. Само што, слабо фајде од тоа, велат истражувањата. 

Снимателот на документарци изјавил дека "со сигурност" знае дека Доналд Трамп не сака да биде претседател на САД и тврди дека републиканскиот кандидат сега ја саботира сопствената кампања за да го избегне претседателскиот мандат.

Кога знаеш дека некој човек природните несреќи ги толкува како божја казна за педерите и другите антихристи, има ќеиф да го слушаш како се труди да си објасни зошто неговата куќа е комплетно поплавена.

Декриминализацијата на трговијата со секс се промовира како нешто кое на жените ќе им обезбеди поголема моќ, и ќе ја ребрендира оваа услуга. Но статистичките и други податоци за земјите во кои проституцијата е легализирана и/или декриминализирана не покажува ваков позитивен тренд, тврди коментаторка на списанието Аеон.

Бад лајт се појавува во 1981, до 1990 продажбата на лајт-пива изнесува 28% од вкупната продажба на пиво. Изминативе години, лајт-пивата зафаќаат седум места на списокот на десетте најпродавани пива во САД.

Откако е забележан како чека во ред за влез во германската амбасада во Лондон, заштитниот кловн на брегзит одбива да одговори на прашањето дали аплицирал за добивање на германско државјанство.

Пред неколку седмици француските весници одлучија дека повеќе нема да објавуваат фотографии и имиња на терористи, по основа дека нема да учествуваат во „стратегијата на омраза“ на групи како ИСИС и Боко Харам, кои се постојано желни за медиумско внимание. Иако одлуката на медиумите е реакција на ужасите што им се случуваат во двор, таа има и сериозна подлога во науката.

Лесно е кога ќе скршиш 3-4 јајца, лушпите ќе ги фрлиш или ќе ги расфрлиш по двор бидејќи се добри за земјата. Но, што да правиш ако дневно ти остануваат лушпи од милиони јајца? Да правиш пари.

Сомнежот што сето ова време успешно го гасиш со "и јас на негови години ќе имам таква сила" излезе дека ти е сосема оправдан - татко ти стварно е посилен од тебе, и тоа на која возраст сакаш споредувај се.

Брунхилда Помсел работела во срцето на нацистичката пропагандна машинерија. Во интервју по премиерата на документарец за нејзиниот живот, таа тврди дека нејзиниот шеф, Гебелс, ни од далеку не бил чудовиште, а неговите вработени не знаеле за холокаустот.

Да, попрецизно е Пресли наместо Присли ама така го имаме завикано. И да, попрецизно е да се каже дека на денешен во 1977 година Кралот умре, на 42 годишна возраст. Само што не ни се верува.