Судско екстерно за Оксфорд

Еден од најстарите британски универзитети, Оксфорд, е тужен од свој поранешен студент по основа дека образованието што го добил таму не успеало да го направи милионер. Човекот сега планира на грб на Оксфорд да стане милионер и бара отштета од 1,2 милиони евра.

Фаиз Сидику, кој има студирано модерна историја, во својата тужба обвинува дека "досадното" и "застрашувачки лошото" предавање во школото го спречило да стекне прво-класна диплома и успешна кариера како адвокат.

Сумата што ја бара, 38-годишниот Садику тврди дека би ја заработил до сега како "скап адвокат" доколку Оксфорд не би ги "осакатил неговите амбиции" со тоа што му дале "второ-класна диплома". Конкретно станува збор за еден предмет од неговото образование, Индиска империјална историја, што му го има намалено вкупниот просек на Садику. Според него за ова е виновен невнимателниот професор што го предавал предметот и неговото претерано строго оценување.

Според адвокатите на Садику има уште дузина други поранешни студенти кои на овој предмет имаат добиено нестандардно ниски оценки, а нивниот клиент моментално пати од несоница и депресија како резултат на ова искуство.

Ставот на Оксфорд е дека тврдењата за лошата настава на поранешниот студент (дипломиран 2000-та) се неосновани.

7 декември 2016 - 12:40