Еден од најбогатите луѓе на светот и инвестициски пророк, во интервју изјави дека весниците бројат ситно и дека со време треба да се поздравиме со печатениот медиум бидејќи таму нема назад.

Казната се однесува на 2010, кога Викиликс ги вадат документите што Челси Менинг ги краде од американската армија, по што сите поврзани со проектот си накалемуваат еден куп проблеми, меѓу кои беше и глобална блокада на сите донации за Викиликс (инаку главен извор на средства за платформата).

Пред некое време целиот свет во живо следеше како се урива дел од францускиот национален идентитет и меѓународниот симбол за Париз. Глетка која со право предизвика сожалување кај светската јавност. По некое време, истата оваа јавност се сврте околу себе.

Пред Снуп и Вуди Харелсон беше Вили. Многу пред нив. Вика дека тревата го има спасено и неговиот живот и животот на многумина кои би му дошло да ги убие ако продолжел со алкохол.  Напафкан од сабајле до вечер („Јас бар чекам 10 минути откако ќе се разбудам“, признава Кит Ричардс), Вили Нелсон денес има 85 години, создава музика, снима албуми и настапува околу 100 пати годишно. И во неговата компанија за производи од канабис ја има најјаката функција која можете да ја замислите.

Кралски наследства, од мебел до уметнички дела, што некогаш им припаѓале на европските монархии, а кои којзнае колку децении дремеле во сефовите на семејството Ротшилд во јули ќе бидат дадени на аукција.

Мултинационалната корпорација со целата своја сила се истури на група индиски земјоделци затоа што сами без дозвола саделе компир кој исклучиво е наменет за еден од чипсовите што ги произведува компанијата.

Светските здравствени авторитети заземаа цврста линија во поглед на тоа колку време треба да им се дозволува на деца да минуваат заковани за екраните на смарфони и таблети. До 4 години, максимум саат време дневно.

Франциско комотно можеше таа порака да ја сочува за македонската публика но ја искористи за неговата публика од бербери, фризери и стилисти. Да не потпаѓаат под искушенијата на озборувањето.

Панк иконата тешко се справува со анархијата која владее во Лос Анџелес и кризата со бездомници кои ги зафаќаат и богатите делови на градот.  „Не се заебавајте, јас се одрав од работа да си купам ваква куќа“, вели фронтменот на Секс Пистолс кому клошари почнаа да му дигаат шатори пред врата.

USA TODAY ископа и објави имиња и досиеја на 85.000 полицајци кои ја злоупотребувале значката па тепале луѓе, дилале дрога, малтретирале по дома, возеле пијани. А ги има околу 750.000.

Мерката воведена пред речиси две децении веќе не им врши работа на американските разузнавачи, посебно откако сфатија дека телефон за зборување денес користат само тетки, анкетари и наплатувачи на кредити.

Во време кога Инстаграм „инфлуенсери“ фотошопираат сè од своите одмори и општо животот, до своето тело, една 19-годишна моделка повика професионална помош за да ја докаже автентичноста на својот заштитен знак - задникот.

Пред некој ден во САД се пријави добитникот на џекпотот од 768 милиони долари. Човекот е од Висконсин, има 24 години и сега ќе треба да плати данок.

Технологијата што требаше да нè спаси од дистракции како менување брзини или гледање ретровизор, на крај заврши со создавање далеку помалку внимателни возачи, кои сега само имаат повеќе време да го користат смартфонот додека се зад волан.

Проценувајќи дека прогонот на христијаните низ светот е во постојан раст, парламентарци од неколку германски политички партии побараа нивна посилна заштита низ светот.

Сопственикот на најголемата агенција за недвижности во Хонгконг, Винг-Чинг Ши, има 400 милиони долари и еден син наследник. Е излезе дека овој едниот син нема ништо да наследи од тие 400-те милиони.

Инцидентот потврден од Пентагон се случил пред десетина дена кога мексикански војници се дале во извидничка мисија на американска територија во близина на јужната граница на САД.

Од вкупно 257 поголеми населени места во Бугарија, во дури 229 места населението лани било помалубројно отколку претходната година. Имаат шест места кои по навика, нагалено ги викаат градови а се со помалку од 1.000 жители. Добро, барем на тие заедничките славења нема да се буткаме.

Првата голема американска фармацевтска компанија обвинета за преплавување на пазарот со опоиди се откажа од судското докажување на својата невиност. Ќе платат 20 милиони долари за да не одат во затвор и под катанец. Оптимистите очекуваат домино - ефект.

Речиси половина од сите фотографии со сексуална злоупотреба на деца што минатата година биле пријавени во Интернет воч фондацијата доаѓаат од сервери во Холандија.

За лекот:„Тој е чиста наука и нема тука срамење“, вели изумителот, инаку докторка. За драгичката: се работи за чепчиња.

Меѓу облакот на Гугл и облакот на Амазон, Епл се одлучи на повеќегодишно користење на сервисот на овие вториве, и моментално е еден од нивните најголеми клиенти, со најголема месечна фактура.

Филипинскиот претседател Ропдриго Дутерте се закани дека ќе ѝ објави војна на Канада доколку во најскоро време не си го собере ѓубрето кое една канадска компанија најџукелски им го истури пред 6 години.

Симболот на тобако индустријата, Филип Морис, продолжува со стратегијата да станат главна опозиција на самите себе (подобро сам да си направиш опозиција отколку таа неконтролирано да се создава, што „службите“ многу добро го знаат). Сега влегуваат во бизнисот со животно осигурување и нудат попуст на оние кои се откажале од (ординари) пушење.