Да почнеме со златокосиот: Трамп ја избегна дебатата за климатските промени на Г7 со најглупото можно алиби. А околу жените се зарчкаа Болсонаро и Макрон, поточно овој првиот.

Првата пратка африкански робови пристигнуваат пред 400 години во Поинт Комфорт во тогаш се уште англиската колонија Вирџинија, каде на колонизаторите им се продавани за храна.

Симпсонови по сето ругање што му го приредија на секој слој на американското општество, на крај во големото културолошко освестување на земјата (кенкање уздуж и попреко) заглавија на ликот на Апу, затоа што еден американски комичар со индиско потекло се чувствуваше навреден што белец го позајмува гласот на индискиот лик.

Сè побогати луѓе живеат во сè поскапи градови и сета таа каста треба некој да ја вози, да ја масира, да ѝ средува нокти. Може и пофенси да се наречат но во принцип се работи за измеќари.  И ако некогашните измеќари (од Македонски народни приказни), или пак куќни помошнички („Позориште у куќи“) сепак беа некаков дел од семејниот круг, овие новиве никој не ги занима како луѓе бидејќи се набавуваат преку апликации.

Би Би Си пренесува за еден скандал кој се случил во кениски парламент поради кој морало да биде прекината актуелна дебата на законодавците. Некој од нив пуштил јак, подмолен издув. Скандал кој веројатно нема шанси да се случи кај нас; навикнати се тие на смрад. 

Логиката беше дека треба да минеш 10.000 часа вежбајќи и правејќи една работа, за да станеш совршен во неа. Имајќи предвид дека стандардна работна недела има 40 часа и поддршката од луѓе кои личат како да знаат што зборуваат ова изгледаше како да е логично, ама не е.

Човекот почина минатата година во ноември, за неполна година подоцна ќерка му да излезе со изјава “никој не можеше да го третира татко ми полошо од директорите на Марвел и Дизни“.

Британскиот престолонаследник принцот Вилијам решава да лета како обичен смртник со регуларен нискобуџетен лет за да даде пример во борбата против загадувањето и да се ребрендира во еколошки освестен владетел. Искрено не по негова вина, не смени ништо посебно.

„Оние луѓе кои живеат во големите градови како Рио или Сао Паоло мислат дека ние треба да живееме од трошките кои ни ги фрлаат. Таквиот живот ничие наше дете нема да однесе на факултет,“ вели селанец од избирачката база на Болсонаро, оние кои едвај чекаа некој од горе да намигне за да ги забревтаат багерите по Амазонија.

Лидер на германска левичарска партија предложи да се укине првата класа во возовите која и онака е главно празна додека остатокот од возот е преполн. Ќе го задавеа.

Во човечкиот ДНК софтвер има мал но битен дел од неандерталското наследство. Околу 2% од гените на Европјани потекнуваат од таа линија и тоа влијае на многу работи: од нивото на холестерол па до навиките за спиење.

Албанските власти со булдожер ги израмнија сметките со сопственикот на ресторанот кој му нанесе невиден резил на албанскиот туризам откако сите ја видоа снимката како качен на хауба пробува да упадне во кола на негови гости од Шпанија додека овие панично се надеваат дека ќе наидат на полиција. Да беше кај нас, сопственикот ќе можеше да се жали „Ме рушите затоа што сум Албанец.“

Бездомници удриле мерак на едно плоштадче во Флорида на кое се прославуваат свадби и други граѓански настани. После неколку безуспешни обиди да ги дислоцираат од просторт кој им носи приходи, локалните власти почнале од звучници да им пуштаат две детски песнички. На рипит. „Неиздржливи се,“ кука еден клошар. 

Нималку не е лесно и наивно да се застане на браникот на родната планета и да се бори за нејзино преживување бидејќи на тој браник може да се положи и својот живот. За таа кауза, секоја година гинат стотици комити. 

Одморот како опција треба да стане обврска што треба да се исполнува на дневно, недело и годишно ниво. И на ниту едно од овие нивоа не треба да се избегнува.

Во сите кампањи што последниве две-три години ги водеше Борис Џонсон проникнуваше по некоја излудена идеја којa никој не веруваше, а тој ветуваше, дека ќе може да ја истера. Сега веќе не е во кампања, ама идеите му се исти како да е.

Слично како што кај нас никој не верува дека воопшто постојат Демир Хисар, Пехчево, Македонски Брод, Пробиштип и слично, во Германија никој не верува дека градот Билефелд вистински постои. Сега Билефелд сака уште повеќе да не постои.

Хари Маркополос е прилично кошмарен лик за добар дел од американскиот финансиски свет, не затоа што направил нешто, туку затоа што кажал нешто. Иако нема навика многу да зборува, во последно време почна да го споменува Генерал електрикс.

Франција постави фотоволтаици на еден пат во Нормандија, но после неколку години, експериментот е прогласен за пропаднат. Луѓе и натаму ќе бараат слични решенија само треба да бидат свесни дека ги очекува пат полн со дупки. 

Во меморандум испратен до вработените, првиот човек на Хуавеи, Рен Женгфеи, порачува дека компанијата треба да биде се издигне на ниво за војна, за да се справи со блокадите од САД.

Дузина несреќно разведени мажи говорат за тоа каде погрешиле во бракот и што требале да направат поинаку. Колку да се знае, статистиката вели дека од четири разведени мажи, само еден се смета себе си за несреќно разведен.

Екипа што снима документарец за системот тунели под Лас Вегас, во своето талкање по ходниците меѓу бездомната популација ја открива Џени Ли, се уште високо рангирана порно ѕвезда за која сите до сега мислеа дека се има повлечено и живее комотен живот некаде низ САД.

Сакаат да живеат вечно и многу пари, време и енергија посветуваат само на едно прашање: како да се преживее додека смртта не стане опционална. Се нарекуваат трансхуманисти иако од хуманизам, главно мислат на себе.

Човекот се самоуби на 10 август и со тоа ги лиши од каква било судска правда сите него жртви. Два дена пред самоубиството тој составува нов тестамент со кој истите овие жртви ги лишува и од каква било отштета во иднина.