Амбицијата на Салвини својата позиција на министер за внатрешни и заменик премиер да ја апгрејдува во премиер на Италија заврши (за сега) неславно, откако неговиот коалиционрн партнер му сврте грб и најде друг да му го пополни парламентарното мнозинство.

Без никакви метафори, на секој спрат во редакцијата на Њујорк тајмс се откриени трагови од болви.

Алвин Кенард од Алабама има 22 години кога во 1983-та влегува во затвор. Годинава, 36 години подоцна, тој е пуштен на слобода. Зошто одлежува 36 години? За кражба во пекара од 50 долари и 75 центи. Ај сега пак насловот.

Ништо митолошко и натприродно, само чисто аптекари дилетанти кои наместо капки против киселини на 17 деца и бебиња им даваат силно средство против косопад.

Јас се откажувам, а веројатно треба и вие, е пораката од велшки активист кој повеќе од 4 години ги организира локалците и сам учествува во расчистување пластика од тамошни брегови.

Не, Амазон не се белите дробови на оваа планета, како што бомбастично порача францускиот претседател Емануел Макрон а потоа таа застрашувачка порака се повтори безброј пати во медиумите и социјалните мрежи. Не Амазон, сите растенија на светов да ги спржиме до последната тревка, утредента ќе имаме проблем да најдеме храна но не и да земеме здив.

Кога човек размислува за штетата што богатите држави - главно предводени од САД и неговите сојузници - ја предизвикуваат на луѓето во остатокот од светот, тие веројатно мислат на војни. Е па, треба да мислат и на ММФ.

Владата на Идонезија практично дигна раце од Џакарта и реши сите свои служби и институции да ги пресели на еден помалку населен остров на Борнео. Ќе кошта многу ама барем ќе бидат на суво.

Американскиот претседател деновиве по иницијатива на локалците доби споменик во Словенија, кој повеќе е од типот „важно е чест да направиме“.

Благодарејќи на една прастара опција во британските закони, на барање на премиерот Џонсон британската кралицата Елизабета Втора го распушти парламентот. Луѓе сега имаат проблем што човек избран од нула луѓе (кралицата), отпушти луѓе кои ги имаат сите гласови на британските гласачи (парламентарците).

Тоа што Болсонаро е кабает околу пазењето на Амазонската шума беше широкоградо дочекано од секој што има проблем со него и со неговата политика, па сега човекот е еден од најголемите негативци на Западот. Тоа не значи дека целата приказна околу Амазон и пожарите е точна (или искрена), а ни па сликите што ги споделувате.

Да почнеме со златокосиот: Трамп ја избегна дебатата за климатските промени на Г7 со најглупото можно алиби. А околу жените се зарчкаа Болсонаро и Макрон, поточно овој првиот.

Првата пратка африкански робови пристигнуваат пред 400 години во Поинт Комфорт во тогаш се уште англиската колонија Вирџинија, каде на колонизаторите им се продавани за храна.

Симпсонови по сето ругање што му го приредија на секој слој на американското општество, на крај во големото културолошко освестување на земјата (кенкање уздуж и попреко) заглавија на ликот на Апу, затоа што еден американски комичар со индиско потекло се чувствуваше навреден што белец го позајмува гласот на индискиот лик.

Сè побогати луѓе живеат во сè поскапи градови и сета таа каста треба некој да ја вози, да ја масира, да ѝ средува нокти. Може и пофенси да се наречат но во принцип се работи за измеќари.  И ако некогашните измеќари (од Македонски народни приказни), или пак куќни помошнички („Позориште у куќи“) сепак беа некаков дел од семејниот круг, овие новиве никој не ги занима како луѓе бидејќи се набавуваат преку апликации.

Би Би Си пренесува за еден скандал кој се случил во кениски парламент поради кој морало да биде прекината актуелна дебата на законодавците. Некој од нив пуштил јак, подмолен издув. Скандал кој веројатно нема шанси да се случи кај нас; навикнати се тие на смрад. 

Логиката беше дека треба да минеш 10.000 часа вежбајќи и правејќи една работа, за да станеш совршен во неа. Имајќи предвид дека стандардна работна недела има 40 часа и поддршката од луѓе кои личат како да знаат што зборуваат ова изгледаше како да е логично, ама не е.

Човекот почина минатата година во ноември, за неполна година подоцна ќерка му да излезе со изјава “никој не можеше да го третира татко ми полошо од директорите на Марвел и Дизни“.

Британскиот престолонаследник принцот Вилијам решава да лета како обичен смртник со регуларен нискобуџетен лет за да даде пример во борбата против загадувањето и да се ребрендира во еколошки освестен владетел. Искрено не по негова вина, не смени ништо посебно.

„Оние луѓе кои живеат во големите градови како Рио или Сао Паоло мислат дека ние треба да живееме од трошките кои ни ги фрлаат. Таквиот живот ничие наше дете нема да однесе на факултет,“ вели селанец од избирачката база на Болсонаро, оние кои едвај чекаа некој од горе да намигне за да ги забревтаат багерите по Амазонија.

Лидер на германска левичарска партија предложи да се укине првата класа во возовите која и онака е главно празна додека остатокот од возот е преполн. Ќе го задавеа.

Во човечкиот ДНК софтвер има мал но битен дел од неандерталското наследство. Околу 2% од гените на Европјани потекнуваат од таа линија и тоа влијае на многу работи: од нивото на холестерол па до навиките за спиење.

Албанските власти со булдожер ги израмнија сметките со сопственикот на ресторанот кој му нанесе невиден резил на албанскиот туризам откако сите ја видоа снимката како качен на хауба пробува да упадне во кола на негови гости од Шпанија додека овие панично се надеваат дека ќе наидат на полиција. Да беше кај нас, сопственикот ќе можеше да се жали „Ме рушите затоа што сум Албанец.“

Бездомници удриле мерак на едно плоштадче во Флорида на кое се прославуваат свадби и други граѓански настани. После неколку безуспешни обиди да ги дислоцираат од просторт кој им носи приходи, локалните власти почнале од звучници да им пуштаат две детски песнички. На рипит. „Неиздржливи се,“ кука еден клошар.