Последната вест е дека Кина неодамна наградила 11 рибари кои откриле вкупно 7 уреди. И ова не е прв пат, бидејќи во 2018 имаше 18 наградени рибари за 9 уреди.
Она што е посебно впечатливо околу целата работа е што наградите знаат да се сериозно високи и изнесуваат до половина милион јуани или 65.000 евра.
Ваквото изобилие на шпионски подморници (дронови) се објаснува со локацијата - провинција Ѓангсу на истокот од Кина, чиј брег е со должина од над 1.000 километри. Таа е директно карши Јапонија и Јужна Кореја, каде има стационирани и сериозни американски сили, а Тајван е на околу 800 километри на југ од нејзе.
Кина не го открива потеклото на уловените подморници, туку само наведува дека тие се произведени во други држави.
Сомнежот е дека физички тие потекнуваат од САД, но не се знае дали американските сили стационирани во регионот се одговорни за нивно управување и пуштање во погон. САД веќе со години паралелено со програмата за развивање на летачки дронови, работат и на подводни дронови кои за сега имаат само разузнавачки, а не и боеви функционалности.
Од друга страна и Кина има свои подводни дронови кои ги има пуштено во оптек, а Би-би-си шпекулира дека риболовците кои ги уловиле подморниците веројатно е дека се припадници од кинеската морнарица.
