Со децении Газа неспорно е симбол за мизеријата и сиромаштијата на Палестинците, „најголемиот затвор под отворено небо“ чии жители зависат од постојаниот дотур на хуманитарна помош од светот. Периодов медиумите малку повеќе се занимаваат со раководството на Хамас, кое излезе дека не го дели финансискиот кошмар на своите сограѓани.

САД се великодушни кога својата воена опрема ја продаваат со заеми но ретко се фаќаат за џеб па тие да платат воена опрема и оружје за некого. После 40 години, тоа сега прват го прават за Тајван зошто Кина многу напред отиде во воената надмоќ во 180 километри широкиот Тајвански теснец. Но, и со ју-ес пари, тоа тешко се стига.

Кабинетот на Зеленски јавно го укори првиот човек на украинските воени сили, генерал Валери Залужниј, за неговата изјава дека војната заглавила во пат-ситуација бидејќи такви коментари биле од корист на руската инвазија.

Иако по Фејсбук се ширеше еден глуп текст за неприфаќање на претплата на платформите на Мета, веста, односно заканата за 10/13 евра месечно беше реална. Засега нема да се оствари ни во ЕУ, не па кај нас (папокот на светот!), ама барем дознавме колку кошта „бесплатниот ручек“. Тој и натаму ќе го плаќаме со личните податоци и дозволувањето Фејсбук снајперски да нè гаѓа со реклами.     

Човекот кој го основаше Амазон во гаража во Сиетл во 1994 и од тогаш придонесе милијарди долари во развојот на градот, одлучи дека градот му е веќе станат неподнослив за живеење, веројатно на негова возраст идентично не се трпи ни тамошната клима, ни тамошната идеологија, и дека ќе се пакува за Мајами.

Ивермектинот беше најнапаѓаниот и најомаловажуваниот лек во времето на пандемијата. Корпоративните западни медиуми систематски му правеа хајки, надмено оцрнуваји го како „лек за глисти кај коњи“ а еден од главните гревови му беше што имаше поддршка од нивниот архи-непријател - Доналд Трамп. Но, Трамп беше само фасада на приказната. Кај парите е финтата.    

Едно ново истражување открива дека е зголемен јазот меѓу половите на тема кој повеќе готви по дома. Жените готват повеќе оброци од мажите во речиси секоја земја во светот. Освен во една.

Пред некоја година, сопственикот на Монсанто, концернот Баер, понуди многу милијарди долари за топтан да ги затвори сите тужби поврзани со нивниот бестселер пестицид, Раундап, кој го содржи озлогласениот глифосат. Американскиот Врховен суд го одби таквиот предлог па сега Монсанто го делкаат еден по еден оштетен. Сите со ракови.  

Мажи што често користат мобилен уред имале пониска концентрација и број на сперматозоиди во споредба со оние што не се по цел ден со телефонот во рака / џеб, покажала многу нијансирана студија на Универзитетот на Женева.

На ликови како Роберт Де Ниро и Ал Пачино многу луѓе веројатно им завидуваат на славата, парите, моќта, сè што следува со таков филмски капитал како нивниот. Само што, нивни врсници шетаат внучиња или чекаат да стаса туршијата, а овие... едниот го тегнат по судови, другиот младата жена го тера да потпише колку ќе се испрси за алиментација.

Во овие неполн месец откако Хамас изврши напад врз Израел, во Газа загинале повеќе цивили отколку во целата украинска војна од почетокот на 24 февруари 2022.

Асад се согласил да го помогне Хезболах со позајмување на руските ракетните системи, а испораката од Сирија до Либан ќе треба да ја завршат луѓето на Вагнер, тврдат луѓе од американското разузнавање.

Европа веќе извесно време им има фрлено око на руските пари кои се кај неа a Унијата ги има замрзнато со санкциите. Русија им вика дека е тоа обична кражба и ако прибегнат кон таков чекор, да очекуваат сличен потег и од нив. Како показна вежба, Русија го продаде кримскиот апартман на Владимир Зеленски. 

На средба со католичките бискупи и „цивили“ папата Франциско порачал дека е „ургентно“ да се гарантира поголемо учество на жените во управувачки позиции на црквата и побарал во рок од една година да се истражи како да им се дозволи на жените да бидат поставени на позиција ѓакони.

За пет месеци контраофанзива Украина успеа да напредува само 17 километри. Русија 10 месеци се бореше околу Бахмут за да освои град „шест на шест километри“. Првиот човек на украинската војска призна дека војната е во ќорсокак.

Насловната сторија на Тајм за Владимир Зеленски е навистина шокантна бидејќи ги потврдува сите поенти кои досега се оценуваа/оцрнуваа како „Путиновска пропаганда.“ Не само што сторијата се темели на разговори со најблискиот круг на Зеленски туку што не доаѓа од кујната на Кремљ, туку од новинар и магазин кои лани го прогласија Зеленски за лице на годината.

Пред бааги години, кога ни збоктисаа квази-медицински вести дека рак се добива те од ова, те од она, и кога ни стана јасно дека медиумската преплавеност со такви содржини е дел од индустријата на производство на страв и болести, цинично се запрашавме дали ќе дочекаме вест дека и витамините носат рак. Ете, дочекавме.

Бајден ќе стави вето на републиканскиот предлог за помош на Израел, доколку истите овие републиканци продолжат да одбиваат да гласаат за пакетот за помош на Украина, тврдат од Белата куќа.

Кога Израел ќе заврши, Газа каква што ја знаевме нема да постои. Истребувањето на оние чија земја и ресурси крадеме е кодирана во нашата ДНК. Прашајте ги Индијанците, Индијците, Конгоанците, Ирачаните, Авганистанците, Сиријците, Курдите, Либијците... Ние сме најнемилосрдните и најефикасните убијци на планетата. Геноцидот лежи во сржта на западниот империјализам.

Преку левичарска активистичка група Сорос поделил милиони долари на организации кои периодов го оправдуваат терористичкиот напад Хамас и кои застануваат зад Палестинци што повикуваат на уништување на еврејската држава.

Викендов толпа од стотици жители на Дагестан тргна да линчува сè израелско што ќе начека на авионската писта на аеродромот во Махачкала. За општа среќа никој не им падна во раце.

Тајм објави детално интервју со Зеленски и инфо од неговите најблиски соработници во кое се дава увид во промената на неговото расположение, лутината што никој од сојузниците не верува  во победа на Украина и нималку сјајната состојба на војската. Покрај сите оние милијарди долари воена и друга помош од Запад, текстот има поднаслов: „Осамената битка на Владимир Зеленски“.    

Германски Билд објави манифест до дојденците во земјата во кој им се објаснува дека домаќините не мислат да го сменат својот начин на живот само затоа што им дошле гости. Им се порачува дека е важно да го научат јазикот, има и лекции за бонтон. Едни одушевени од декларацијата, други велат дека е ова е лошо напишан но добро сумиран манифест на германскиот расизам. 

Нашиот свет е во хаос, и ние сме сред хаосот. Од терористичкиот напад на Хамас врз Израел се соочуваме со нова димензија на омраза во нашата земја - против нашите вредности, демократијата и против Германија, пишува Билд во воведот на својот Манифест за Германија.