Иако за ѕидови и бодликави огради се зборува само кога се сака да се нагласи назадноста и нечовечноста на Трамп или Орбан, постои еден друг ѕид меѓу две држави, долг колку од Скопје до Богданци, кој бааги врши работа. Оној кој навреме го подигна Доминиканската Република, насетувајќи го хаосот кој ќе го зафати соседно Хаити. Благодарејќи на ѕидот, стапката на криминал е рапидна намалена.

Додека Чесите сега се актуелни по тоа што имаат разработено еден од најдеталните планови за наоѓање и собирање артилериска муниција за украинската армија, Словаците целосно ја суспендираа помошта за Украина ветувајќи дека нема да испратат ни куршум во Киев и бараат Украина да почне преговори со Русија.

Ветувањето од Нвидиа е дека чипот со 208 милијарди транзистори може да го намали трошокот за вештачка интелигенција и потрошувачка на енергија за 25 пати во споредба со неговиот претходник Х100.

Ирска со години беше славена како патоказ за непосредната демократија со нејзините „граѓански парламенти“, случајно избрани луѓе кои дебатираат па после даваат препораки за некое прашање. Така успешно поминаа два битни референдуми, за истополовите бракови и за абортусот. Таман поверуваа дека ја имаат формулата, последниот двоен референдум доживеа маестрално фијаско. 

Анализата на Скај њуз открива дека во истиот период во кој извозот на британската авто-индустрија во Азербејџан бележи драстичен раст, се случува речиси идентичен раст на извоз на автомобили од Азербејџан во Русија. За британската авто-индустрија ова нема никаква поврзаност.

Научници се колнат дека вештачката интелигенција им помогнала да откријат дека редовното користењето Вијагра помага во спречување на намалувањето на когнитивните капацитети кај луѓе во години и спречува Алцхајмер.

Говорот на лидерот на сенатското мнозинство се оценува како пресвртен во односот на САД кон Нетанјаху. Пораките доаѓаат од човек од кој ретко кој бил повеќе про-Израел а една од нив е дека цивилите во Газа не заслужуваат да страдаат заради гревовите на Хамас. Политички уште поважна е пораката дека оваа влада на Нетанјаху, веќе не му врши работа на Израел. 

Американскиот сенатор во Киев побара од украинските парламентарци што е можно побрзо да го изгласаат законот за мобилизација, кој значително ќе ги снижи границите за тоа кој се може да биде мобилизиран во украинската армија.

Шефот на странското разузнавање на Русија тврди дека Макрон навистина подготвува ешалон војници кои би би пратил во Украина. Според Сергеј Наришкин, упорното настојување на Макрон да ја држи опцијата за праќање војници во Украина има за цел да се маскира бројот на француски војници кои веќе имаат загинато на боиштето, од страв да не излезе народ на улица. 

Британските фанатици за јавно здравје имаат нов непријател на повидок: пурите и лулињата. Вадат статистички податоци со фабричка грешка за да ја оправадат својата намера сè што ќе им текне да биде внесено во оној закон по кој на сите родени после 2008 година доживотно им се забранува да купат тутун. Најмногу им било за децата. А никој не гледа сурија деца со лулиња во уста.     

Опсадата на Ленинград и останатите злосторства извршени од Третиот Рајх против Советскиот сојуз треба официјално да бидат признаени од Германија како Геноцид, бара руската влада.

Администрацијата на Бајден објави дека конечно ќе почне да пушта пари од 39 милијарди долари вредниот ЧИПС акт, за поттикнување на производството на микрочипови во САД. Кратко по ова најголемите глобални производители на чипови одлучија да ги откажат своите проекти во САД.

Пратеничка од шведската Партија на умерените јавно им се извини на гласачите што претходно била за отворени граници, и жали за „направените грешки“ што повикала на „отвореност и добредојде за бегалците.“

Украина до сега доби проектили со голем домет од Британија, Франција и САД, но она што украинските вооружени сили навистина го сакаат се германските Таурус системи, а Германија упорно го одбива тоа.

За прв пат во историјата, во 2023 научните журнали повлекоа над 10.000 студии што ги имаа објавено истата година, и тоа е на штета и на науката и на медицината и на развојот на лекови.

Ако Трамп се врати на власт, тоа и овојпат ќе биде заради Демократите и нивната рамнодушност кон страдањата. Тие знаат дека работничката класа ги има напуштено не не можат да им свртат грб на корпорациите, па ќе играат на картата на страв од враќање на Трамп. Но, тој страв можеби ќе запали во урбаните и образовани енклави, но не и во американската пустелија. Таму го сакаат она што го сака и Трамп - одмазда. 

Фактчерите го побиваа раширениот страв дека ковид вакцините, со оглед на тоа што не се класични вакцини туку мРНК, можат нешто да поматат во човековиот ДНК и клетките. Неодамна биле правени истражувања дали тоа може да се случи не на здрави, туку на клетки на рак. Може.  

Агенцијата на Обединетите нации одлучи да го признае придонесот што техно сцената го има кон културниот идентитет на Берлин, и како таква ќе ја додаде на својот список на нематеријално културно наследство.

Онколози се од оние лекари кои сешто виделе во својата пракса но за многумина од нив, ништо не ги снеможува така како кога ќе видат млад човек на кого ќе му најдат еден од оние ракови кои обично фаќаат луѓе постари од 65 години. Ќе се помисли на дебелина, алкохол, процесирана храна... но не, рак често фаќаат здрави и тотално фит луѓе, без никакви ризични фактори за канцер.

Мат Таиби пишува за една насловна која ја смета за најглупавиот насловен текст на сите времиња. Од транс-автор, во одбрана на малолетната промена на полот а напишано во име на децата и нивното „право на разици кои произлегуваат од нивната слободна волја“. Па што не ги оставаат сами да се возат со кола или да им даваат моторни пили за во школо?   

Кога Нил Јанг во знак на протест ја повлече својата музика од Спотифај несакајќи да дели иста платформа со Џо Роган, подкастерот беше ексклузивец под договор од 100 милиони долари. Сега е под договор од 250 милиони, без ексклузивитет. Така можело. Признавајќи дека ја изгубил битката против она што тој го смета за дезинформации, Нил Јанг вели дека следната надеж му е Спотифај бар да го подобри звукот.   

Руските средства замрзнати во ЕУ по почетокот на инвазијата на Украина до 2027 ќе генерираат меѓу 15 и 20 милијарди евра, после данок, во зависност од тоа како се движат глобалните камати.

Дон Лемон беше избркан од Сиенен. Едно време го немаше па деновиве неочекувано најави ново шоу кое ексклузивно ќе оди на платформата Икс. Обезбеди и интервју со Маск, како најава на новото партнерство. Што направи Лемон после тоа? Отиде во Сиенен, да го олајава Маск како не си ја разбирал одговорноста. Дур си исцедил лимон, Маск му го раскина договорот.

Дневното туширање со жешка вода, што некои го имаат доведено до прлење, ја оштетува и кожата и косата, како што би оштетувало што било друго изложено на топла вода.