Откако ги изгубија своите територии во Ирак и Сирија, озлогласната терористичка групација најде нов рај за свое јакнење и регрупирање. Авганистан, земјата во која Американците оставија куп оружје кога се повлекуваа од таму. Им се прави Калифат, па тоа ти е. Талибанците тврдат дека работат да го разбиваат Исис, но, не сите се убедени во тоа. 

Трамп треба да го олабави НАТО и притисокот што му го врши и наместо тоа да ги таргетира Обединетите нации, е нарачката до Трамп за кого се уште не се знае ни дали ќе му дозволат да учествува на претседателските избори.

Државите во Европа речиси го удвоија увозот на големо оружје во последните 4 години. Во периодот 2019-2023 година, многу поголеми количини на оружје влегоа во Азија и Океанија како и на Блискиот Исток, каде што се наоѓаат девет од 10-те најголеми увозници на оружје. Извозот на САД е зголемен, извозот на Русија е преполовен.

Во четири големи и битни области, политиката на Бајден кон војната во Украина не само што потфрли да ги исполни своите цели туку и доведе до контра резултати. Руската економија не колабираше како што се предвидуваше, армијата на Русија не само што не заслабе туку и се зајакна и реално се навежба против западното оружје, порасна популарноста на БРИКС а Украина е пред демографски колапс: од 44 милиони е сведена на 28 милиони луѓе, од кои 10 милиони се пензионери.

За намалување на ширењето омраза и однесување со омраза канадската влада ќе ја зголеми казната за онлајн омраза од пет години до доживотен затвор за поддржување на геноцид.

Поранешниот белгиски пратеник и десничарски активист Дрис ван Лангехов ќе лежи 1 година затвор и треба да плати глоба од 16.000 евра заради ширење расизам во групен чат со пријатели.

Во Јужна Каролина е најдено телото на Џон Барнет, свиркачот кој по 30 години работа во Боинг објави дека компанијата свесно и намерно кратела на квалитет на компонентите што ги вградувала во авионите. Телото на Барнет е откриено дента кога требало да сведочи пред суд.

Паниката дека планетата е пренаселена и дека веќе нема место за луѓе, последниве години полека се заменува со страв дека нè чека колапс на популацијата, без разлика колку Индија и Африка работеле на нејзино спасување. Кина веќе не може ни сама да си помогне, не на другите.

Ненаситноста на Французите за жабји батаци е деструктивна за природата и ги загрозува водоземците во Азија и југоисточна Европа, алармираа група на научници и ветеринари.

На секоја една произведена артилериска граната од САД и Европа, Русија произведува три, е сегашниот сооднос на производствените капацитети на воените индустрии на двете страни, објавува Си-ен-ен.

Францускиот претседател за прв пат јавно проговори против тврдењата дека неговата сопруга Брижит Макрон е родена како маж, отфрлајќи ги како „лажни и измислени“, откако неговата полу-ќерка неодамна ја спомна теоријата на заговор.

Претстојните локални избори во Турција, закажани за 31 март, на кои ќе се бираат градоначалници и советници низ целата земја, ќе бидат последни избори на кои ќе учествува турскиот претседател, Реџеп Таип Ердоган.

Новиот амбасадор на Украина во Велика Британија, а до пред некоја недела командант и херој на целокупните украински вооружени сили, Валери Залужни, зимоска минал медицински испитувања кои покажале дека тој не е способен за служење војска.

Поглаварот на римокатоличката црква тотално ги изремети лидерите на Украина и западните спонзори на војната со доза реализам. За да се прекине работата на украинската мелница за месо, Папата порача дека силен е оној кој ќе ја согледа ситуацијата, ќе мисли на народот и ако треба, ќе дигне бело знаме за да преговара за прекин на крвопролевањата. 

Како да се реши нееднаквоста по математиката? Така што таа ќе се укине. Вака надлежните образовни дебили од Сан Франциско размислуваа пред десет години кога ја повлекоа математиката од осмо, со налудничаво објаснување дека не треба да се следат разликите меѓу учениците на овој предмет сè до средно школо, Тоа ќе им помогнело на црните и хиспано учениците да напредуваат. Еве, сега ја враќаат.

Уште не е најјасно зошто оставка поднесе Викторија Нуланд, третиот по ранг дипломат на САД и главниот архитект на украинската голгота. Се спомнува кариеристичко незадоволство (сакала да биде втора но Блинкен не ја унапредил) но и ФБИ истраги, каде завршија некои милијарди, матни операции на ЦИА... Долга, богата и ужасна кариера е зад неа. Паѓаат и таквите но обично паѓаат нагоре. Ќе видиме. Нуланд е класично политичко суштество од „мочуриштето.“

За неколку дена, Бил Бур тргнува со нова турнеја и стартува во Цезар Арената во Детроит (20.000 седишта). Повторно ќе го прави она што најдобро го знае: да истражува зошто е толкав кретен. Изборите ќе ги игнорира. „Не сакам да прифатам дека оние двајца стари идиоти се најдоброто нешто што го имаме“, вели комичарот чиј филм „Стари татковци“, две недели беше најгледан на Нетфликс. 

Колку и да изгледа страшно сегашната иницијатива што руските сили ја имаат по цела должина на фронтот, таа е само најава за најверојатната масовна офанзива што Русија ја планира за пролетва, за која се подготвуваше повеќе од една година.

Американскиот долг е нешто што во моментов никој нема политичка сила или волја да го заузда. Форбс пренесува алармантни податоци од Банката на Америка дека на секои 100 дена, долгот се зголемува за илјада милијарди долари. Тоа оди на воденица на златото и криптото што е видливо од растот на нивната цена. Дали следната година, дали на крајот на оваа деценија, сериозна криза не бега. 

За помалку од една недела украинската армија беше сведок на уништувањето на три американски М1 Абрамс тенкови, кои паднаа жртви на руски анти-тенковски проектили и дронови, сето тоа триумфално проследено на руските социјални мрежи.

Три погледи на она што се случува во Украина и каде тоа води, со една заедничка нота - аман, доста гинеа луѓе. Специјалец вели дека Украина демографски се голта самата себе, инвеститор потсетува дека и оваа војна се темели на лаги и дека кога ќе заврши, некои мазно ќе продолжат кон следната, а во третиот сегмент, наивните се потсетуваат дека колку повеќе Украина е разурната, толку повеќе пари ќе требаат за да се обвнови. 

Припадници на шпанските вооружени сили и полиција почнаа да го менуваат својот пол, на хартија, за да  добијат поопширни бенефиции кои со закон се предвидени само за жени.

Милиони луѓе страдаат со месеци, ако не и години откако се заразиле со ковид. Таканаречениот продолжен ковид е сериозен но слабо сфатен и проучен проблем. Но, постои загриженост дека и вакцините можат да предизвикаат слична состојба. Од 1.000 пациенти, 70% го добиле проблемот после вакцинација, а не после зараза. Лекари стравуваат дека ваквите наоди повторно ќе бидат цензурирани, како во времето на пандемијата. 

Првата дама на Украина, Олена Зеленска ја одбила поканата за присуство на говорот на Бајден пред американскиот Конгрес откако се дознало дека на истиот настан е поканета и Јулија Навалнаја.