Кога во декември Владимир Зеленски има состанок со спикерот на Претставничкиот дом на американскиот Конгрес, Мајк Џонсон е неполни два месеца на таа позиција. Тогаш Зеленски јасно му кажува дека Украина може максимум до март или април да ги издржи руските напади. Џонсон ја донесе помошта за Украина на една недела пред крај на рокот.

Волстрит журнал потсетува дека генерацијата која годинава дипломира влегоа по колеџи во време на карантини и изолација а излегуваат со протести (за Газа). Пандемијата направи многумина од нив анксиозни и осамени во своите соби во кои и следеа настава и играа игрици и јадеа. „Никогаш немавме мирно време во кое ќе можевме да бидеме едноставно млади.“

Меѓународниот кривичен суд наводно е пред издавање налог за апсење на израелскиот премиер и високи функционери во израелската влада. Што е до Нетанјаху, за МКС ќе биде подобро да не си играат играчки.

Со просто мнозинство, Устика, мал сицилијански остров со 1.300 жители, му го одзема почесното државјанство на Волт Дизни, носејќи закон според кој само живите можат да добијат такво признание. Но, покојниот американски аниматор беше само колатерална штета: вистинската цел беше Бенито Мусолини.

Американските разузнавачки агенции утврдиле дека рускиот претседател Владимир Путин најверојатно не наредил убиство на рускиот опозициски лидер Алексеј Навални, објави Волстрит журнал. Да потсетиме, веста за смртта на Навални кој почина во руски затвор во февруари, на Запад се пренесуваше со инстантно лоцирање на убиецот во Кремљ.

Воени експерти ја советуваат Украина многу внимателно да ја троши својата помош од 61 милијарда долари бидејќи постои можност дека Америка нема да испрати уште еден пакет.

Абрамс М1 тенковите, кои Украинците ги бараа и ги добија од САД како едно од спасоносните решенија во војната против Русија, Киев одлучи да ги гаражира далеку од фронтот за да ги спаси од руските дронови.

Ненси Пелоси тврди дека израелскиот премиер Бенјамин Нетанјаху е „пречката“ за постигнување на решението за Израел и Газа со две држави, и побара негово заминување.

Илон Маск, газда и ЦЕО на Икс кој себе се смета за апсолутист во поглед на слободата на говорот, окако ја купи платформата, дерман нема од битки со држави, агенции и јавни личности на тема што е прифатливо да се објавува онлајн. Ех, што мирно и спастрено беше кога платформата функционираше како филијала на ФБИ (види овде).

Прегледувајќи податоци од над четири милиони лица, научници заклучуваат дека градинарство и останата умерена физичка активност го намалуваат ризикот од депресија за 23%, анксиозност за 26% и шизофренија за 27%.

И покрај огромните енергетски предизвици за Германија поради војната во Украина од кои нејзината економија сериозно страда, под притисок на Зелените во владеачката коалиција, лани во април Германија ја угаси и својата последна нуклеарна централа. Последиците се видливи: ММФ на земјата годинава ѝ предвидува раст од смешни 0,2%. Видливи стануваат и дубарите како е направено тоа харакири.

Министрите за одбрана на Полска и Литванија, без никој да го побара тоа од нив, ветија дека ќе почнат да приведуваат и депортираат Украинци на нивна територија кои ја напуштиле Украина за да избегаат од регрутација.

Какао плантажите низ Африка моментално се зафатени со епидемија која се заканува дека ќе збрише огромен дел од глобалните залихи со какао. Едно од решенијата е вакцинирање на дрвјата.

Обвинувањето за британската држава доаѓа од Амнести интернешнл, а според првиот човек за човекови права на организацијата на Британија „остро ќе и се суди за неуспехот да го спречи масакрот на цивили во Газа.“

Доаѓа дечко во продавница за инструменти, се интересира за гитара. Не е тој почетник, има навежбано една јака. Одбира гитара и со која песна ја пробува? Нормално, со Старвеј ту хевн. За да не се осипаат по кожа, вработените едно време почнаа да пишуваат дека таа песна е забранета за свирење во дуќанот. Имаме нов шампион во жанрот „забранети рифови.“

Украина ги ограничи конзуларните услуги во своите дипломатски претставништва за мажи на возраст за регрутирање (од 18 до 60 години) кои живеат во странство, како обид на Киев да го зголеми зголеми бројот на расположиви војници во борбата против руската инвазија. Во земјите од Европската унија живеат околу 860.000 Украинци на таа возраст.

Тајната служба веќе имала состаноци и почнала да планира што треба да преземе доколку Доналд Трамп биде прогласен за виновен за прекршување на судските наредби во случајот против него и судијата реши да му досуди краткорочен притвор.

Законот бара од кинескиот сопственик на Тикток, Бајтденс, да го продаде својот удел во платформата во рок од девет месеци до година дена, во спротивно истата ќе биде целосно забранета во САД.

Постои нешто што се вика модерно ропство. Сите оние јадници од целиот свет кои без видливи синџири на нозете, секојдневно биваат принудени или измамени на работа која не можат да ја одбијат или сменат. Постои и глобален индекс на ропство кој ги мери тие работи. На тој индекс, во рамки на Европа и централна Азија, Македонија е на високото петто место.

Израел како свој триумф ја славеше неодамнешната одбрана на земјата од иранските ракети и дронови кои се одмаздуваа за израелскиот напад на нивниот конзулат во Сирија. Сега испаѓа дека Американците срушиле повеќе од половината смртоносни честитки пратени од Техеран. Подоцна Израел возврати но Иран им порача дека со такви дронови кај нив деца си играат.   

Ужасната ситуација во Газа е во фокус на последниот извештај на меѓународниот Амнести во кој се критикуваат Германија (особено шефицата на дипломатијата Аналена Бербок) и другите европски држави за лицемерие и двојни стандарди во однос на тамошните страдања. Израел изведува колективна казна за сите цивили во Газа а Европа со месеци останува на тоа дека е загрижена.

„Зачудувачки сум сиромашен после кариера долга пет децении,“ сумираше стариот монтипајтоновец кој работи со полна пареа и на свои 84 години. Не дека Клиз не знае зошто е тоа така. Имаше развод од сопругата кој го чинеше 20 милиони долари а и признава дека не штеди пари кога се работи за подмладување со матични клетки.

Њујорк тајмс со сета своја сериозност објави текст во кој се хвалоспева и величи следењето и прислушкувањето што го врши американската разузнавачка машинерија и дома и низ светот.

Еден популарен американски синџир на продавници со години прави скрининг на кривичните досиеја и криминалната историја на оние кои се јавиле да работат кај нив. Нејќат луѓето осудувани лица. Сега попија тужба од државна агенција за работни односи која цени дека таквата пракса е - расистичка.