Време е е Боб Гелдоф, Боно и другите прочуени англиски хуманитарци уште еднаш да ја запеат "Do They Know It's Christmas". Овојпат не за Етиопија или слична земја за жалење туку за по дома. Соберете го вкупниот број на жители на Битола, Куманово, Велес, Кавадарци, Кочани, Охрид и Струга, ќе добиете приближен број на оние во Англија кои овој Божиќ нема да го дочекаат со сигурен покрив над глава.

Американскиот Конгрес изгласа закон кој му забранува на кој било претседател на САД (кхм, Трамп) да ги повлече Соединетите држави од НАТО без дозвола на Сенатот или Конгресот.

На крајот од Студената војна германската армија брои половина милион војници на Западот и уште триста илјади на Истокот. Денес вкупно цела Германија има нешто над 180.000 војници.

Турција е на пат да ѝ го заземе на Франција второто место како најпожелна дестинација за одмор во  Европа. Причините не лежат во баклавите, ашурињата и другите делиции на турската кујна, ниту во некои новооткриени природни убавини и културни наследства на земјата. Во Турција се оди по здравје.

Дејтонскиот договор за Босна и Херцеговина и Охридскиот рамковен за Македонија имаат речиси идентични ефекти: краткорочно ги прекинаа војните но ги оставија земјите во долгорочна неспособност да се управувават самите себе. Босанците имаат и камшикар и поплава од НВО-а (дури 25. 600!) и пак ништо. Да не се токму тие елементи клучни за крахот?

Новиот министер за економија на Аргентина, Луис Капуто, половина од своето прво телевизиско обраќање го потроши на објаснување како земјата се нашла во таква ситуација, зависност од задолженост, за која тој смета дека единствен лек е шок терапија.

Пентагон признава дека американската воена индустрија тешко го одржува ритамот кој го наметнува забревтаната Кина. Велат дека и натаму го прават најдоброто оружје на светот, но не можат да го произведат доволно брзо. Кинезите имаат капацитети кои ги надминуваат не само американските, туку и комбинираното производство на нивните клучни сојузници. 

Израелската армија почнала со планот за поплавување на подземната мрежа на Хамас со вода од Медитеранот, пренесува Вол стрит журнал информација што ја има добиено од американски функционери.

Повеќе од 650 денови по ред, украинскиот претседател има барем по едно обраќање до нацијата во кое ја велича армијата и го слави напредокот што го имаат на фронтот. Пораката секогаш е „напредуваме“ и таа порака е аплицирана на сите нивоа од влада до локални власти, проблемот е што доаѓа со стриктна цензура, по цела вертикала, за лоши вести од фронтот.

Откако им стана јасно дека е сосема можно да секнат западните пари и помош кои го одржуваат функционирањето на украинската држава, украинските политичари разгледуваат начини како да соберат пари за финансирање на ослободувањето на земјата. Главно сè со што располагаат е непопуларно.

Американската Виста аутдор, компанија која под себе има повеќе брендови за оружје и муниција, објави дека планира значително да ги крене цените за муниција заради „очекуваниот глобален недостаток на барут“.

Ковид истрагата што се води против поранешниот британски премиер открива дека Џонсон бил отворен кон „воени опции“ за да дојде до „запленетите“ дози од вакцината против ковид-19 што се чувале во фабрика во холандски Лајден.

Признавајќи дека украинската контраофанзива пропаднала, секретарот за национална безбедност и одбрана на Украина кој го координира воениот кабинет на таа земја, порача дека учебниците и прирачниците на НАТО се покажале како застарени и треба да заминат во архива. Парите кои Киев ги очекува од Запад не се застарени.

На 15 јуни во конференциска сала во зградата на НАТО во Брисел американскиот министер за одбрана, Остин Лојд, пред сите присутни бара објаснување од украинскиот министер за одбрана околу одлуките што се носат во првите денови од контраофанзивата, и посебно зошто не се користи западната опрема за чистење мини за да се овозможи поголем напад на оклопните единици или да се користи чад за криење на нивниот напредок.

Амстердам брои повеќе точаци отколку луѓе и иако во споредба со овдешните сообраќајни тромбози, тоа ни изгледа како научно-фантастична идила, две третини од луѓето не се чувствуваат безбедни кога се движат по град. Најголеми бељи прават електричните велосипеди и тротинети кои се понашаат ко кај нас сељаците со бесни коли.

Поранешен прв човек на економска зона во северна Кина и директор на „водното“ е обвинет и прогласен виновен за проневера и земање мито во вкупна вредност од 420 милиони долари (3 милијарди јуани), што е една од најголемите суми во историјата на земјата.

Неколку дена пред почетокот на Светскиот економски форум во Давос, во Швајцарија треба да се одржат и разговори за мировниот план за Украина, објави  украинскиот претседател на Твитер.

Кога Хенри Кисинџер почина во цветот на својата старост на 100 години, западните лидери се наредија да го оплачат и да потсетат каков великан изгуби светот. За Џорџ Дуплове Буш тој беше „еден од најубедливите гласови во меѓународната политика“. Тони Блер го нарече „уметник на дипломатијата“ а Борис Џонсон „гигант на дипломатијата и миротворец“. Миротворец?

Мета бара забрана за користење вештачка интелигенција за политички кампањи, но прашање е дали и како тоа може да се спроведе. Дотогаш, два совета: не конзумирајте социјални мрежи за време на изборна кампања бидејќи таму ве чекаат алгоритмите со пораки создадени па ваш вкус. А ако веќе користите, не верувајте во ништо што ќе прочитате.

Едно е што сè до сега е зборено на тема вежбање и физичка активност, друго е што покажува нова скандинавска 45-годишна студија. Ова второто е дека премногу физичка активност всушност го забрзува процесот на стареење на нашите тела.

Не за ти да се погледнеш самиот на што личиш, туку за да се спречи деца да сурфаат порно на интернет, Британија размислува да воведе системи за „фацијално препознавање на возраст“ кои преку фотографија од вашето лице ќе одлучат дали да ви ја отворат порно страната или не.

Пратеници од британските конзервативци веруваат дека единствен начин да се спречи тотален пораз на изборите е инстантно да се шутне Риши Сунак од премиерската позиција и на негово место да се врати Борис Џонсон.

Наследникот на империјата на Ермес, инаку внук на основачот на луксузниот бренд, наводно планира да го посвои својот 51-годишен градинар и хаузмајстор за да може да му го остави богатството од 11 милијарди долари.

Хантер Бајден наводно потрошил над 870.000 долари на проституки и порно, а извадил најмалку 1,6 милиони долари од банкомати, покажуваат документите што ги поднесе американското обвинителство во тужбата за избегнување данок против синот на американскиот претседател.