„Зачудувачки сум сиромашен после кариера долга пет децении,“ сумираше стариот монтипајтоновец кој работи со полна пареа и на свои 84 години. Не дека Клиз не знае зошто е тоа така. Имаше развод од сопругата кој го чинеше 20 милиони долари а и признава дека не штеди пари кога се работи за подмладување со матични клетки.

Еден популарен американски синџир на продавници со години прави скрининг на кривичните досиеја и криминалната историја на оние кои се јавиле да работат кај нив. Нејќат луѓето осудувани лица. Сега попија тужба од државна агенција за работни односи која цени дека таквата пракса е - расистичка.

Оние кои штанцаат дезинформации веројатно живеат убаво ама и овие кои „се борат“ против нив не се за жалење. Финансирани од сороси, влади и министерства, го цензурираат новинарството креирајќи рејтинг листи и индекси за пожелни и опасни медиуми. А бидејќи „обичните“ дезинформации им изгледаа како претесен простор, ја проширија дефиницијата од што сè тие го штитат интернетот.  

Корпорациите во своите постојани преструктуирања и вртења на вработените се повеќе се наклонети кон еден метод во кој вработениот добива повисока позиција и повеќе работа и одговорности, но без покачување на плата, ова се вика суво унапредување.

Скандалот во НПР во кој долгогодишен уредник откри како медиумот е во идеолошко заложништво на новите „прогресивци“, вниманието го насочи кон ЦЕО-тоа на медиумот, Кетрин Мар. Поголем проблем е што таа претходно беше на истата функција во Викимедија. А се работи за жена која „слободниот и отворен“ интернет го смета за проблематичен концепт. Ко-основачот на Википедија се сомнева дека Владата и ЦИА имаат вмешано прсти.  

Своевремено пишувавме за причините поради кои канадскиот рокер Нил Јанг пред неколку години реши да ја повлече својата музика од стриминг платформата Спотифај. Не толку одамна пишувавме и за причините кои Нил Јанг ги наведе за враќање на неговите песни на истата платформа. Останува да спомнеме уште две милиони причини. Околу 170.000 месечно. 

Британија носи закон по кој на сите кои родени по 1 јануари 2009 ДОЖИВОТНО ќе им биде забрането да купат тутунски производи. По него, во 2091 година, 83-годишник со рак во терминална фаза не ќе може да купи кутија цигари, ама затоа неговиот 84-годишен цимер ќе може. После која ли генерација со вакви закони Британците ќе станат совршени луѓе, убер- раса, никогаш дебели, никогаш пијани?

Во првите години на овој сајт, американското јавно радио НПР, заедно со Салон, Атлантик, Ролинг Стоун... ни беше еден од најчесто користените извори на информации. Денес, ретко и да ги отвораме. Во меѓувреме се случи Трамп, пандемијата, диверзитетот... и многу нешта се променија во медиумските профили. Уреднички ветеран во НПР ни потврдува дека не сме биле сами и не без врска сме се оладиле од тој медиум.

Испитување на 18 наводно „транс животни“ ги негира тврдењата на активистите дека сите ние живееме во небинарен родов „спектар“. Да, постојат фасцинантни механизми и адаптации кои некои суштества ги развиле во текот на еволуцијата (ниту едно од нив не е цицач), но на крајот, и кај нив постојат само два пола. На менито на природата има само М и Ж. А се разбира, секој има право да се идентификуви и како ѕиден часовник, ако сака.

Во прв таков експеримент во ЕУ, Полска одлучи да престане со давање домашни задачи на своите ученици, бидејќи дел од истражувањата покажале дека за децата имало многу малку корист од пишување домашни задачи.

Луѓето кои вежбаат после 18 часот имаат понизок ризик од развивање на срцево заболување или смрт отколку оние решени сабајлечки да го истераат самонаметнатиот тренинг.

Полски свештеник е осуден на 18 месеци затвор за секс и користење апчиња откако еден маж колабирал во неговиот дом за време на оргија. Та-дааам.

170 километри долгиот град сред саудиската пустина, веројатно еден од најамбициозните проекти моментално на планетава, во кој до 2030 требаше да живеат 1,5 милиони луѓе, е драстично намален и се очекува до почетокот на следната деценија од него да бидат изградени само 2,4 километри.

Ако му свртиме грб на црвеното месо и наместо тоа во нашата исхрана се фокусираме на ситната риба како што се сардините, инчуните или харингите, до 2050-та година би можеле да се спасуваат годишно по 750.000 човечки животи на оваа планета. Најголем аир би виделе земјите со среден или мал доход. Супер звучи, а сега малку да попазиме да не ни изгори кременадлата.

Најсеверниот регион на Норвешка побарал од Европската комисија да му даде дозвола да воведе временска зона со 26 часа, бидејќи овие 24 не вршат работа таму горе.

По којзнае кој пат, фармацевтскиот гигант Фајзер е обвинет дека злоупотребувал социјални мрежи за со невистините и заведувачки тврдења да ја промовира својата вакцина. За жал, колку и обвинувањата и пресудите да стануваат сè посериозни, казните и последиците за Фајзер и неговите функционари стануваат сè посмешни. 

Сведувајќи го само на фаза во развојот, холандска студија спроведувана во период од 15 години открива дека најголемиот дел од испитаниците кои на 11-годишна возраст изјавиле дека сметаат дека се родени во погрешен род, со тек на време се предомислуваат.

Изгледаше нестварно добро концептот кој Амазон го промовираше пред осум години по кој влегуваш во продавница, земаш што ти треба и излегуваш, без редови, без каса, без наплата. Иако изгледаше комплетно автоматизирано, во суштина армија Индијци ги гледаа снимките од продавницата и ви ја правеа сметката. Сега ни Индијци не им требаат.   

„Биди виден, земи цигла“ е мотото на новата кампања во Ванкувер за безбедност во сообраќајот за пешаци, во која пред пешачки премини низ градот се оставени корпи со цигли. Разочарувачко во целата работа е што циглите се од гума.

4 милијарди долари вредниот акцелератор има закажано термин на 8 април да биде пуштен во погон за да провери да не случајно може да открие некоја нова честичка за време на целосното затемнување на Сонцето што дента треба да се случи.

Градот Торонто и надлежните агенции немаат пари да се справат со дождот што врне таму, па затоа на граѓаните ќе им биде наметнат данок на дожд кој треба да го покрие овој трошок на градот.

Американската федерална агенција за храна и лекови, чии упаства и препораки за време на пандемијата беа „све и свја“, со согласи да ги избрише сите свои пораки на веб страници и социјални медиуми со кои бараше луѓето да престанат да користат ивермектин. ФДА ова не го прави доброволно, туку затоа што ја тужеа доктори и немаше каде.

Откако беше откриено дека лекот за дијабетес има нус-појава во која го блокира апетитот и драстично помага во слабеење, сега жените открија и негова втора нус-појава, а тоа е дека додека го користат полесно остануваат бремени.

Докторите од новата разбудена и прогересивна ориентација заклучиле дека етничките разлики во читањето на одредени физиолошки состојби е расизам па го елиминирале тој фактор од евалуацијата кому и по кој редослед му следува трансплантација на бубрег. Сега здрав или малку болен црнец може да добие бубрег пред белец што буквално р пред умирање.