Во Амстердам е дозволено речиси сè – проституција, марихуана, хашиш, „магични“ бомбони со психоактивни супстанци, но сега е забрането рекламирање на нови „пороци“ - сендвичи, коли на бензин и дизел и туристички аранжмани со авион или брод. Поврзување на месото и фосилните горива е дел од поширока политичка платформа за нето-нула емисии на јаглеродни гасови.

Намибија штотуку го отплати целиот долг кон ММФ. Нула салдо, нула нови заеми, нула нови услови. Слобода. Додека други држави се дават во ригидните политики на ММФ, Намибија излезе од должничката спирала. Оваа држава од југозападна Африка, со 2,1 милиони жители и минимална плата од 180 евра покажа дека слободата може да се (от)плати, со визија и дисциплина. 

Доналд Трамп ги злоупотребил своите најверни симпатизери од движењето МАГА, продавајќи им безвредни монети за повеќе од 4 милијарди долари. Аналитичарот Стив Ратнер објаснува дека од оваа измама со криптовалути се збогатиле лично Трамп и инсајдери од најтесниот круг околу него, кои ја покренале лавината инвестиции. 

Роналд Вејн некогаш поседуваше 10 проценти од Епл. Денес, тој удел би можел да вреди околу 400 милијарди долари. Но, го продаде за 800 долари. Тоа се смета за една од најлошите грешки во деловната историја, особено сега кога Епл берзански е проценет на околу 4 трилиони долари. Но, Вејн, кој денес има 91 година, не го гледа тоа така.

Добитникот на Нобелова награда за економија, Пол Кругман, прогнозира дека Ормускиот теснец во догледно време ќе остане затворен. Колку и Трамп да се залажува дека американската блокада ќе ја скрши волјата на Техеран, тие нема да му дадат повод да прогласи некаква победа. Тој ја води Америка во најлошиот стратешки пораз во историјата кој Иран го претвори во глобално важна сила која контролира добар дел од протокот на енергенсите.  

Веројатно нема друг производ на светот кој толку доходовно се лажира колку екстра девственото маслиново масло. Проценки велат дека и до 80% од италијанското масло кое во супермаркетите во светот се продава како „extra virgin oil“ е фалц, односно безобразно измешано со други, поевтини масла. Со операците се занимава италијанската мафија која од тоа заработува повеќе отколку на кокаин.

Обединетите Арапски Емирати настојуваат да се издвојат од исламистичката геополитика и да се оддалечат од доминантната Саудиска Арабија. Напуштањето на нафтениот картел ОПЕК по речиси 60 години ја потврдува нивната намера да функционираат како независен актер, кој повеќе не е врзан за никаква верност кон Заливот, Арапите или муслиманите.

Војната во Иран ја остави Кина без нафта, но ѝ донесе неверојатно огромен профит од продажба на соларни плочи. Логиката е јасна – енергетската криза преку ноќ го зголеми интересот за системите за алтернативните извори за генерирање струја, а Кина во производството отиде најдалеку во светот, без да се откаже целосно од централите што трошат фосилни горива.

Блазе на ергените, ама оженетите имаат значително помала веројатност да развијат рак во текот на животот, покажува студија во која биле анализирани евиденции за 4 милиони луѓе во САД. Мажите кои никогаш не стапиле во брак имале 68% поголема веројатност да развијат рак во споредба со оженетите. Кај жените разликата е уште поголема – 85%.

Државите имаат голема одговорност кон децата: им обезбедуваат основна здравствена грижа, ги штитат од реални ризици и ги поставуваат основите за нивно образование. Во канадската провинција Нова Шкотска ова оди многу подалеку, до степен на отфрлање на правото на родителите да решаваат што е најдобро за нивните деца.

Европските авиокомпании откажуваат летови за да штедат на керозин. Урсула фон дер Лајен ја процени штетата од војната во Иран на 500 милиони евра на ден. Но, Брисел не може да направи стратегија како да се извлече од кризата од проста причина што не знае со колку гориво располага. Залихите се трошат побрзо отколку што ЕУ може да ги измери.

Многу американски факултети нудат експресни курсеви, како алтернатива на класичните семестри, но со еднакво вреднување на дипломата. Професори се загрижени дека трендот на забрзување на наставата на колеџите ги поткопува квалификациите на студентите и ги обезвреднува дипломите на нивните колеги кои со години посетуваат предавања и вежби.

Не беше толку одамна кога колите беа машини што ќе ве однесат до посакувана дестинација. Модерните технологии ги претворија во шпиони што следат се што се случува во кабината, од лозинките во системот до фокусирањето на погледот на возачот. Тоа повеќе нема да биде избор, туку обврска за сите производители на нови коли.

Кога го започна својот прв мандат како претседател на Соединетите Американски Држави, Њујоркер објави дека неговите финансии се напнати. Во уште потешка кондиција беа на почетокот на неговиот втор мандат. Сега е во плус од 3,8 милијарди долари а можеби уште десет милијарди долари се на пат. 

Најголемиот дел од американските златни прачки што се чуваат во Форт Нокс не содржат злато до процент што би ги задоволува меѓународните стандарди. Речиси две третини од златните резерви на САД се неликвидни и ќе бидат одбиени за трансакции на светскиот пазар. И ова е врз основа на претпоставки, бидејќи половина век немало темелна ревизија. 

Прикривањето на потеклото на ковид-19, кое политичката елита со години го отфрлаше како „теорија на заговор“, е официјализирано во обвинение со имиња, датуми и суми. Првиот советник на Ентони Фаучи е обвинет дека уништувал и прикривал записи за ковид од владините истраги. На корисници на федерални грантови им нудел „поволни акти“ за скапи подароци.

Европа добива по 17 милијарди годишно од профитабилната индустрија на цвеќе, концентрирана во неколку големи компании. Сопствениците на плантажи и ЕУ се обврзани со меѓународен протокол фер да ги компензираат земјите од Третиот свет од кои го добиле семето за цвеќињата. Колку досега издвоиле од профитот за генетскиот материјал? Нула!

Зад затворени врати, потпретседателот Џ.Д. Венс постојано го оспорува начинот на кој Пентагон ја прикажува војната во Иран е загрижен дека претседателот Трамп е погрешно информиран. Но, на јавните настапи се воздржува од критики на министерот за одбрана Хегсет, за да не создаде поделби во Воениот кабинет и да не ги загрози сопствените претседателски амбиции.

Eurail е колективна железничка пропусница која овозможува повеќепатна патувања со воз во повеќе европски земји, наместо да се купува посебна карта за секоја рута. За да се извади, бараат број на пасош. Ама, ги хакнале базите па податоците од луѓето почнале да се продаваат на црниот веб. Што смислиле надлежните? Преку 300.000 засегнати луѓе да си извадат нов пасош. На свој трошок. 

Според нова студија на научници од универзитетите во Мисури и Аризона, луѓето денес зборуваат помалку од кога било досега. Поконкретно, наведуваат дека помеѓу 2005 и 2019 година, бројот на зборови што ги кажуваме на друго лице се намалил за речиси 28 проценти. Целата ситуација сигурно е влошена откако дополнително нè замолчи пандемијата. А и што да каже човек....

Кинескиот лидер Си Џинпинг извлече огромна полза од војната во Иран без да испука куршум – со трпеливо чекање и гледање од страна како Доналд Трамп работи на својата штета. Додека САД ги потрошија својот арсенал муниција и угледот на меѓународната сцена, Кина го утврдува синџирот на снабдување, напредува во технолошката трка и го шири своето влијание во светот.

Генетски секвенци, медицински снимки и други здравствени податоци на половина милион луѓе во Британија биле понудени на продажба на кинескиот сајт Алибаба. Кинески институти легално ги презеле податоците од UK Biobank, но не е јасно како стигнале на продажба. Не содржеле имиња и адреси, но со едноставно вкрстување може да се открие идентитетот.

По 16 години ЕУ го дочека крајот на власта на Виктор Орбан во Унгарија, но сега може да добие уште понезгоден бунтовник во Романија – Георге Симион, кој ја опишува како „државен удар“ улогата на Брисел во поништувањето на претседателските избори пред две години. Владината коалиција во Букурешт се распаѓа, а партијата на Симион убедливо води на анкетите.

Последиците од блокадата на Ормускиот проток поттикнаа загриженост поради ризикот од битка за контрола врз Малачкиот теснец, низ кој поминуваат уште повеќе танкери и товарни бродови. Земјите од регионот тврдат дека немаат планови да го блокираат ниту да воведуваат „патарини“, но тоа може брзо да се смени, во зависност како ќе биде решена кризата во Персискиот Залив.