Малите островски нации, за кои се прогнозираше дека ќе потонат поради климатските промени и кревањето на нивото на морето, всушност се развиваат. Им се зголемува површината, населението, коралните гребени, а со тоа и туризмот и приливот на пари. Признаваат дека климатските промени се проблем, но воопшто не се плашат од исчезнување и вложуваат во долгорочни проекти.

Шест години откако беше исфрлен од трката за претседател на Европската комисија, во корист на Урсула фон дер Лајен, Манфред Вебер сега го предводи нападот против нејзините закони за нето нула емисии и забраната на ЕУ за бензински автомобили. Човекот што денес важи за најмоќниот конзервативец во Европа инсистира дека моторите со внатрешно согорување сè уште имаат иднина.

ББЦ ги цензурира своите новинари кои го нарекле Хамас „терористичка група“. Одделението за жалби оценило дека новинарите што во емисија на 15 јуни ја нарекле групата „терористичка“ отстапиле од уредувачките упатства за користење на терминот, кој е дозволен само ако е кажан од трети страни. Поранешен директор реагира дека ББЦ ја штити репутацијата на екстремистите.

Германските партии од мејнстримот постигнаа бизарен договор целосно да се воздржат од критики за мигрантите во кампањата за изборите во Келн. Тоа практично значи молк за главните проблеми, како невработеноста и криминалот. Изолирана е само десничарската АфД. Самоцензурата всушност е на сила уште од 2017 година. Новото е што ЦДУ не може да го издржи молкот.

Соочен со тешкиот товар на трагичната смрт на 16-годишно момче што било охрабрено од ЧетГПТ на самоубиство, директорот на ОпенАИ најавува дека четботот би можел да биде програмиран да ги пријавува кај властите лицата со самоубиствени мисли. Со нарушување на слободата на „ранливите“ корисници, според Алтман, би можеле да бидат спасени 1.500 животи неделно. 

За само шест дена во јуни 1967 година Израел ги порази Египет, Јордан и Сирија, ги окупираше Синај, Газа, Западниот брег, Источен Ерусалим и Голан. Сега две години не може да го победи Хамас, наспроти геноцидот врз Палестинците во Газа. Премиерот Нетанјаху сепак е охрабрен и Израел за три дена изврши напади врз шест арапски земји - Катар, Либан, Сирија, Тунис, Јемен и Палестина.

Дури 93% од околу 900 анкетирани пилоти во Германија признале дека барем еднаш дремеле за време на лет во изминатите неколку месеци. Речиси три четвртини тоа го прават редовно, дури и на кратки релации. Причината е исцрпеноста од набиениот распоред на летови што го диктираат авиокомпаниите, особено во летните месеци. За среќа, никој не спиел на летнување или приземјување. 

Африканската унија ќе побара од поранешните колонијални сили да платат „значителни репарации“ за повеќевековните злосторства и експлоатации на богатството. Колку висока и да биде сумата, колонизаторите немаат пари и не сакаат да ја платат. Африка ќе бара и извинување и враќање артефакти. Карипските земји со години попусто бараат билиони отштета за трговијата со робови.

Пиењето е добро сè додека можеме да го задржиме во умерени граници. Но, ефектот на умереноста - дефинирана како не повеќе од две пивца/чаши вино/чашки ракија за мажи и пола од тоа за жени - се менува со возраста. Помладите можат да издржат повеќе, а постарите, иако имаат поголемо искуство, трпат помалку. Сето тоа е поради губењето на ензимите што го преработуваат алкохолот.

Педесет и пет проценти од кандидатите за полицајци во Берлин имаат потреба од дополнителна настава по германски јазик. Полицијата не дава податоци дали толку се зголемил бројот на неписмени Германци или мнозинството кандидати се со потекло од Турција, Полска или други земји. Политиката на етничко изедначување на процентот на жители и полицајци е меч со две острици. 

Децата што примиле една или повеќе вакцини имале драматично повисоки стапки на хронични заболувања по 10 години, покажуваат резултати од обемна студија во САД. Вакцинираните деца имале 5,53 пати повеќе невроразвојни нарушувања. Студијата не била објавена бидејќи нејзините наоди се во спротивност со преовладувачкиот наратив дека вакцините се универзално безбедни. 

Уште една најавена катастрофа од климатските промени се покажува како неоснована: нивото на морето во светот не расте побрзо отколку пред еден век. Ова не значи дека климатските промени не се случуваат, ниту дека одредени локации не се соочуваат со зголемување на нивото на морето - но значи дека не доаѓа никаква апокалипса по овој основ.

Бројот на дебели деца во светот прв пат е повисок од оние со премала телесна тежина, предупредува УНИЦЕФ. Во категоријата „дебели“, сега се вкупно 188 милиони деца, или секое десетто на возраст помеѓу 5 и 19 години. Главната причина е напуштањето на традиционалните диети и експанзијата на ултра-преработена храна која е релативно евтина и богата со шеќери, сол и нездрави масти.

Полската и противвоздушната одбрана на НАТО утрово собориле руски беспилотни летала што навлегле на полска територија близу границата со Украина. Полската армија го нарече нарушувањето на воздушниот простор „чин на агресија“. Премиерот Доналд Туск свика итен состанок на Советот за национална безбедност и е во постојан контакт со шефот на НАТО, Марк Руте.

Поддршката на капиталистичкиот систем во САД никогаш не била помала во изминатите 15 години. Американците денес се изразено позитивно настроени кон ситното претприемништво и стартапите, но се крајно разочарани од големите бизниси за кои поволно мислење имал едвај секој трет човек опфатен со анкетата на Галуп. Кај демократите, пак, социјализмот станува мејнстрим.

Во основните и средните училишта во главниот град на Австрија во оваа учебна година е зголемен бројот на муслимански ученици, а намален е бројот на христијанските, покажуваат нови податоци од истражување со кое биле опфатени повеќе од 110.000 деца. Затоа се бара воведување нов предмет за заеднички демократски вредности, кој би бил задолжителен за учениците од сите религиски групи.

Доналд Трамп во својот нов мандат го урна меѓународниот светски поредок базиран врз правила и повеќе нема враќање назад. Европа е немоќна да ги спречи промените и ќе мора да се прилагоди на глобалниот „закон на џунглата“, заклучува Европската комисија во годишниот Извештај за стратегиска предвидливост, во кој детално се опишуваат главните предизвици со кои се соочува ЕУ.

Компанијата на Марк Закерберг знаела дека деца под граничната возраст од 13 години се изложени на напади од сексуални предатори во игрите во нејзината виртуелна реалност, но ги уништувала доказите и ги фалсификувала извештаите, тврдат „свиркачи“ од Мета. Ако ги изгуби децата, кои воопшто не би требало да имаат пристап, Мета го изгубила и профитот од виртуелното 3Д-царство.

Демократските конгресмени ја објавија „сексуално провокативната“ роденденска честитка од Доналд Трамп за педофилот Џефри Епстин, за која претседателот упорно тврди дека не постои. Останува на зборот. Вели дека потписот на чувствителното место на честитката е фалсификуван, не црта по честитки, особено не женски торза, а и содржината не одговара на неговиот речник. 

Големата евроазиска стратегија на Трамп беше да се спречи преголема зависност на Русија од Кина, за да спречи руските природни ресурси да ја хранат Кина, единствениот вистински глобален системски ривал на САД. Откако САД ја претераа со Индија, Путин се најде ослободен од притисокот и дополнително се поврза со Пекинг.

Пољаците и Украинците имаат многу спорни и нерешени прашања, од историски (масакрот во Волинија во Втората светска војна) до тековни (одбранбени прашања, жито...), но ги држи заедничкиот страв од Русија. Сепак, по почетната консензуална поддршка за Украина, нејзината борба и бегалци, Полска се врти кон пореалистичен пристап и почнува да ги гледа своите интереси.

Веќе имаме пишувано дека различни генерации на различен начин користат ЧетГПТ. Повозрасните го користат отприлика како Гугл додека помлади генерации сè почесто го користат како советник, лајфкоуч, психотерапевт, поп, некој на кој му се исповедаат проблемите. И терапевтите имаат откриено дека е тоа корисна алатка, додека не бидат фатени.

Во тајна мисија авторизирана од Доналд Трамп, група специјалци требало незабележано да внесат уред кој би ги пресретнувал комунициите на севернокорејскиот претседател Ким Џонг Ун. Mисијата пропаднала но вистински жртви се невини рибари кои завршиле на дното на морето со пробушени бели дробови.  

Вештачката интелигенција веќе се интегрира во интернет прелистувачи и допрва се откриваат можните непријатности. Со таков прелистувач можете најнаивно да отидете на Фесјбук за да читнете нешто а таму да има скриена инструкција која вие не ја гледате (бел текст на бела позадина), да ви се испразни сметката од банка.