Обединетите Арапски Емирати побараа валутна размена со САД заради санирање на економските последици од војната против Иран во која беа вовлечени без некој да ги праша. Емиратите може да останат без долари ако кризата се влоши (а натаму оди работата), па предупредуваат дека ќе бидат принудени да користат кинески јуани или други валути за продажба на нафта и за трансакции. 

Уште Петер Маѓар официјално да ја преземе премиерската функција во Унгарија, Брисел му постави незгодна задача - да го поништи законот од Орбан за забрана на пристап на деца до LGBTQ содржини. Ова му доаѓа како „приемен испит“ за десничарот, кој во кампањата воопшто не го пипаше ова прашање, а ќе има двотретинско мнозинство за да го промени.

Киев има огромни проблеми да ја засили армијата до нивото од 800.000 војници кое го побара врховниот командант Зеленски. Бидејќи бројот на мажи кои имаат право на воена служба (на возраст помеѓу 18 и 60 години) постојано се намалува, украинското раководство ги тестира реакциите од јавноста за можноста за задолжително регрутирање жени.

Од 28 февруари, САД и Израел водат војна против Иран со последици далеку пошироки од бојното поле. Низ Персискиот Залив, владите го искористија конфликтот за да ја прошират репресијата дома. На монархиите од Заливот војната им даде тазе покритие за засилување на репресијата, криминализирање на несогласувањето и зацврстување на контролата врз секоја верзија на реалноста што е надвор од посакуваниот наратив.

Необична шема се повторила три пати откако САД ја почнаа војната со Иран. Некој става облог од милиони долари и точно ги предвидува клучните изјави на Трамп неколку минути пред да ги каже. Прекинот на огнот со Иран завршува утре. Трамп се заканува со нови жестоки напади ако Техеран одбие да ги продолжи преговорите. Уште една идеална можност за ризични облози.

Oдбранбениот гигант Палантир, кој ја подмачкува воената машинерија на Израел и развива аналитички платформи за владини агенции, војски и корпорации, ја оправдува својата идеологија во манифест „за одбрана на нацијата“. Јанис Варуфакис, критичар на „технофеудализмот“ како нов светски поредок, интерпретира што всушност значи секоја од 22-те точки во манифестот.

Ако Унгарците гласаа за Петер Маѓар затоа што по 16 години им е преку глава од Виктор Орбан - ОК, нека им е со среќа. Ама ако го изгласале за да ѝ наштетат на Русија, како што ЕУ инсистираше во предизборната кампања, ја утнале работата. Маѓар нема намера да ги откаже договорите со Путин, а Брисел ќе мора во исто време да ги финансира и Украина и Русија во нивната војна.

Војна најдобро се шитка во претпродажба, како што беа американските интервенции во Авганистан и Ирак за кои американската јавност беше добро издинстана и расположена. Војната со Иран е првата голема воена операција за која Вашингтон нема мнозинско одобрување. Трамп имаше седум недели да ја убеди домашната јавност зошто Иран морал да се нападне, ама - не му оди.

Изненадувачки голем број суштества, од инсекти па сè до големи цицачи, независно едни од други и од степенот на еволутивниот развој комуницираат со фреквенција од приближно два сигнали во секунда. Ни ние не сме отстапиле далеку од универзалниот просек – правиме два чекори во секунда, а повеќето рок и поп песни се напишани во темпо од 120 битови во минута.

Британска компанија доби лиценца да експлоатира гас од огромно поле во Јоркшир, кое има капацитет да задоволи 10% од енергетските потреби на земјата. Но, тоа нема воопшто да ја олесни енергетската криза ниту ќе ги намали сметките на семејствата. Струјата од гасната централа ќе се троши на рударење биткоини. Приоритет има приватниот ќар.

За да го пополни недостигот од околу 3.500 контролори на летање, американската Федерална администрација за воздухопловство објави конкурс насочен кон гејмери. Оценила дека нивната способност за концентрирање и брзо донесување одлуки се квалитети што одговараат за една од најкритичните позиции од која зависат животи на милиони луѓе.

Мелатонинот е природен хормон кој организмот го произведува ноќе а чии лабораториски синтетизирани верзии често се користат како помош за заспивање. Консензуално се смета за здрав за срцето. Сепак, една обемна нова студија сугерира дека редовните долгорочни корисници се соочуваат со поголем ризик од срцева слабост, хоспитализација, а со текот на времето, пу-пу, скраја да е.

Израелскиот премиер Бенјамин Нетанјаху направи хаос во американската перцепција на Израел а војната со Иран дополнително го влошува односот со САД. Падот на имиџот на Израел е највидлив кај помладите Американци, но го погодува и Конгресот. Пратеници кои започнаа јако произраелски настроени стануваат сè погласни критичари на авантурата во која Биби го вовлече Трамп.

Човечката историја во основа e една долга измама, со нас, луѓето, како постојано желни и жедни клиенти. Од проповедници, подиуми и билборди, пораката е извонредно конзистентна: не сте баш-баш, ама, имаме добра вест за вас -  ние го имаме решението! Тоа е најстарата шема за мулти-левел маркетинг во светот, и ние некако сè уште ја голтаме понудата, да ни продадат нешто што веќе е бесплатно.  

Аксел Спрингер е медиумска империја со седиште во Германија која ги поседува брендовите како Билд, Ди Велт, Политико и Бизнис Инсајдер. Го набавија и британски Дејли Телеграф по што на новинарите на тој медиум веднаш им беше даден уредувачки компас, за да не се изгубат во беспаќата на новинарската слобода. 

Министри за финансии и банкари низ светот свикаа кризни состаноци откако првите тестирања на Клод Митос потврдија дека оваа нова алатка со ВИ на Антропик има потенцијал да ја пробие заштитата на финансиските системи. Белата куќа им нареди на сите американски агенции да го користат моделот на Антропик за да ја проверат кибернетската безбедност.

Истенчувањето на заштитниот озонски слој околу Земјата првпат беше забележано во далечната 1985 година кога се откри растечка дупка над Антарктикот. Две години подоцна беше создаден Монтреалскиот протокол, по кој 193 земји одлучија здружено да го решат проблемот. 39 години подоцна се открива дека протоколот се заснова на погрешни проценки. 

ФБИ формира нов центар за следење граѓани и тројно го зголемил списокот со имиња на Американци за кои властите оцениле дека некогаш во иднина може да извршат терористички акт или кривично дело. Слично на филмот „Малцински извештај“, ФБИ настојува да следи и да прогонува луѓе врз основа на нивните проценети ставови. Особено ако не се од МАГА.

Американскиот национален долг од 39.000 милијарди не е проблем само за Вашингтон. ММФ го смета за „највидливиот симптом на глобална болест“. На енергетската криза предизвикана од војната на Блискиот Исток земјите одговараат со политички потези – широки субвенции и намалување на акцизите, кои се економски токсични и носат долгорочни проблеми.

Сем Алтман, кој од петни жили сака да ја управува иднината на човештвото, отсекогаш бил контрадикторен. Неговите соработници не можат да разграничат каде завршува неговата „надеж за човештвото“, а каде почнува копнежот за моќ. Илон Маск го тужи, Иља Сутскевер го обвинува дека лаже, а Дарио Амодеи предупредува „проблемот со OpenAI е самиот Сем“.

За две и пол години исчезнале или мистериозно загинале десет лица, од чувар до генерал, што имале пристап до најстрого доверливи проекти за вселенски истражувања и нуклеарна безбедност на САД. Конгресмени бараат од ФБИ конечно да спроведе истрага, за да се запрат шпекулациите дека за исчезнувањата можеби е одговорна државата.

Мигранти од Пакистан во Британија им плаќаат илјадници фунти на адвокатски фирми за да ги претстават дека се геј и така да им обезбедат право на азил. Британија не може да ги депортира, бидејќи хомосексуалноста е кривично дело во нивната матична земја. Тешко може да ги открие измамите, бидејќи азилантите се опремени со фотографии, сведочења и други лажни докази.

Иако со милениуми ни вршело работа, мерењето на денот според сонцето не е баш најпрецизен метод. Ротациите не се исти а врз нив влијаат различни фактори. Не само големите земјотреси и Месечината туку и огромните градби создадеи од човекот. Најголемата брана во Кина и светот е толку голеема што го забавува движењето на Земјата. Не е тоа многу, ама, малку по малку, отиде животот. 

САД и Израел тврдат дека ја почнале војната против Иран за да им помогнат на Иранците да се „ослободат“ од режимот и тиранијата. Го постигнаа сосема спротивното. Над 25 милиони Иранци од сите етнички и верски заедници се регистрирале за „Џан Фада“, спремни да го жртвуваат сопствениот живот за да ја одбранат татковината од агресорите.