Пожарите во Лос Анџелес и пеплосувањето на некои од најбогатите делови на градот, на прогресивците им покажаа дека лошото управување и спроведувањето политики во кои поважни ќе бидат идеолошките каузи наместо обичните потреби на луѓето, не маваат секогаш само по сиромашните туку и по нивната база. Многу битни работи се менуваат во Америка. 

Изминативе четири години, откако дојде Бајден па до денес, бројот на претплатници и читатели на Вашингтон пост е паднат за незамисливи 90%. И другите меинстрим медиуми не се нешто подобро.

Тикток, кој доколку ништо не се смени во следните неколку денови ќе престане да функционира во САД, е на пат да заврши како уште една интернет платформа во сопственост на Илон Маск.

Една дебата која моментално се тера во Кина се однесува на тамошни мајки кои нашле нов хак во покривањето на секојдневното справување со сопствените деца - испорака преку курири.

Прво ладно ги откачи факт-чекерите со оценка дека со својата политичка пристрасност направиле повеќе штета отколку ќар за довербата кон неговите платформи. Потоа гостуваше кај „омразениот“ Џо Роган за да се поплака како досегашните власти им се дереле кога барале да кинат содржини од Фејсбук а сега наредил да се отстранат тампоните за менструација од машките тоалети во Мета. Марче, ако си киднапиран, трепни.

75-годишен германски политичар целосно се повлече од парламентарните избори во земјата, откако некој душман му извади скриншотови од лајковите и коментарите што ги оставал по рандом Онлифанс девојки на Икс.

Анализа на протеински прашоци открива дека добар дел од производите што регуларно се продаваат содржат „вознемирувачки високи“ нивоа на олово и кадмиум. Најголемиот криминал бил кај растителниот и органскиот протеин, како и производите со вкус на чоколадо.

Директната физичка контрола над Канада и Гренланд би ги поставила САД на рамна нога со Русија во арктичкиот круг. Трката за Арктикот ќе биде една од „Големите игри“ на 21 век, најавува едно гео-политичко објаснување на најновата фрка на северот која ја зготви Доналд Трамп а кое неговите ишарети за Гренланд и Канада ги вади од онаа перцепција дека се работи за обични хирови на еден мегаломански трговец. 

„Го повикуваме Кралството Данска да ја прифати реалната ситуација на теренот и да ја признае независноста на Гренланд. Гренланд не се сипа во трактори, а неговата независност виси како камен на вратот на граѓаните на Данска. Време е Данците да ја напуштат својата митоманија и да се приклучат на остатокот од цивилизираниот свет. Лесно е да брани Гренланд од кафуле во Копенхаген“.

Над 40 камили биле дисквалификувани од натпреварот за убавина во Саудиска Арабија. Главно поради примање ботокс инекции и други козметички додатоци. Натпреварот за МИС Камила е врв на фестивалот на камили на кралот Абдулазиз, каде во игра се 66 милиони американски долари парична награда.

Пакистанската национална авиокомпанија (ПИА), на која во 2020 година ѝ беше забрането да лета за за Англија, САД и ЕУ поради безбедносна загриженост, објави дека ги обновува летовите за Европа. И како паднати од Марс да не чуле за 11 септември, пуштија реклама во која се гледа авион како лета директно кон Ајфеловата кула. Префинето.

Луѓето на претседателката на Европската комисија периодов се обидуваат да и закажат состанок на Урсула фон дер Лаен со Доналд Трамп, во Флорида, пред неговата официјална инаугурација.

„И да се биде роб има свои предности. Најблагородната е правото на слугата да не учествува во битките на својот господар, туку да живее во мир. Но, на американското водство ова не им се допаѓа“, изјави лидерката на десничарската Алтернатива за Германија, Алисе Вејдел, обвинувајќи ја власта на Олаф Шолц за поданички однос кон Вашингтон.

Италијанска Прада е еден од потенцијалните кандидати за купување на Версаче групацијата која беше ставена на продажба од нивниот сопственик Капри Холдингс.

Новите правила на Мета за користење на платформата не им дозволуваат на корисниците како навреда да нарекуваат други луѓе дека се ментално болни, освен ако тие други луѓе не се ЛГБТ.

Уште не го раситнил својот втор мандат во Белата куќа, Доналд Трамп нè потсети на неговата мегаломанија од трговски карактер па повтори дека сака купуванка во форма на Гренланд. Оти во сегашна и волкава Америка нема работи кои треба да ги среди (миграција, фентанил криза, бездомништво, инфраструктура...) па му треба поголема Америка.  

Кога Трамп во првиот мандат порача дека сака да го купи Гренланд, тие што не бе шокирани од изјавата не можеа да се приберат од смеење. Овој пат, барем за Данска, работите станаа многу посериозни.

Најбогатиот човек на светот приватно разговарал со своите соработници за тоа како Кир Стармер може биде избркан од премиерската позиција во Британија и пред следните избори во земјата.

Не мораа да бидат владеачки партии но успеваа да ја наметнат својата агенда на сите политички играчи. Родова идеологија, ковид, миграција, диверзификација... секој свој наратив го претворија во догма која не дозволува преиспитување. Како можеа да помислат дека тоа ќе мине туку така? Дека народот ќе каже, стварно, слободата е страшна, ни треба цензура?

Тие што веруваа дека посетите на Кина во кои беше пречекувана од заменик градоначалник ќе бидат дното на дипломатската кариера на германската министерка за надворешни работи, не очекуваа дека Бербок некогаш ќе ја посети Сирија или пак дека таму ќе ја дочека ребрендиран ИСИС.

Белгиската државна агенција за безбедност на храната деновиве мораше да ја опомене домашната јавност дека божиќните дрвја, како вештачки, така и природни, не се за јадење.

На помалку од две недели од инаугурацијата, Трамп објави дополнителна своја амбиција за засилување на брендот „Америка“, овој пат со преименување на Мексиканскиот залив во Американски.

Мета ќе се ослободи од проверувачите на факти, „драматично ќе ја намали количината на цензура“ и ќе препорачува повеќе политички содржини на своите платформи, вклучително и Фејсбук, Инстаграм и Тредс, најави основачот Марк Закерберг. Се молат факт-чекерите да ја проверат оваа вест, дур им трае платата. Не дека се секираме за нив, ќе најдат тие нови газди.

Тринесет вработени на ББЦ споделија дека на човекот кој го води нивното биро за Блискиот исток, главна работа му е да ублажува сè што звучи критички кон Израел и дека во целата куќа владее естремен страв да не се каже нешто погрешно за таа држава. Човекот за кого се зборува во својата канцеларија држи врамено писмо од Бенјамин Нетанјаху во кое тој ја фали неговата книга за разузнавање.