За бактериите не е вообичаено да имаат тенденција за доминација. Традиционално, се смета дека тие ги разградуваат полисахаридите и ослободуваат хранливи материи за другите организми. Сепак откриено е дека некои бактерии задржуваат хранливи материи во своите клетки.
Освен што се себични, тие се и пребирливи. Пулуланот, шеќер произведен од габи, бил најчеста цел на деградација во езерата Козјак во Плитвице и Црнишево, дел од Баќинските езера, каде што било спроведено истражувањето.
Научниците од Институтот Руѓер Бошковиќ и од универзитетите во Бремен и Виена сметаат дека ова е особено важно во контекст на климатските промени. Во зависност од температурата однесувањето на бактериите може потенцијално да доведе до побрзо или побавно кружење на јаглеродот и другите хранливи материи.
Себичното однесување на бактериите варира низ сезоните и е поинтензивно во водите што се побогати со хранливи материи, објаснува Андреа Чачковиќ од институтот „Руѓер Бошковиќ“.
