Пред осумдесет години на денешен ден, монструозната машинерија на Третиот Рајх конечно беше уништена во прашина. Свастиката беше откорната од Рајхстагот, логорите на смртта беа ослободени, а Европа - крвава, трауматизирана, но непотклекната - излезе од најтемната ноќ во историјата.

Група научници од Цирих со еден удар два пати надитриле кавгаџиски настроена заедница на Редит. Не само што во широка расправа скришно претставиле модели со вештачка интелигенција како да се луѓе, туку и прилично успешно им ги променувале ставовите на корисниците. Експерти го осудуваат тајниот експеримент како „најлошото прекршување на етиката во интернет-истражување“.

Точно 14 дена по најсмртоносниот напад врз цивили во Кашмир во изминатите десет години, Индија го нападна Пакистан. Властите во Њу Делхи објавија дека воената операција Синдор е одмазда за убиството на 25 Индијци и еден Непалец. Соседите секоја деценија водат по една војна за Кашмир, но овој пат ситуацијата е посериозна, бидејќи има помалку разум а повеќе нуклеарно оружје.

Нови духови ги опседнуваат компаниите. На оглас за вработување избираш кандидат со најдобро CV, правиш интервју преку камера и дури кога е предоцна сфаќаш дека човекот не постои. Си вработил бот, чија цел е да украде податоци од системот или да уфрли малициозен софтвер и да бара откуп за да го избрише. Вообичаен белег на ботовите е перфектно составено резиме. 

Двајца Кинези едвај спасија жива глава од хуманоиден робот што ненадејно и неконтролирано се размавта во халата во која бил изложен. Добрата вест е што никој не бил повреден. Лошата е очигледна од снимката што го обиколи светот и е крајно вознемирувачка. Мала грешка во кодот може од кроток робот да направи убиствена машина. А што ако некој намерно го програмира?

САД се прочуени по заштита на светоста на приватниот имот па секое влегување во нечиј двор може да доведе до фатални последици ако сопственикот е а) напнат и б) има оружје. Заради тоа ги ставаат оние знаци за забрана за минување („No Trespassing“), за на сите да им биде јасно да се свртат и да заминат. Но, во речиси половина држави не ни ставаат знаци туку предупредуваат со боја.

Шпоретите на гас ослободуваат доволно големо ниво токсични гасови за да предизвикаат рак, покажува нова студија. Главниот виновник е бензенот, кој се создава со согорување на природен гас или пропан. Децата се двојно повеќе изложени на ризикот од возрасните. Добрата вест е што подобро вентилирање на домот, макар и отворен прозорец покрај шпоретот, го намалува ризикот.

Што ако гравитацијата, силата што нè држи на планетата, всушност е само обид да се заштеди процесорска моќ во Универзумот, за да се среди нередот во него? Ова е основа на сериозна научна теорија дека животот каков што го знаеме е симулација. Се чини фантастична, но теоријата на релативноста и квантната механика не дале ништо подобри одговори што е гравитација.

Трамп потпиша наредба за забрана на контроверзните лабораториски испитувања за „стекнување функции“ (gain-of- function) кај вируси. САД преку УСАИД и други организации финансирале вакви истражувања во Кина и во други земји без да ги надгледуваат експериментите. Случајно протекување на еден таков вирус од лабораторија во Вухан уби десетици милиони луѓе и ја уништи светската економија.

На прославата на 80-годишината од крајот на Втората светска војна, на прагот сме на Третата. Така барем сметаат многумина жители на САД и на Западна Европа опфатени со голема анкета на Југов. За најверојатни потенцијални противници ги сметаат Русија и исламските терористи и убедени се дека во новиот глобален конфликт ќе биде употребено и нуклеарно оружје.

Американскиот претседател Трамп во неделата изјави дека САД нема да употребат сила за да ја направат Канада своја 51-ва сојузна држава. Како што тргнало, и не мора. Канада може самата да се расцепка. Неговата закана, како и победата на либералите на изборите, само го разгоре тивкиот сепаратизам на канадски провинции богати со нафта, кои се чувствуваат игнорирани од владата во Отава.

Мобилните телефони, рутерите, базните станици, сите уреди со радиофреквентни зрачења сепак имаат врска со тумори, покажува нов преглед финансиран од СЗО. Тоа не мора да значи дека треба итно да се ослободиме од мобилните телефони, без кои животот денес не може да се замисли, но има инженерски решенија што може да помогнат. Пред се, луѓето треба да знаат за ризикот.

На корисник на четбот не му е важно како машината го создава одговорот. Важно е да е точен и употреблив. Исто како што не мора да си електроинженер за да користиш апарат. Но, кога творецот на една од најнапредните лаборатории за развој на вештачки умови ќе каже дека нема поим како функционира системот што го создал, имаме голема причина да бидеме многу загрижени.

Кувајт повеќе нема да биде рајска оаза за рударите за криптовалути, кои ја преоптоваруваат електричната мрежа. Модерните копачи на злато нагрнаа во заливската земја поради големите субвенции за енергетиката. Во рација во биле откриени рудници за криптовалути во стотина домови. Откако биле исклучени од мрежата, потрошувачката на струја била преполовена.

Малта е последната земја од ЕУ што ги укина „златните пасоши“. Шемата ѝ донела 1,4 милијарда долари, поради што властите не се ни мачеле да проверуваат кој сè добива државјанство. Странците (главно Кинези) што сакаат со пари да се сторат Европејци имаат утешна можност – „златна виза“ што обезбедува жителство. Вакви визи се на продажба во 14 земји во Европа.

Од 2016 до 2025 година, Силициумската долина се дистанцираше од нивната „воук“ филантропија која во суштина беше ПР параван додека на големо избегнуваа даноци и блокираа вистински системски реформи. Зависноста на непрофитниот сектор од приватни донации дополнително ја ослаби вистинската критика а заедницата изгуби милијарди долари. „Разбуденоста“ повеќе беше за ќар на донаторите отколку за вистински промени.  

Може да биде тешко да се биде сингл (оти па во брак не е), но, и покрај предизвиците, во Јапонија повеќе од кога и да било, луѓе се решаваат да тераат сами до крај на животот. Резултатот од таква одлука се манифестира различно кај мажите и кај жените. Клучна е разликата во перцепцијата на бракот; мажите се убедени дека жените малку даваат а жените дека мажите многу бараат.

„Старбејс, Тексас. Сега е вистински град!“, објави Илон Маск откако неговата компанија Спејс Икс практично присвои селце во Тексас. Маск лично нема никаква локална функција, но важи за непрогласен градски татко. За тоа сведочи големата бронзена биста со неговиот лик, меѓу футуристичките деловни и јавни објекти и идентичните куќи за живеење.

Канадската влада започна интензивно тестирање на новата мРНК „AeroVax“ вакцина против ковид, која експертите ја опишуваат како начин да се заобиколи отпорот на традиционалната вакцинација. За разлика од конвенционалните вакцини кои се даваат со инјектирање, AeroVax се администрира преку аеросол - како спреј што се вдишува и директно ќе го таргетира горниот респираторен тракт.

Легендарниот инвеститор чие фасцинантно берзантско портфолио, долгорочни потези и инвеститорска филозофија му го заслужија прекарот „Оракл од Омаха“, на 94 години најави дека сака да види и во пензија како е. Пак го прашаа за неговата долговечност а тој пак им кажа дека зашеќерените газирани непријатели ништо не ѝ можат на среќата.

Субсахарска Африка се надева дека е ред и таа да даде наследник на тронот на Свети Петар во Ватикан. Во игра се тројца кандидати, сите ортодоксни по прашање на општествените теми. Африканците се тенко застапени на конклавата. Благослов се гледа и во пророштвата на Нострадамус, но знаете како е кај пророштва, кај нив ќе го прочиташ она што сакаш да го прочиташ.

За амбициите на кинеските инженери буквално нема граници. Ќе градат огромна станица длабоко под морето, проект што по комплексноста може да се спореди со три модули на вселенска станица. Целта е научно-истражувачка, но ползата може да биде и економска поради вредните минерали на дното на морето. Ќе се проучува и дали ретките организми може да помогнат  да се најде лек за рак.

Американското и германското толкување што е демократија се судрија директно во случајот на АфД, која вчера беше прогласена за „екстремистичка“. Државниот секретар Рубио му порачува на Берлин дека Уставот не може да се брани со очигледни недемократски средства, како што е строгото надгледување на главната опозициска партија, најпопуларна во Германија.

Науката треба да е неизмерно благодарна на лудата манија на Тим Фрид да се клука со стотици змиски отрови и на неговата среќа да ги преживее. Антителата се прилагодиле да се бранат од секој токсин, па сега од неговата крв се развива противотров ефикасен против сите отровници. Од каснувања од змии секоја година умираат по 140.000 луѓе, а тројно повеќе остануваат со трајни последици.