Тоа што со месеци им го збореа и повторуваа на Французите, дека Сена никако не е подготвена за луѓе да пливаат во нејзе, сега има и официјална докторска потврда откако неколку триатлонци завршија во болница по пливање во реката.

Немирите во Саутпорт во кои Британци, домородни, излегоа на улица и го истурија својот гнев откако 17-годишен мигрант уби 3 девојчиња и повреди уште неколку, британските медиуми почнаа да му ги препишуваат на Путин и негови ботови.

Се работи за зграда од 23 ката, за која е проблематично дека е полна само 35% и тоа главно затоа што работодавците не можат да ги убедат вработените да дојдат на работа.

Успехот на Москва и Вашингтон да ја договорат една од најголемите размени на затвореници и покрај тоа што двете страни се речиси на раб од војна, Киев го коментира со повторување на ветувањето на Бајден „Ништо за Украина без Украина.“

Џорџ Клуни беше една од најупадливите личности кои беа дел од притисокот врз Бајден да се повлече од претседателската трка, и тоа само неколку седмици откако на истиот тој Бајден му ја организираше една од најважните вечери за собирање пари за кампањата на која беа донирани рекордни 28 милиони долари.

Батерија која не може да работи цела вечност (ништо не е вечно) но сигурно може да го надживее сопственикот е нов изум на кинески научници. После година дена работа и 1.400 циклуси полнења и празнења, немало ни најмало намалување на капацитетот. Само што има еден услов: да работи на минус дваесет степени и да се полни малку.

Манчестер, фудбал, пабови, пиво. Во таква еко-средина дечко од Манчестер помислил дека има победничка идеја за нешто ново - да отвори безалкохолен паб. Ене го, затвора дуќан. Во иднина ќе држел безалкохолни поп-ап шанкови по венчавки. Немој некој да го излажал дека на наши венчавки пари би намлатил со таа идеја. 

Конгломератот ЛВМХ се пожали дека годинава заради општата депресија што владее во светот нивниот бизнис со вино и шампањ во првите 6 месеци паднал за 12%. Заработил 1,52 милијарди долари, ама тоа е помалку отколку лани.

Законот неодамна предложен од републиканскиот гувернер Џеф Ландри деновиве стапи на сила со што американската држава Луизијана стана првата сојузна држава во САД која ќе може да ги казнува осудените педофили со хируршка кастрација. Се надеваат дека ваква казна ќе обесхрабрува ваков тип сексуални предатори.

Запад и Русија ја изведоа најголемата размена на затвореници по завршувањето на Студената војна. Иако Путин во минатото често инсистираше на паритетна размена, глава за глава, овојпат даде шеснаесет луѓе за да добие осум. До ваквата размена немаше да дојде ако во пакетот не беше вклучен Вадим Красиков.  

Меркур е најмалата (откако го дисквалификуваа кутар Плутон) и најблиската планета до Сонцето во нашиот планетарен систем, но преку ноќ стана интересен откако научници сугерираа дека под неговата површина има огромен, повеќекилометарски слој дијаманти. Ок, не дека е баш блиску до нас (77 милиони километри) и не е дека е баш пријатно место за копање (430 целзиусови степени).

Компанијата за приватно таксирање Убер и кинескиот автомобилски гигант BYD планираат партнерство со кое ќе се распоредат 100.000 електрични возила на Кинезите во Европа и Латинска Америка. Кинезите нудат поволности околу цените, осигурувањето и финансирањето а почнаа да отвораат фабрики ширум светот.

Да не излезе дека и таа опција не е разгледана, американскиот Форин полиси на широко ја расправа темата за смена на Путин по основа на негово убиство, и кој и како би можел да донесе демократија во земјата само прво да го убие рускиот претседател.

Преку 200 барање за отштета има добиено словенечкото министерство за здравство заради последици предизвикани од примањето ковид вакцина. Има и смртни случаи и случаи на сериозно или трајно нарушување на животни функции а досега исплатените отштети се движат меѓу 20.000 ии 60.000 евра. 

Елисејската палата минатата фискална година ја завршува со еден од најголемите минуси, затоа што Макрон решил да потроши нешто помалку од половина милион евра на вечерата за британскиот крал.

4,5 милијарди долари во злато што беа во резервите на Централната банка на Аргентина, веќе не се таму. И не само што не се таму туку никој не знае / не кажува каде се.

Брисел веќе прави стратегија како ќе одговори ако се остварат најавите на Трамп за заштита на американската економија со давачки на увозните проиводи од ЕУ. Не им е сефте. Во првиот мандат Трамп удри по европскиот челик а овие вратија онаму каде што најмногу ги боли неговите гласачи: бурбон, Харли Девидсон и говедско.

По глобалниот самит што го организираше во јуни во Швајцарија, Украина, конкретно Зеленски, најави дека до ноември ќе имаат и акциски план како да се стигне до мирот.

Оние што веруваат дека атентатот на Трамп не е дело на осамен лудак туку-така качен на покрив со пушка, убедени се дека моќните структури кои го извеле тоа, нема да се откажат после првиот неуспех. Особено што стигна и писмо од свиркач, контра-снајперист, кој го тврди истото и вели дека ќе алармира додека не бидaт сменети сите негови претпоставени.

Истиот 80-годишник кој минатата година се прослави по најавата дека сите пари ќе му ги остави на својот градинар, сега излезе дека нема да има нешто многу пари за оставање.

Жените што учествуваат на Олимпијадата во Париз се „елитни спортисти“ кои камерманите треба да ги кадрираат на ист начин како и мажите, порачал директорот на комплетниот пренос од ОИ 2024.

Видео склопено со вештачка интелигенција кое беше очигледна пародија на Камала Харис толку го разбесни калифорнискиот гувернер Гавин Њусам што веднаш најави закони со кои ќе се осигура дека не може тоа така. Првиот човек на некогаш најдобрата американска држава очигледно не верува дека неговите граѓани можат да разликуваат реалност од очигледна фикција без помош на цензура.

Гувернерот на Калифорнија им нареди на агенциите на сојузната држава да почнат со отстранување на населбите на бездомници на државно земјиште, откако Врховниот суд на САД им дозволи на градовите да ја спроведат забраната за спиење на отворено на јавен простор.

Само 13% од испитаниците изјавиле дека се подготвени редовно да јадат оброци со инсекти, кои во последно време се натураат како еден од столбовите за спас од глобалното затоплување. И тоа мора да се поправи во име на климатските промени, не инсектите, туку вашето гадење од нив.